NEHEMIAH 5:1 - DAÜLANGPÜ LAIHING (BSI)

¹ Shaang jempü jeihinaü Jehoda am khüei nanglakthü nyüha baha hanei langmaanteke.

NEHEMIAH 5:1 Referans Kwoze

ISAIAH 5:7

Jeiyong Shembüpalei nyalingngupai kah-ü Israel phang, hatü Judah phangü büpalei mongongpü pemong. Büpai shahhing eehen shei veiteke, shejao iy-aongmashateipü eeteke; Daülangshemshepü veiteke, shejao hanghi homei vaüpü danteke.

JAKOB 5:4

Bangtuh! Ammei kahlei hahvet nang shapüthülei lat ammi kon lingei neshuoh-i tuhpai lennyüke, hatü hahvetpüthüi lenpü Jeiyong Shembüpalei dhaong ngoiteke.

PHONGSHANTHÜ DOU 7:26

Nyihphei Israel am nyi deyei chongjai jiji aa kü chingmei linghühen shei peiyei, “Anji, anjinyiyü jeihinaü khihma; mehekei hüki hük mü hakei denya?” shei e.

LUK SHAHSHA APPÜ 18:7

Kahvangi jelangpüthü büpa kü nyakhingai thüngei lenjü büpai shahhing shahphen neshuohhen je? Büpai jom kü sheühhen kaaei nyudaihen je?

JOB SHAHSHA APPÜ 34:28

shejao jom homei taopathü theppüyoungpü büpalei dhaongi danhü, hatü nehahneyingpüthüi lenpü büpai danhü.

MÜLANGPÜ 3:7

Hahepak kü Shembüpai, “Ijip kahdokei nyupü ngelei nanglakthü ponghahpü ngei eeteke; dou kü hienbüthüi shüveipü nangkü lenpüwongpü ngei danteke. Ngei jom ponghahpü nyingteke,

NEHEMIAH 4:23

Ngei nevaijü ngelei jeihinaüthü, ngelei chongphobüthü, ngei mü nyupü yombüthü üpaiyao phunglang owhiai nebhühtük; peüi laophülei lahhilaong lakei noshi mon nyu.

JEREMIAH 34:8

Aathü peü kü bümei hean shuohhen shei Zedekiah ongpai Jerusalem nanglakthü mü vangpüshuwpü lingpheikü Shembüpalei shah Jeremiah touei peiteke.

EZEKIEL 45:9

Shembüpa Kahvangi hapakei enyüke: Oh Israel ongthü, hajük kü dohtuh! Nemei-i dükpü hatü shüveipü tuhtüktuh; mehe shahhing hatü jiü, ha düktuh. Ngelei nanglakthü hapa kahdok leipü changtükei heihpü kübü dohtuh shei Shembüpa Kahvangi enyüke.

MALAKI 2:13

Ammi hayao düknyüke: Ammi Shembüpalei moidü theppü youngpai, mükphi oushangi matüknyüke; mehenangkü büpai hajük kü ammei moila kü mong neshuohnyu nevaijü ammei lak kübü moila mongongshi neyahnyu.