NEHEMIAH 13:15 - DAÜLANGPÜ LAIHING (BSI)

¹⁵ Hathü nyih kü ngei Judahlei Sabbath nyih nyalingngupai ngümpü, hah shetei leitü ha mü gadu kü kohühen yiü, nyalingngupai, adhajük, hatü lebü hanggo peü kohütü Jerusalemei leipü eetepih. Sabbath nyih hahying yupü khüei shahvüng shuohtepih.

NEHEMIAH 13:15 Referans Kwoze

NEHEMIAH 10:31

Kung shennyakthü Sabbath nyih nevaijü lebü daülangpü nyih kü douhinang nevaijü hahying ham kü yuhen peiküjema hami ha neshakhen. Bong nyetpabü ieyei kü hami kah nelinghen hatü bheishe hang shemhen nyupü neshemhahhen.

NEHEMIAH 13:21

Shejao jomphong kü shahvüng shuoh-ei, “Mehekei amphong yanüng penyüsha daüei paümnya? Am ne-yei hapakei dükjema ngei lak shihhen” shei eshuohteke. Hapa nyih mü leitü jom Sabbath nyih nepei,

MÜLANGPÜ 34:21

Nyih vok thahshi ammi dou dükhen; nyih nyetpabü kü ammi han hokpü hepak vaijao, hahvet hepak vaijao dou tedük.

ISAIAH 58:13

Ammi laophülei la-i Sabbath nyeü nemang, hatü ngelei daülangpü nyih kü am nadang kü nelongtei-i, ammi mongpü lem kü nedai-i nevaijü ammi mongpükei nedüki shahten ne-e-i nyujema,

EZEKIEL 20:13

Shejao Israel am phangi jahpanei ngei khüei yaongpeih; jomi ngelei vanglemthü nenotei, shejao ngelei Sabbath longi mangtükpeih; jomi paoh ha düklangmeyü yemmü nyuhen vaipeih. Hahepak kü jahpanei nyushiüng jom men mahtükhen ngei ngelei mongshih khüpeilangei shuohjü hiang shei deihpeih.

JEREMIAH 17:27

Shejao ammi Sabbath nyih Jerusalem penyüsha homei hanggo kotü neshüpü homei Sabbath nyih daülangi tuhtuh shei ngei epü nebangjema, ngei Jerusalem penyüshathü kü mechemao nemethen aw vamhühen hatü hapai penyüshathü hahtükhen.’ ”

JEREMIAH 17:24

Shejao ammi ngei epü banghen kenhingjema, hatü Sabbath nyih hapa chingnyü penyüsha homei hanggo koei neshüjema, shejao meheyao dou nedüki hapa Sabbath nyih daülangi tuhjema,

SHAHKÜP 8:19

Amphongi Shembüpa, ammei Kahvang betüktü lebü kahvang phei müei daiyei khümjema hatü chongphojema, amphong hingmei mahkemhen shei shinnyih ngei am kü shahvüng shuohnyüpeih.

MÜLANGPÜ 35:2

Nyih vok ammi dou dükhen, shejao nyih nyetpabü kü am peü daülangpü Sabbath nyiumeiyei Shembüpalei men kü themhen. Üpai ha nyih dou dükhenshang jütükhen.

NEHEMIAH 9:29

Nüngi jom kü nüngei shahkung banghen shahvüng shuoh, shejao jom changmeiyei nüngei shahkung nebang. Nüngei shahkung banglang meyü yemmü nyuhen vaipü yah-ei jomi ha khüei mang thah. Mongdang vaanei ngaümvang haüei jomi nüng toueipü lüdai hatü epü shah neyah.

1 THESALONIKA 4:6

hatü ha tata kü üpaiyao jeihinaü nevaijü nyahinaü hük kü nejiüi tedük; mehenangkü shelei hami am kü epü hatü shahvüng shuohpükei Shembüpai hapa keipü mangthü peü shing shennyakthü kü hanghi shuohhen.

EPHESIA 4:17

Shaang ngei Shembüpalei men kü ha kangei enyeih: am hajük kü Kung am nyupükei yahlak neshiüpü chudeih mongdang jüktü tenyu.

GALATIA 5:3

Shao ngei shennyak peü kü denpü shuoh-ei enyeih, üpai shuw japhen hannya, büpai shahkung kemei dükhen shashi nyüke.

PHONGSHANTHÜ DOU 20:21

Ngei Jehoda hatü Greek am nyiphen kü Kahvang touei mong lephen hatü Shembüpa Jisu kü hinglemhen ngei denpü shuohteke.

PHONGSHANTHÜ DOU 2:40

hatü büpai lebü shahthü longi jomphong kü nangthongei, ‘Hapa nemeipü den kübü am yangdaituh’ shei eteke.”

MIKA 6:3

“Ngelei nanglakthü, ngei am kü mehe dükpa? Ngei meshük am kü hanggovih kei chongküpa? Ha ngei kü eshih.

JEREMIAH 42:19

Shembüpai am kü, “Oh Judah am aopüthü, am Ijiplei teyiü. Ngei shinnyih am kü shuohpü shahvüng homei,

MENVIH KESHO 50:7

Bangtuh, Oh ngelei nanglak, hatü ngei ephanüng, Oh Israel, ngei nüng khüei denpü shuohhen. Ngeiyü Kahvang, ammei Kahvang.

2 SHÜPPÜKENGPÜ 24:19

Shejao jom mong lepei leihen shingvaishi Shembüpai thibüthü shom, shejao jomi hathü kü nebang.

NEHEMIAH 13:16

Jerusalemei nyupü Tyre ami Sabbath nyih nyah hatü lebü douhinang koei leiyei Judah am kü yushuohhamteke.

KANDOK 28:4

Üami shahkung yakphongnya, hathüi nemeipüthü kü dunyüpeih, shejao shahkung bangpüthüi hathü mü khünyüpeih.

AMOS 8:5

“Hami hah yuhen shingvaishi mechem Lenja Mo peihdaiphahenang? hatü hami wheat hah yuhen mechem Sabbath dohdaiphahenang? Dokyaong gühhen, bhei aonghen, hatü dok gühpai bhei shakpü am kü lueilemhen.

MÜLANGPÜ 31:12

Shembüpai Mosa kü,

MÜLANGPÜ 31:16

Hanangkü Israel am peüi ngoikahen denshem peü shingvaishi nedohnetenpü shahkungnyü shei hapa Sabbath themtuh.

NEHEMIAH 10:32

Bong ieyei ham peüi hamei Kahvang phopshemei chongphopü dousho kü hathü shing tükhen nangkü ngin gram nga baong moilahen tempeih;

JOB SHAHSHA APPÜ 39:12

Büpai hah tenshingei manang paiyei leikahen shei nüngi hinglemaokhen je?