NEHEMIAH 8:10 - DAÜLANGPÜ LAIHING (BSI)

¹⁰ Hapheikü Nehemiah-i hathü kü, “Shemei leituh, hatü meipü hahying hahtuh; vüngnyangpü yiü yingtuh. Ammi nükhiyiü neshiüpü am kao hanei shuohtuh. Shinnyih-ü Shembüpa kü daülangpü nyih; hanangkü mongteshang, Shembüpai shuohpü mongongü ammei wong” shei eteke.

NEHEMIAH 8:10 Referans Kwoze

KANDOK 17:22

Mongongmonglepü mongdangü meli meipü; shejao tendaipü laanghai vangni ütüknyeih.

CHONGVENBÜ 9:7

Daituh, mongongshi hahying hahtuh, hatü mongongshi yingtuh; mehenangkü nüngi mehe düknya, Kahvangi shelei mebü mongpü nyüpeih.

MENVIH KESHO 149:2

Israel ami laophü Lingbü kü mongmeituh; Zion hapeüthüi jomei ongpa kü mongongtuh.

ISAIAH 61:10

Ngei Shembüpa kü longi mongmeinyeih, ngelei laanghai ngelei Kahvang kü mongongnyeih. Mehenangkü yiük yahbüi laophülei shangjing kü ngongpalei athen thenpü kei, hatü doidainyüi laophülei yüknyü yükpü kei, Shembüpai ngei kü yemleipü ow owhüpeih, hatü daülangshemshepü bhagthuh thuhphopeih.

ESTHER 9:19

Hanangkü chingsholei nyupü Jehoda ami Adar len nyih anpüalipabü keyü mo hatü mongongpü, hüki hük kü thintho shuohteipü nyih leihü.

2 KORINT 8:2

Jom kü shangpong longpai dokshingkü jom longi taolangmao jom nyeishi mongongpai nekaungi moila longi shuohteke.

ESTHER 9:22

hatü hapayü Jehoda am vepa lak kübü nyiumei dangpü, jom mongmangpü mongong leihüpü, hatü mahng theppeyü mongongpü nyih vaihen shei e. Büpai jom kü hathü nyih-ü mopütappü, mongongpü, hatü hüki hük kü thintho hatü taopathü kü hahying shuohteipü hepak hük vaihen shei nyang.

CHONGVENBÜ 3:13

Peüi hahhen, yinghen hatü laophüi dükpü dou kü mongong danghen, hapayü Kahvangei thintho khih.

CHONGVENBÜ 2:24

Shennyak hüki hahhen, yinghen hatü laophülei dousho kü monghampü mü lenei meheyao mei nedükaokpih. Hapayao Kahvang leipü peipü khih shei ngei nyingteke;

CHONGVENBÜ 11:2

Nüngei phaihanthü shingnyet nevaijü shingshet shuohtuh; Mehenangkü kahdoknyü kü mehe vamkahen nüngi nenying.

PHILIPPI 3:4

Shennyak hanei-i phai kü monglemhen mü nyujema, ngei-ang nyeishi nyüpeih:

LUK SHAHSHA APPÜ 11:41

Hanangkü mongei mehe nyu, ha taopathü kü shuohtuh, hatü lemphü daüdaihen” shei e.

SOLOMONEI KESHO 5:1

Ngei ngelei pemongei peitepih, ngelei naüpeü, ngelei shembünyü; ngei myrrh mü vong meipü meli thaitepih. Ngei ngelei nyahdük hatü nyahjiü hahtepih; ngei ngelei yiü hatü amma yingtepih. Hahtuh, Oh küphüthü, hatü moh-ei yingtuh, Oh ngei bampüthü.

CHONGVENBÜ 5:18

Hapayü meipü khih shei ngei eepeih: Kahvangi shuohpü yangnyu nyih shohük mong aa kü shennyak hük shingvaishi hahhen, yinghen hatü laophüi dükpü dou kü hüshemei nyuhen, hapa-üng büpalei lashüh khih shei ngei nyingpeih.

JOEL 2:23

Mongongtuh, Oh Zion nanglakthü, Shembüpa, ammei Kahvang kü mongongtuh. Büpai am kü jiüshangi shongpü vang shomteke, büpai shongpü hatü pheipü vang sheleipü kei changshi shomteke.

SHAKEI VAMPÜ 11:10

hatü kahdoknyü kü nyupüthüi jom shak kü mongongteihen hatü moeitapei thintho jeiteihen; mehenangkü hapa thibü nyi-i kahdoknyü kü nyupüthü kü longi shüveiteke.

1 SAMUEL 25:8

Nüngei mi yombüthü kü phejü ephahen hih. Sheyü mo hepak ngoikünyüke, hanangkü nüngi phahjiei nüngei lakei mehe nyu hapa chingmeilemlingei nüngei chongphobüthü hatü nüngei hapeü David kü yahshih shei yüeishuoh” shei etü shom.

NEHEMIAH 8:11

Hanangkü Levi ami nanglakthü kü, “Nendaituh; mehenangkü daülangpü nyih am mongteshang” shei eshi nenhü.

NEHEMIAH 8:12

Hanangkü nanglakthü laophülei shemei leiyei hah hatü ying hatü ha mih kao hanei shuoh; mehenangkü jom kü ieyei hupü shah jomi nyingteke.

ZEKHARIAH 14:21

Jerusalem hatü Judah kübü dükhi-ümthü peü Shembüpa kü daülangshemshepü nyuhen, hatü üami moila shuohnüng peihenshang jomi hathü kü cheühen, hatü hapa nyih kü Jeiyong Shembüpalei shem kü bhei leihpüthü hajük kü nechongkahen.

1 ONGPATHÜ 8:66

Nyihphei büpai nanglakthü kemei leitük; jomphongi ongpa kü menvih shuohtü mongongshi shemei leidaikem; mehenangkü Shembüpai doumei kemei büpalei chongphobü David hatü büpalei Israel nanglakthü kü dükteke.

1 SHÜPPÜKENGPÜ 16:27

Müknyinshekhang hatü dhüm büpa mü nyüke; wong hatü mongong büpa nyushingei nyüke.

MENVIH KESHO 89:17

Mehenangkü nüngü jomei müknyinshekhang hatü wong, hatü nüng bampai nüngi ham aokpü danghü.

ISAIAH 49:5

Shaang Shembüpa, üpai ngei vom mongei nyushi büpa chongphohen, büpa touei Jakob am phang müei leihen, hatü Israel am thailanghen jepa, büpai enyüke. Mehenangkü Shembüpalei müki eeshi ngei kü dhüm shuoh, hatü ngelei Kahvangü ngelei wong nyüpeih.