NEHEMIAH 8:12 - DAÜLANGPÜ LAIHING (BSI)

¹² Hanangkü nanglakthü laophülei shemei leiyei hah hatü ying hatü ha mih kao hanei shuoh; mehenangkü jom kü ieyei hupü shah jomi nyingteke.

NEHEMIAH 8:12 Referans Kwoze

MENVIH KESHO 119:174

Ngei nüngei yemleipü ongyangnyeih, Oh Shembüpa, hatü nüngei shahkungü ngelei mongong.

LUK SHAHSHA APPÜ 24:32

Jiji hüki hük mü, “Büpai ji kü lemei shah eshingkü hatü büpai laihing aptü nih-ei ephüshingkü mong kü aw bahnyukei shaamküla?” shei etei.

MENVIH KESHO 119:171

Ngelei ju-i nüng kü vihhen; mehenangkü nüngi nüngei shahkungthü nyuhnyüke.

MENVIH KESHO 119:130

Nüngei shah shakei vampai vangngai shuohnyeih; lapja-i nyupüthü kü hapai kihikon shuohnyeih.

MENVIH KESHO 119:127

Hingmei hon, meipü hon mao ngei nüngei shahkungthü kü bamnyeih.

MENVIH KESHO 119:111

Nüngei shahkungthüyü düngei ngelei mükjüp; hathüyü ngelei mongdangi mongongpü.

MENVIH KESHO 119:97

Oh, nüngei shahkung kü ngei meshük bamhüpüang! Helushoei ngei ha deih-ei dangnyeih.

MENVIH KESHO 119:72

Ngei keyü hon hi ngin haja leimao nüngei ju kübü shah-üng meipü khih.

MENVIH KESHO 119:16

Ngei nüngei shahkungthü kü mongongnyeih, ngei nüngei shahthü nebepih.

MENVIH KESHO 119:14

Mophimo longi angpü mao ngei nüngei shahkungnyü leipü lemthü kü mongongnyeih.

JOB SHAHSHA APPÜ 23:12

Büpalei shahkungnyüthü kübü ngei neyan; Büpalei shah ngelei mongei jaoei nyüpeih.

ROM SHAHSHA APPÜ 7:18

Mehenangkü ngei kü, lappai ngelei phai kü mei meheyao nenyu shei ngei nyingnyüke. Mehe mei ha ngei kü dükhüpü nyüpeih, shejao ngei ha dükei neaoknyu.

JEREMIAH 15:16

Ngei nüngei shah dangei ngei ha hahpeih, hatü nüngei shahthü ngelei mongkü mongongbenüng leiteke; Mehenangkü ngei kü nüngei men menteke, Oh Shembüpa, Jeiyong Kahvang.

SHAKEI VAMPÜ 11:10

hatü kahdoknyü kü nyupüthüi jom shak kü mongongteihen hatü moeitapei thintho jeiteihen; mehenangkü hapa thibü nyi-i kahdoknyü kü nyupüthü kü longi shüveiteke.

NEHEMIAH 8:10

Hapheikü Nehemiah-i hathü kü, “Shemei leituh, hatü meipü hahying hahtuh; vüngnyangpü yiü yingtuh. Ammi nükhiyiü neshiüpü am kao hanei shuohtuh. Shinnyih-ü Shembüpa kü daülangpü nyih; hanangkü mongteshang, Shembüpai shuohpü mongongü ammei wong” shei eteke.

NEHEMIAH 8:11

Hanangkü Levi ami nanglakthü kü, “Nendaituh; mehenangkü daülangpü nyih am mongteshang” shei eshi nenhü.

NEHEMIAH 8:13

Nyihphei phang kü shangjingthü mü ngongpathü hatü Levi am peü chemi Ezra touei shahkung leipü shahthü yemhen peiteke.

ESTHER 9:22

hatü hapayü Jehoda am vepa lak kübü nyiumei dangpü, jom mongmangpü mongong leihüpü, hatü mahng theppeyü mongongpü nyih vaihen shei e. Büpai jom kü hathü nyih-ü mopütappü, mongongpü, hatü hüki hük kü thintho hatü taopathü kü hahying shuohteipü hepak hük vaihen shei nyang.

1 SHÜPPÜKENGPÜ 29:22

Ha nyih jomi Shembüpa touei longi mongongshi hah hatü ying. Jomi nyipabü Davidei cheha Solomon ong vaihen shingvaishi Shembüpa touei thiteiphuei je hatü Zadokü ngongpa vaihen je.