NEHEMIAH 8:6 - DAÜLANGPÜ LAIHING (BSI)

⁶ Hapheikü Ezra-i, “Shembüpa, longpü Kahvang men longtuh” shei e, hatü nanglak peüi, “Amen!, Amen!” shei jomei lak haongtü jangei e. Hapheikü jomei dhe kahdok philei aümei shatü Shembüpa kü khüm.

NEHEMIAH 8:6 Referans Kwoze

1 TIMOTI 2:8

Hanangkü shing peü kübü shennyakthüi mongshih nevami nevaijü shah nedaktei-i lak haongei nyemphop shei ngei deihnyüke;

YOUNG LAI 3:41

Jeni jenei mongsha apshah, hatü jenei lak haongei vangsho Kahvang kü hapakei phopei eshah:

MÜLANGPÜ 4:31

Nanglakthüi hinglem; hatü mechem jomi Shembüpai jom ponghahpü eeyei junghen peipeih shei danpa, jom aümei shaei khümteke.

2 SHÜPPÜKENGPÜ 20:18

Hahepak kü Jehoshaphati kahdokei dhe aümei sha, hatü Judah hatü Jerusalem am peü aümei shaei Shembüpa kü khüm.

SHAKEI VAMPÜ 7:11

Vangsho phongshanthü ong uoshing shinei, behethü shinei hatü yemmü nyupü yemhathü ali shinei yaongtü ong uoshing touei jomei dhe aümei shatü Kahvang kü khüm,

MENVIH KESHO 134:2

Daülangpü shingei ammei lak haongtuh, hatü Shembüpa vihtuh!

NEHEMIAH 5:13

Ngeiyao ngelei shünglok sheyei dheütü, “Hapa lahpü üpai nedükhenshang Kahvangi jomei shem, mophimo hapakei dheüei yaktüktuh, hatü lakkong tuhtuh” shei e. Hahepak kü halei nyupü peüi, “Amen!” shei e, hatü Shembüpalei menlong, hatü nanglak peüi jomi lahpükei dük.

KAHBHAO 24:26

Hapa shennyaki aümei shatü Shembüpa kü khüm,

1 SHÜPPÜKENGPÜ 29:20

Hapheikü Davidi thaipü nanglakthü kü, “Shembüpa, ammei Kahvangei men longtuh” shei e. Hanangkü jom peüi Shembüpa, jomei bühipa Kahvang kü menvih; jomi Shembüpa hatü ongpa touei kahdok kü aümei shateke.

LEVI 9:24

Shembüpa nyushing leipü aw vamei jakpü moila hatü moidü leipü cheü hahtük. Mechem nanglakthüi hapa eepa, jom peü mongongpai len, hatü dhe dhaongei shateke.

MÜLANGPÜ 12:27

ammi, ‘Hapayü Hompü Mo Shembüpa kü dhüm shuoh-ei monyüpeih; mehenangkü jen Ijiplei nyushi büpai Israel amei shem peü peih-ei daiyei büpai Ijip am jütükpeih, shejao büpai jen yangpeih’ shei etuh” shei eteke. Hahepak kü nanglakthüi aümei shaei khüm.

1 PETER 1:3

Kahvang hatü jenei Shembüpa Jisu Khristalei Pa moihimantuh! Jisu Khrista dipü kübü yangei leipü homei büpa phahji longpai büpai jen kü yangnyuyem monglempü kü jen kü ja bühpü hük shouhteke,

EPHESIA 1:3

Jen kü vangsho nyuichingei Khrista kü lemphü laangha moihiman shuohpü Kahvang hatü Shembüpa Jisu Khristalei Pa men longtuh.

1 KORINT 14:16

Hei nevaijema, nüngi laangha kü Kahvang kü menvih shuohjü nüng mü nyupü hanei ami ha nenyingnyingi mekei etü nüngi menvih shuohpü kü, “Amen” shei ehen? Mehenangkü nüngi mehe enya büpai ha nenyingnyu.

MATHI 26:39

Maani yanei heihtü büpa kahdokei lemei shatü, “Opa, aokjema hapa shanghah yungshong ngei kübü yahlangshih, shejao ngei mongpü nevai, nüngi mongpü vaituh” shei phopei e.

MATHI 6:13

Nüngi ham shüveipülei temühü, shejao nemeipü leipü ham yangtuh. Mehenangkü ongching ngan, hatü müknyinshekhang düngei nüng lompü vaituh.” Amen.

JEREMIAH 28:6

Jeremiah thibüi, “Amen! Shembüpai hapakei nyemdükma! Nüngi teteivanei epü shahthü kei Shembüpalei shem leipü deilangpü yungshongthü hatü Babylon wüpküpei nyupüthü müei nyemleiküma!

MENVIH KESHO 141:2

Nüng touei ngei phoppü ayingshü keiha yahtuh, hatü ngelei lak om kü shuohpü moila kei haongnyeih.

MENVIH KESHO 63:4

Ngei yemmü nyupü thahshi ngei nüng vihhen, hatü nüngei men kü ngelei lak haonghen.

MENVIH KESHO 41:13

Shembüpa, Israel Kahvangei men hüdenhalenshi vihtuh, Amen! Amen!

MENVIH KESHO 28:2

Ngei nüng kü sheühpü yüei lenpü ngeü danlangshih. Longi Daülangpü Shing philei ngelei lak haongnyüpeih.

2 SHÜPPÜKENGPÜ 29:30

Hezekiah ongpa hatü büpalei lakchongbüthüi Levi am kü David hi Asaph thibü nyi-i nyangpükei Shembüpa kü menvih kesho lokhen e. Hanangkü jom men vihpai kesho lokei aümei shaei khüm.

2 SHÜPPÜKENGPÜ 6:4

Büpai e: “Opa David kü büpalei jui lahpü büpalei laki hingei ha jiühüpü kü Shembüpa, Israel Kahvangei men longtuh. Shembüpai eteke,

KAHBHAO 14:22

Shejao Abrami, “Shembüpa Jaipüba Kahvang, kahdok vangsho Lingbü kü ngei lahtüktih.

1 SHÜPPÜKENGPÜ 16:36

Nedohnetenpü kübü nedohnetenpü thahshi Shembüpa, Israel Kahvang kü shaang hatü dohpü neshiüi men longtuh. Hahepak kü nanglak peüi, “Amen” hatü “Shembüpa men longtuh” shei eteke.

NEHEMIAH 8:7

Shao Jeshua, Bani, Sherebiah, Jamin, Akkub, Shabbethai, Hodiah, Maaseiah, Kelita, Azariah, Jozabad, Hanan, Pelaiah, Levi am hathü nanglakthü laophülei shingei yaongshi nyushi Kahvangei shahkung nanglakthü kü nyinghühen nyuh.

1 SHÜPPÜKENGPÜ 29:10

Hahepak kü nanglakthü peü nyushi Davidi Shembüpa kü moihimanei e, “Nüng men vihnyeih, Oh Shembüpa, nedohnetenpü hamei pa Israel Kahvang.

2 SHÜPPÜKENGPÜ 29:10

Shaang ngei Shembüpa, Israel Kahvang mü vangeishuwpü hük linghen deihshi nyüpeih; shejüang büpalei mongshih jen toueipü yahlangphahen.

MENVIH KESHO 95:3

Mehenangkü Shembüpayü longpü Kahvang; hatü kahvangthü peü shak kü longpü Ongpa.