NEHEMIAH 13:16 - DAÜLANGPÜ LAIHING (BSI)

¹⁶ Jerusalemei nyupü Tyre ami Sabbath nyih nyah hatü lebü douhinang koei leiyei Judah am kü yushuohhamteke.

NEHEMIAH 13:16 Referans Kwoze

MÜLANGPÜ 23:12

Nyih vok ammei dou dükhahtuh, shejao nyih nyetpabü kü ammei mohoh hatü gadu ngü leihen, hatü am shemei bühpü aa hatü benhapa nyiumeihen shingvaishi dou nedüki nyiumeihütuh.

SHAHKÜP 5:14

shejao nyih nyetpabü-ü Shembüpa, ammei Kahvangei Sabbath nyih nyüke. Hapa nyih kü amphong nevaijü ammei hapeüthü, ammei aathü, nevaijü ammei yemhimakthü nevaijü am mü lakeiloiyei nyupüthüi dou nedükhen. Am keiha ammei aathüiyao hapa nyih nyiumeihen.

MÜLANGPÜ 20:10

Shejao nyih nyetpabü-ü Shembüpa, ammei Kahvang kü Sabbath thempü nyih nyüke; am, ammei hapeüthü, ammei nyüha hatü baha, aathü, ammei yemhimak, nevaijü am mü lakeiloiyei nyupü benhathüi mehe dou-ao tedükhü.

NEHEMIAH 13:15

Hathü nyih kü ngei Judahlei Sabbath nyih nyalingngupai ngümpü, hah shetei leitü ha mü gadu kü kohühen yiü, nyalingngupai, adhajük, hatü lebü hanggo peü kohütü Jerusalemei leipü eetepih. Sabbath nyih hahying yupü khüei shahvüng shuohtepih.

NEHEMIAH 13:17

Ngei Judah behethü kü loh-ei, “Sabbath nyih mangei mehe mang dou ammi düknya?