NEHEMIAH 5:7 - DAÜLANGPÜ LAIHING (BSI)

⁷ Ngelei mongei lemhük payü dükhen khih shei deihtü mübüthü hatü lakchongbüthü kü, “Amphongü jeihinaüthü kü shüveinyu khih!” shei eteke. Hanangkü hapa nang eteinüng shahthai longpü hük nyükei,

NEHEMIAH 5:7 Referans Kwoze

LEVI 25:36

Nüngi büpa kü lop lushuohjü lop kü lop bhüei shemhen mü telushuoh, shejao Kahvang kü nyemtuh, hatü büpa am mü nyuhütuh.

MÜLANGPÜ 22:25

Ammi am mü chemi nyupü taopü ngelei nanglakthü kü lop lushuohjema, ammi hathü kü hang sheshi nyupü am kü kei teno, hatü ammi hathü leipü lop kü lop bhü-ei teyah.

EZEKIEL 22:12

Hapa chingnyülei shennyakthü mih jühen nangkü yawhdou yahnyüke; ammi nyeishi lop kü lop bhüei yahnyüke, hatü chingyowthü leipü aeteisheyei nanglei dangnyüke, hatü amphongi ngei betükteke shei Shembüpa Kahvangi enyüke.”

MENVIH KESHO 15:5

Üpai lop kü lop bhüei lop nelushuohnya, hatü nenyingpü am khüei yawhdou neyahnya, üpai hathü dou düknya, büpa nejenleni yangei nyuhen.

LEVI 19:15

Shahhingi shahshem teleihü; taopa kü baong hanei nevaijü longpü am kü hayaoha bamei teno, shejao shahhingi ammei chingyowpalei shahphentuh.

TITUS 2:15

Hathü dou nüngi nyuhtuh. Nüng kü shuohpü wong kempai noei nangthongtuh, hatü loheishuoh. Üpaiyao nüng kü ne-ienelemi noteihen mü tenyu.

1 TIMOTI 5:20

Aopü lebüthüi nyemhen shangmü mang kü nyupüthü kü mih touei ngaiheyei loh-eishuoh.

GALATIA 2:11

Shejao mechem Peter Antiokhlei peiküpa, ngei dhe kü khangshi büpa kü lohshuohpeih; mehenangkü büpai nyingshi nejiüi nyupü khih;

2 KORINT 5:16

Hanangkü, shaang mü leitü hami üpa kao kahdoknyü phai aimü neveinyih; chem hami Khristayü phai aimü nyingjao hajük kü hapa aimü nenyingnyih.

MATHI 18:17

Büpai ha banghen nemongjema, ha attoi am kü etuh, hatü büpai attoi ami epü kao nebangjema, büpayü Kung am nevaijü lat thaipü am kei tuhphongtuh.

EZEKIEL 45:9

Shembüpa Kahvangi hapakei enyüke: Oh Israel ongthü, hajük kü dohtuh! Nemei-i dükpü hatü shüveipü tuhtüktuh; mehe shahhing hatü jiü, ha düktuh. Ngelei nanglakthü hapa kahdok leipü changtükei heihpü kübü dohtuh shei Shembüpa Kahvangi enyüke.

KANDOK 27:5

Joei bamtei leimeyü ngaiheyei lohteipü-üng meipüba.

MENVIH KESHO 27:8

Ngelei mongdangi, “Nüngei dhe yemtuh” shei enyüke. Shembüpa, nüngei dhe ngei yemhen.

MENVIH KESHO 15:1

Oh Shembüpa, nüngei daülangpü shemei üpa nyuhen? Nüngei daülangpü shangjingei üpa nyuhen?

MENVIH KESHO 4:4

Nüng mongshihpai mang tethah; laophülei shinshingei mongdang yemtuh, hatü nenmü nyutuh.

MENVIH KESHO 109:11

hang shemhahhen nyupü ami büpalei mop kemei yahlanghütuh; büpai nyiuei ngaihahpü betjük yenpa-oupai gühlanghütuh;

MÜLANGPÜ 22:24

hatü ngei mongshih vamhen, hatü ngei amü vehok kü mahtükhen, hatü ammei nyüha vaümnyü hatü ammei hapeüthü hashihha leitükhen.

MENVIH KESHO 94:16

Nemeipüthü khüei ngei khüambakei üpa yaonghen? Ten dükpüthü khüei ngeikü sheüh-ei üpa yaonghen?

KANDOK 28:4

Üami shahkung yakphongnya, hathüi nemeipüthü kü dunyüpeih, shejao shahkung bangpüthüi hathü mü khünyüpeih.