NEHEMIAH 8:2 - DAÜLANGPÜ LAIHING (BSI)

² Hanangkü len nyetpabü shongpü nyih kü ngongpa Ezra-i danhen aokpü nyüha baha thaipü touei Shahkungnyü yah-ei ngai.

NEHEMIAH 8:2 Referans Kwoze

LEVI 23:24

“Israel am kü, lenyang nyetpabü shongpü nyih kü, ammi nyiumeipü nyih hük themhen, hatü mechem amit vüngkahen, khümnüng thaihen.

MALAKI 2:7

Mehenangkü ngongpa hükei jubenyeijaang kü kihikon anghen vongbong, hatü büpalei ju kübü shennyakthüi nyuhpü venpü yemhen vongbong; mehenangkü büpayü Shembüpa Kahvangei shahjang kobü nyüke.

BHEI-IE 29:1

Len nyetpabü shongpü nyih kü ammi phopnüng thaituh, hatü ha nyih dou nedükhen. Hapayü am shingvaishi amit vünghen nyih nyüke.

PHONGSHANTHÜ DOU 15:21

Mehenangkü Mosa shahkung shelei mebü chingnyü peü kü chongven, hatü sabbath nyih ieyei kü ha wongmü Sinagoglei iehampeih.

ISAIAH 28:9

Üam kü büpai nyuhhen khenya? Üpa kü büpai hapa shahjang enya? Hapayü shaang amma phenpü naü kü ehen mon meihen khih.

SHAHKÜP 17:18

Mechem büpa ong uoshing kü uohenshang, büpai Levi am ngongpathü leipü shahkung laitap leipü büpa shingvaishi hük nyangei noteihen vongbong.

NEHEMIAH 8:9

Hapheikü Nehemiah governor, ngongpa hatü nyangbü Ezra, Levi am shahkung nyuhpüthüi nanglakthü kü, “Shinnyih-ü Shembüpa, ammei Kahvang touei daülangpü nyih; am tethep” shei e. Mehenangkü nanglakthüi shahkungi mehe enya, ha danei longi thepei nyu.

NEHEMIAH 9:1

Hapa len nyih hapüalipabü kü Israel nanglakthü peü thaiyei dhoila ashak ümtü kahdok nyiotü shüaeiyungleteke.

JOSHUA 8:35

Israel am khong nyüha, hashih hatü jom mü lakeiloiyei nyupüthü thaipü touei Mosai epü shahjük hükao Joshua-i ne-ie-i netuhphong.

NEHEMIAH 8:18

Nyihjeih shongpü nyih kübü dohpü nyih thahshi büpai Kahvangei shahkungnyü lai kübü ieteke. Jomphongi nyih nyet thahshi moteke hatü nyih shetpabü kü shahkungi mongpükei thaipüyupü nyu.

NEHEMIAH 10:29

hamei jeihinaüthü, mübüthü mü chemi ham nyingi thaüvaü hüki shaei yahtü Kahvang chongphobü Mosa homei shuohpü Kahvangei shahkung kü mühen, hatü Shembüpa, hamei Shembüpai epü shahkung hatü vanglemthü peü ven bangei dükhen shei lahnyeih.

NEHEMIAH 13:1

Hapa nyih nanglakthüi danshi Mosa Shahkung wongmü ieshingkü halei Ammon am nevaijü Moab am Kahvangei nanglak mü omnüng neaok shei nyangei nyuteke.