NEHEMIAH 13:10 - DAÜLANGPÜ LAIHING (BSI)

¹⁰ Levi am kao jomei hean neshuohpü nangkü Levi am, kesho lokbüthü kemei laophü laophülei kah yemei Jerusalem leipü leidaipeih shei danpeih.

NEHEMIAH 13:10 Referans Kwoze

NEHEMIAH 10:37

Hami shao Shembüpalei shem leipü ngongpa touei shongei vetpü hahhi-aung, ngümpü aan, shongpü betjük, yiüja hatü mainga koei peihen, hatü hamei hahying kübü Levi am shing ankhong kohen; mehenangkü ham nyupü shing peü kü Levi ami ankhong thainyüpeih.

MALAKI 3:8

“Shennyaki Kahvang leipü gühhen je?” Shejao ammi ngei leipü gühteke. Shejao, “Hami mekei nüng leipü gühpa?” shei ammi phenyüke. “Ankhong moila hatü moilathü gühteke.”

NEHEMIAH 12:47

Hanangkü Zerubbabel hatü Nehemiah nyilei nyih kü Israel am peüi kesho lokpü hatü shaden yombüthü shing nyihjeih hahying shuohteke. Jomi shao Levi am shingao shuoh, hatü Levi ami shao ha kübü hanei Aaronei chehathü shing tuhteke.

SHAHKÜP 12:19

Ammei kahdokei nyupü thahshi Levi am nebetükhen kentuh.

BHEI-IE 35:2

“Israel ami jomi dangpü mükjüp kahdok kübü Levi am nyuhen hatü yemhimakthü het hahhen shingvaishi kahmük hanei ching kü shonei shuohhen etuh” shei e.

NEHEMIAH 10:39

Israel nanglakthü, Levi amao omshi hahying moila, yiüja moila, hatü mainga shei phopshemei douhinang jaoshingei hatü ngongpathüi chongphopü, shaden yombüthü hatü kesho lokbüthü nyushingei koei peihen. Hami Kahvangei shem kü mong neshuoh-i netuhpih.

2 SHÜPPÜKENGPÜ 31:4

Büpai Jerusalemei nyupü nanglakthü kü ngongpathü hatü Levi ami Shembüpalei Shahkungnyü kei lanei shuoh-ei dou dükhen shingvaishi jom kü shuohhen hean jiüshi shuohtuh shei ngeükhüam shuoh.

ISAIAH 43:23

Ammi ammei mithü müei peiyei ngei kü jakpü moila neshuoh, nevaijü moila shuoh-ei ngei kü dhüm neshuoh. Ngei am kü hahying moila nevaijü ayingshü jakei moila yahshih shei am kü hanggovih neshuoh.