NEHEMIAH 12:44 - DAÜLANGPÜ LAIHING (BSI)

⁴⁴ Hahepak kü mongong moila, shongpü betjük moila hatü ankhong moila thaipü jaoshing yomhen shennyak jeyei tuh. Shahkungnyüi yüpü aimü chingthü shonei nyupü kahthü kübü Levi am hatü ngongpathü shing shuohpü moila kemei hathüi tuhshingei thaiyei tuhhen eteke; mehenangkü ngongpathü hatü Levi ami chongphopü kü Judah am monghahteke.

NEHEMIAH 12:44 Referans Kwoze

ROM SHAHSHA APPÜ 12:7

Hapayü chongphopü vaijema, büpai chongphotuh; nyuhpüvenpü vaijema, büpai nyuhtuh;

ISAIAH 40:31

Shejao üami Shembüpa kü omdannya, jomi wong ja danghen. Jomi alangthü kei shangei piyei aonghen; jomi mokhen, shejao nenyiuhen, jom kamhen, shejao la nemeihen.

KANDOK 8:34

Ngei epü bangei nyihjeih ngelei shadenei ngei daneinyupüthü moihiman!

1 SHÜPPÜKENGPÜ 23:28

Levi amei dousho-ü Aaronei hühihathü kü Shembüpalei shemei dousho kü sheühteihen, chingshe pekon, hatü haleipü dungthü kü veihen, hatü Kahvangei shemei daülangpü douthü daühen hatü lebü douthü dükpü kü sheühhen nyuteke.

1 SHÜPPÜKENGPÜ 9:26

Shejao shongnyü shaden yompü Levi am jom ali keyü phopshem leipü dungthü hatü dou tuhshing yomhen dousho shuoh.

BHEI-IE 3:10

Aaron hatü yeshangthüi ngongpathü vaihen jetuh; lebü üpai hapa daülangpü shing yopailei heihhenshang dihühen” shei eshuohteke.

SHAHKÜP 18:8

Büpai lebü ngongpathü kei hükkeipü phaihan danghen, hatü shem ami shompü lemphü noteihen aok.

1 SHÜPPÜKENGPÜ 26:20

Jomei jempü Levi am küphüyü Phopshemei dou tuhshing hatü daütükpü dou tuhshing veihen nyu.

NEHEMIAH 10:36

Shahkungnyülei nyangei nyupükei shongei bühpü yeshang, shongei shaanpü yemha; mohoh, mi, yum, phopshem leipü ngongpa touei müei peiyei daühühen.