NEHEMIAH 8:1 - DAÜLANGPÜ LAIHING (BSI)

¹ Len nyetpabü kü Israel ami laophü laophülei jilalei nyu. Nanglakthü peü chemi Yunglok Shaden chingshelei thai. Jomphongi nyangbü Ezra kü Israel nanglakthü shingvaishi Shembüpai shuohpü Mosa Shahkung Laitap ngaikei shei e.

NEHEMIAH 8:1 Referans Kwoze

EZRA 7:6

Hapa Ezra Babylon leipü leiteke. Büpayü Shembüpa, Israel Kahvangi shuohpü Mosa Shahkung meishi nyingpü nyuhbü. Büpai yüpü lemphü ongpai shuoh; mehenangkü Shembüpa, büpalei Kahvangei lak büpa shangkü nyu.

NEHEMIAH 3:26

hatü Ophel shangchingei nyupü phopshemei chongphopüthüi heongphi Yung Shaden kü khangpü shing hatü shangdü thahshi ling.

2 SHÜPPÜKENGPÜ 34:15

Hilkiah-i laknyangbü Shaphan kü, “Ngei Shembüpalei shem leipü shahkungnyü laitap dangtepih” shei e, hatü Hilkiah-i Shaphan kü ha laitap shuoh.

EZRA 7:11

Hapayü Artaxerxes ongpai ngongpa hatü nyuhbü, Israel am shingvaishi Shembüpalei shahkung nyingpü shennyak Ezra touei shompü lai:

MATHI 23:34

Hanangkü ngei am kü thibüthü, nyingpühingpüthü hatü shahkung nyuhbüthü shomphahen; ha khong kübü hanei ammi jühen, shophang kü aphen, hatü hanei Sinagoglei üphen, hatü jila hük kübü hük shei changteiyei anghen,

MATHI 23:13

Am akhümmong-üm shahkung nyuhbü hatü Phariseethü, onyükei! Mehenangkü ammi shennyakthü neshühahhen mü vangsho ongching küptüknyüke, hatü am nyingiyao halei neshünyu, hatü mih shühenao nehannyu.

MATHI 23:2

Shahkung nyuhbüthü hatü Pharisee ami Mosalei uoshing kü uonyüke;

MATHI 13:52

Büpai jomphong kü, “Hanangkü vangsho ongching shingvaishi nyuhtükpü shahkung nyuhbüthüyü shem shembü hük laophülei mop tuhshing leipü mop chang mop ja peü ngaipükei nyüke” shei e.

MALAKI 4:4

Ngelei chongphobü Mosa-i nyuhpü venpü Israel am peüi banghen shingvaishi Sinai Kahshangei ngei büpa kü shuohpü shahkungnyüthü deih-ei dangtuh.

ISAIAH 8:20

Shahkungnyü vaijao, denpü vaijao jomi hapa shah keiha ne-ejema, jom kü vangngai neshiü.

NEHEMIAH 12:37

Yunglok Shaden kübü David chingnyülei aongpü lateen kü aongei Davidei ongshem peih-ei bham philei shinei leiyei chingnyü kü heongphi Yung Shaden ngoi.

NEHEMIAH 8:16

Hanangkü nanglakthü daiyei hathü leiyei laophülei shem adokei, chingshelei, phopshem chingshelei, Yunglok Shaden hatü Ephraim Shaden chingshelei tapshaü veteke.

SHAHPHENBÜTHÜ 20:8

Nanglakthü peü chemi yaongei, “Jenphong üpayao baümtapei nevaijü shemei neleihen.

SHAHPHENBÜTHÜ 20:1

Hahepak kü Israel am peü Dan kübü Beer-sheba hatü Gilead kahdok kübüao omshi büm hük kei shepei shatü Mizpahlei Shembüpa touei thaiteke.

2 SHÜPPÜKENGPÜ 34:30

Ongpai Shembüpalei shemei Judah nanglak hatü Jerusalemei nyupüthü, ngongpathü hatü Levi am, nanglak longpü maanpü peü yah-ei aong; büpai jom peüi danshi Shembüpalei shemei dangpü Vangpüshuwpü Laitap kübü shahthü peü ieteke.

EZRA 7:10

Mehenangkü Ezra-i Shembüpalei shahkung yemhen, hatü ha dükhen, hatü Israel kü hapa shahkung hatü vanglem nyuhhen büpalei mongdang lanei shuoh.

NEHEMIAH 8:3

Danhen aokpü nyüha bahathü toumü Yunglok Shaden touei chingshe philei meetü büpai ha dhom mebü haümhahphei thahshi ie, hatü peüi mong shuoh-ei hapa Shahkung Lai bangteke.

LEVI 9:5

Jomi Mosai epü douthü kemei ashakshem shemshelei yah-ei pei, hatü khong kemei yopailei peiyei Shembüpa tou kü yaong.

SHAHKÜP 31:11

Mechem Israel am peü Shembüpa, ammei Kahvangi jepü khümshingei peihenshang, jomi danshi nüngi hapa shahkung ietuh.

2 ONGPATHÜ 23:2

Büpai Shembüpalei shemei Judah hatü Jerusalem nanglakthü, ngongpathü, thibüthü hatü longpü maanpü nanglakthü peü müei aongteke. Shembüpalei shemei dangpü vangpüshuwpü laitap leipü shahthü peü jom peüi danshi büpai ieteke.

EZRA 7:1

Bong longi peihpheikü Persia am Artaxerxes ong vaishingkü shennyak hükei men Ezra shei nyu. Ezralei bülem hapakei: Ezralei chepa Seraiah, Seraiahlei chepa Azariah, Azariahlei chepa Hilkiah,

NEHEMIAH 12:26

Hathüyü Joshualei cheha Joiakim, Jehozadakei chehülei nyih kü hatü Nehemiah governor hatü Ezra ngongpa nyilei nyih kü nyu.