NEHEMIAH 8:3 - DAÜLANGPÜ LAIHING (BSI)

³ Danhen aokpü nyüha bahathü toumü Yunglok Shaden touei chingshe philei meetü büpai ha dhom mebü haümhahphei thahshi ie, hatü peüi mong shuoh-ei hapa Shahkung Lai bangteke.

NEHEMIAH 8:3 Referans Kwoze

SHAKEI VAMPÜ 3:22

Üpa kü banghen dhaong nyu, Laanghai attoithü kü mehe enya bangtuh.”

SHAKEI VAMPÜ 2:29

Üpa kü banghen dhaong nyu, Laanghai attoithü kü mehe enya bangtuh.

1 THESALONIKA 2:13

Mechem hami venpü danei ammi Kahvangei shah yahpa, ammi hayü shennyakei shah kei nevai, shejao mepa am vaipüthü kü dou düknya, hingshangpü Kahvangei shah shei ammi ha yahpeih.

PHONGSHANTHÜ DOU 28:23

Jomi büpa mü ponghen nyih itteipheikü jomi büpa paümpü shingei khong longi pei. Dhom kübü om dhüshi büpai hapa jung nih-ei Kahvang ongching jung denpü shuoh, hatü Mosa shahkung hatü thihivam laithü kübü eyei jomphongao Jisu shingvaishi lepei leihen khe.

PHONGSHANTHÜ DOU 17:11

Thesalonika leipü Jehoda am meyü Berea leipü Jehoda am-üng yahhahhüpü kohshi nyu; mehenangkü jomi shahjangmei longi mong shuohshi yah, hatü hathü jiüla shei nyihjeih laihing yemteke.

PHONGSHANTHÜ DOU 16:14

Nyüha hük Lydia shei mentü nyu; pinnyü-ü Kahvang kü khümpü shennyak hük hamphongi epü kü bangei nyuküpeih. Pinnyü-ü Thiatira am hatü manghmepü ashak yuteipü shennyak nyuteke. Pauli epü kü mong shuoh-ei banghen Shembüpai pinnyülei mongsha apteke.

PHONGSHANTHÜ DOU 15:21

Mehenangkü Mosa shahkung shelei mebü chingnyü peü kü chongven, hatü sabbath nyih ieyei kü ha wongmü Sinagoglei iehampeih.

PHONGSHANTHÜ DOU 13:27

Mehenangkü Jerusalem kü nyupüthü hatü jomei mübüthüi sabbath ieyei jomi ieteipü thihivam shahthü jomi nenying nevaijü nedanaok; hathü shah-ü jomi büpa nyonghüpai dhaümhüpeih.

PHONGSHANTHÜ DOU 13:15

Shahkungnyü hatü thibü laithü iepheikü Sinagog leipü lakchongbüthüi jiji kü shahjang shomei, “Jeihinaü nyi, nanglakthü kü nangthong shah ehen nyujema etuh” shei e.

LUK SHAHSHA APPÜ 19:48

shejao jomi dükaokhen mü meheyao nedang; mehenangkü nanglakthü peüi büpalei shah hükao ne-ami bangei nyuteke.

LUK SHAHSHA APPÜ 8:18

Hanangkü nüngi mekei bangnya kenhingei deihtuh; mehenangkü üami ang, hathü kü nyeishi shuohhen; hatü üami ne-ang, jomi mehe anghen shei deih, hayao yahlanghen.

MARK 12:37

Davidiyao büpa kü Shembüpa shei nyük; shejema mekei etü büpayü büpalei hapeü vaihenang? Büpai epü kü khongnyü longi mongongshi bangei nyu.

PHONGSHANTHÜ DOU 20:11

Hapheikü Paul jaandokei aongei bhaong hah hatü vangngaipü thahshi nedoh-i shah eyei nyutü büpa layaongei lüdai.

PHONGSHANTHÜ DOU 20:7

Hatyang kü shongpü nyih kü mechem hami mongjempü bhaong hahhen thaipa, Paul nyihphei lüdaihen vaipü nangkü jomphong mü nyak jiam thahshi shah eteiyei nyu.

NEHEMIAH 8:1

Len nyetpabü kü Israel ami laophü laophülei jilalei nyu. Nanglakthü peü chemi Yunglok Shaden chingshelei thai. Jomphongi nyangbü Ezra kü Israel nanglakthü shingvaishi Shembüpai shuohpü Mosa Shahkung Laitap ngaikei shei e.

NEHEMIAH 8:4

Hakeipü thaihiyu shing lingpü dünyü shangei nyangbü Ezra aongei yaong. Büpa mü lakdah philei Mattithiah, Shema, Anaiah, Uriah, Hilkiah, hatü laknyong philei Pedaiah, Mishael, Malkijah, Hashum, Hashbaddanah, Zekhariah hatü Meshullam hathü yaong.

NEHEMIAH 8:5

Ezra-i nanglakthü peüi eeshi lai ap; mehenangkü nanglakthü peü mü büpa shaoshi yaongshi shiüteke, hatü mechem büpa lai appa, nanglakthü peü yaong.

SHAHKÜP 31:9

Hanangkü Mosai hapa shahkungnyü nyangteke hatü Shembüpalei Vangpüshuwpü Pela kopü Levi am ngongpathü kü hatü Israel am mübüthü peü kü shuohteke.

JOSHUA 8:35

Israel am khong nyüha, hashih hatü jom mü lakeiloiyei nyupüthü thaipü touei Mosai epü shahjük hükao Joshua-i ne-ie-i netuhphong.

NEHEMIAH 8:18

Nyihjeih shongpü nyih kübü dohpü nyih thahshi büpai Kahvangei shahkungnyü lai kübü ieteke. Jomphongi nyih nyet thahshi moteke hatü nyih shetpabü kü shahkungi mongpükei thaipüyupü nyu.

NEHEMIAH 10:29

hamei jeihinaüthü, mübüthü mü chemi ham nyingi thaüvaü hüki shaei yahtü Kahvang chongphobü Mosa homei shuohpü Kahvangei shahkung kü mühen, hatü Shembüpa, hamei Shembüpai epü shahkung hatü vanglemthü peü ven bangei dükhen shei lahnyeih.

NEHEMIAH 13:1

Hapa nyih nanglakthüi danshi Mosa Shahkung wongmü ieshingkü halei Ammon am nevaijü Moab am Kahvangei nanglak mü omnüng neaok shei nyangei nyuteke.