NEHEMIAH 13:11 - DAÜLANGPÜ LAIHING (BSI)

¹¹ Hanangkü ngei lakchongbüthü kü, “Mehekei Kahvang phopshem vüngtükpa?” shei lohshuohpeih. Hapheikü ngei jom peü nyükei thaitü laophü laophü kü hanpü hean kü tuhphongpeih.

NEHEMIAH 13:11 Referans Kwoze

NEHEMIAH 10:39

Israel nanglakthü, Levi amao omshi hahying moila, yiüja moila, hatü mainga shei phopshemei douhinang jaoshingei hatü ngongpathüi chongphopü, shaden yombüthü hatü kesho lokbüthü nyushingei koei peihen. Hami Kahvangei shem kü mong neshuoh-i netuhpih.

NEHEMIAH 13:25

Ngei jom kü lohshuohpeih, hatü thaüvaüpeih hatü hanei kü üptü shonyü kü shishuohpeih, hatü Kahvangei men kü hapakei lah-ei ehüpeih: “Hamei yiükhathü jomei hapeüthü kü doi nedeishuohhen, hatü jomei yiükhila ammei hapeüthü shing yiük neyahhen.

NEHEMIAH 13:17

Ngei Judah behethü kü loh-ei, “Sabbath nyih mangei mehe mang dou ammi düknya?

KANDOK 28:4

Üami shahkung yakphongnya, hathüi nemeipüthü kü dunyüpeih, shejao shahkung bangpüthüi hathü mü khünyüpeih.

JOB SHAHSHA APPÜ 31:34

mehenangkü ngei khong kü nyemei deih, hatü mükhiphangi jiühitphahen kü hanei deih, hanangkü ngei chingyangshongei nedai-i nenmü nyupeih.

1 SAMUEL 2:17

Hanangkü nethenyilei mangü Shembüpa touei ahshi longshi nyu; mehenangkü jijinyi-i Shembüpalei moila ne-ienelemi noteiteke.