NEHEMIAH 8:9 - DAÜLANGPÜ LAIHING (BSI)

⁹ Hapheikü Nehemiah governor, ngongpa hatü nyangbü Ezra, Levi am shahkung nyuhpüthüi nanglakthü kü, “Shinnyih-ü Shembüpa, ammei Kahvang touei daülangpü nyih; am tethep” shei e. Mehenangkü nanglakthüi shahkungi mehe enya, ha danei longi thepei nyu.

NEHEMIAH 8:9 Referans Kwoze

NEHEMIAH 7:70

Phang kü shangjingthü hanei hapa dou kü moila shuoh. Governor-i hon dok 8, nükshung pati 50, ngongpathü shing owhiai 530 shuoh.

NEHEMIAH 7:65

Hanangkü governor-i jomphong kü ngongpai Urim hatü Thummim homei chongphoei mangling thahshi daülangpü hahying nehahhen ngeükhüam shuoh.

SHAHKÜP 12:12

Halei amphongi Shembüpa, ammei Kahvang touei ammei hapeüthü, ammei aathü hatü ammei jilalei nyupü Levi am mü mongongtuh; Levi amü jomei kahdok hayaoha neshiü shei deihtuh.

NEHEMIAH 8:2

Hanangkü len nyetpabü shongpü nyih kü ngongpa Ezra-i danhen aokpü nyüha baha thaipü touei Shahkungnyü yah-ei ngai.

SHAHKÜP 16:11

Shembüpa, ammei Kahvang touei ammei hapeüthü, ammei aathü, hatü am mü chemi nyupü Levi am, yenpa-oupathü, hashihhathü hatü vaümnyüthü mü mongongteituh. Hayü büpai jepü khümshingei motuh.

ISAIAH 61:3

Mongtok mongshang kü Zionlei nyupüthü kü depla nangjei nethe meipü ong athen, mahng theppü nangjei mongongpü mainga, mongmahdaipü laangha nangjei dupü-oupü owhiai shuohhen shompeih. Jomphong keyü Shembüpai laophülei müknyinshekhang huhen shingvaishi büpai sheipü daülangshemshepü longkhampüthü shei nyükhen.

CHONGVENBÜ 3:4

thephen hepak hük, hatü nyihen hepak hük; mahng thephen hepak hük, hatü phaukteihen hepak hük;

EZRA 2:63

Ngongpai Urim hatü Thummim noshi chongmangpho thahshi daülangpü hahying nehahhen governor-i jom kü ngeükhüam shuoh.

SHAHKÜP 12:7

Halei, Shembüpa, ammei Kahvangi ammi dükpü lemphü kü moihimanpü nangkü am hatü ammei shem am kemei chemi hahyinghen hatü mongonghen.

LEVI 23:24

“Israel am kü, lenyang nyetpabü shongpü nyih kü, ammi nyiumeipü nyih hük themhen, hatü mechem amit vüngkahen, khümnüng thaihen.

ROM SHAHSHA APPÜ 7:9

Ngei chem shahkungnyü neshiüi yemmü nyupeih, shejao mechem shahkungnyü peipa, mang jatongpeih,

ROM SHAHSHA APPÜ 3:20

Mehenangkü shahkungi epü douthü dükpai hangku üpaiyao büpa touei dahshakei neaokpih; mehenangkü shahkungnyü homei mang nyingpü peinyüpeih.

MALAKI 2:13

Ammi hayao düknyüke: Ammi Shembüpalei moidü theppü youngpai, mükphi oushangi matüknyüke; mehenangkü büpai hajük kü ammei moila kü mong neshuohnyu nevaijü ammei lak kübü moila mongongshi neyahnyu.

HOSEA 4:6

Kihikon taopü nangkü ngelei nanglakthü mahdainyüke; Mehenangkü ammi kihikon yaktükpü nangkü ngeiyao am ngelei ngongpa vaihen kübü yaktükpeih. Ammi ammei Kahvangei shahkung betükpü nangkü ngeiyao ammei hapeüthü betükhen.

NEHEMIAH 12:26

Hathüyü Joshualei cheha Joiakim, Jehozadakei chehülei nyih kü hatü Nehemiah governor hatü Ezra ngongpa nyilei nyih kü nyu.

NEHEMIAH 10:1

Hapa vangpüshuwpü kü füoshang shingpüthü: Hekaliahlei cheha Nehemiah governor, Zedekiah,

EZRA 7:11

Hapayü Artaxerxes ongpai ngongpa hatü nyuhbü, Israel am shingvaishi Shembüpalei shahkung nyingpü shennyak Ezra touei shompü lai:

2 SHÜPPÜKENGPÜ 35:3

Büpai Israel am peü kü nyuhbü hatü Shembüpa kü lanei shuohtükpü Levi am kü eteke, “Daülangpü Vangpüshuwpü Pela yah-ei Davidei cheha Solomon, Israel ongpai vepü phopshemei tuhtuh; ammi bhagchongei paishi kamteihen napü neshiü. Shaang Shembüpa, ammei Kahvang hatü büpalei nanglak Israel am chongphotuh.

2 SHÜPPÜKENGPÜ 34:21

“Daituh hatü ngei hatü Israel am aopüthü hatü Judah shingvaishi hapa dangpü laitapei mehe nyangei nyüpa ha Shembüpa kü phetuh; Shembüpalei shahthü jenei bühipathüi nedükpü nangkü Shembüpalei mongshih longpü jen kü khüpphahen khih; hapa lai kü nyangei nyupükei jomi nedükang” shei e.

2 SHÜPPÜKENGPÜ 34:19

Mechem ongpai shahkungnyü leipü shahthü danpa, büpai laophülei ashakviha shaaktük.

2 SHÜPPÜKENGPÜ 30:22

Shembüpa chongphopü dousho meishi yaoei dükjapü Levi am peü kü Hezekiah-i menvih shuoh-ei e. Nyih nyet thahshi jom kü hahhen epü hean hah-ei mongjempü moila shuoh-ei Shembüpa, chebü chepalei Kahvang kü menvih shuohteke.

2 SHÜPPÜKENGPÜ 15:3

Hepak luangi Israel amü hingshangpü Kahvang, nyuhhen venhen ngongpathü hatü shahkung neshiüi nyupeih.

2 ONGPATHÜ 22:19

nüngi mong lepei, Shembüpa touei maanpü leipü nangkü ngei hapa shing hatü halei nyupüthü lavüngtoiyei leitükhen, hatü thaüvaühen shei epü nüngi danei nüngi ashakviha shaakei ngei touei theppü nangkü ngei nüngi epü ngeü dantepih shei Shembüpai enyüke.

2 ONGPATHÜ 22:11

Mechem ongpai hapa Shahkungnyü Laitap leipü shahthü danpa, büpai laophülei ashakviha shaak,

SHAHKÜP 26:14

Ngei mahng theppü hepak kü haleipü meheyao nehah-angpih nevaijü ngei nedaüi nyushingkü shemong leipü hükao yah-ei nedai, nevaijü haleipü meheyao dipü mahng kü moila neshuoh-angpih. Ngei Shembüpa, ngelei Kahvangi epü bangtepih hatü ngei kü epü lemphüli düktepih.

JAKOB 4:9

Mongshangtuh, mahng theptuh hatü vaütuh. Am nyipüwapeyü mahng theppü, hatü am mongongpü mongmang leihütuh.