NEHEMIAH 11:1 - DAÜLANGPÜ LAIHING (BSI)

¹ Shaang nanglak mübüthü peü Jerusalemei nyu, hatü aopü nanglakthüi shennyak an kü bahük daülangpü Jerusalem chingnyülei nyuhen, hatü aopü phaihan shü lebü jilathülei nyuhen nangkü phongyomteke.

NEHEMIAH 11:1 Referans Kwoze

ISAIAH 48:2

Am nyingi daülangpü chingnyü kübü bümeiyangma hih shei, hatü Israel Kahvang, Jeiyong Shembüpa kü mongnyangshi nyunyeih shei ehahnyüke.

ISAIAH 52:1

Paotuh, Paotuh, Oh Zion, Wong kohtuh! Nethe meipü owhiai owtuh, Oh daülangpü chingnyü, Jerusalem. Mehenangkü nejaptükpü hatü nedaünelangpüthüi hajük kü ammei penyüshamongei neshüküpih.

NEHEMIAH 11:18

Daülangpü chingnyülei nyupü Levi am peüshep 284 nyu.

NEHEMIAH 10:34

Ham, nanglak, ngongpathü hatü Levi ami shahkungnyülei nyangei nyupükei Shembüpa, hamei Kahvang kü moidülei jakpü moila shuohhen nangkü mechem phang phangi Shembüpalei shemei pü moila koei peihen hapa hepak ithen shingvaishi phongyomteke.

MATHI 4:5

Hapheikü Kahshih-i daülangpü chingnyülei büpa müei deiyei phopshem shem adok deppülei anei yaonghütü,

PHONGSHANTHÜ DOU 1:24

Hapheikü jomphongi, “Shembüpa, nüngi peüei mong nyingei nyüke. Nüngi henyi khongkü üpa jepa?

MATHI 27:53

Jomphong mahngchong leipü vam, hatü Jisu yangei leipheikü jomphong daülangpü chingnyülei dai hatü shennyakthü longi touei vamei hu.

KANDOK 16:33

Kahvangi mongpü nyinghen shingvaishi phongyomnyeih, shejao ha nyinghenü Kahvang leipü jangpü peinyüpeih.

MENVIH KESHO 122:5

Halei shahphenpü ong uoshing nyüke; David phang amei ong uoshing.

1 SHÜPPÜKENGPÜ 26:13

Behe hashih ne-e-i shemdep aimü shaden yomhen phongyomei hanteke.

JOSHUA 18:10

Hahepak kü Joshua-i Shilohlei Shembüpa touei phongyom, hatü büpai jat hanpü aimü Israel am kü kahdok hanei shuohteke.

PHONGSHANTHÜ DOU 1:26

Jomphongi phongyom, hatü hapa phong Mathia kü hetteke, hatü büpa anpühük kü üteke.

1 SHÜPPÜKENGPÜ 9:3

Judah, Benjamin, Ephraim hatü Manasseh leipü Jerusalemei nyupeyü hathü nyuteke:

1 SHÜPPÜKENGPÜ 8:28

Hathüyü shemdepthü kü shangjingthü, shongnyü phangthü. Jomphongü Jerusalemei nyuteke.

1 SHÜPPÜKENGPÜ 9:1

Israel am peü bülem aimü nyangei nyüke, hatü hapayü Israel am ongpathülei Laitap kü nyangei nyüpeih. Judah nanglakthüyü hingnelempü nangkü Babylon wüpküpei yah-ei daipeih.

1 SHÜPPÜKENGPÜ 9:2

Laophülei jilathülei leiyei laophülei mükjüp shing kü shongei uohenü Israel am, ngongpathü, Levi am hatü phopshemei chongphopüthü nyuteke.

NEHEMIAH 4:22

Hahepak kü ngei nanglakthü kü, “Shennyak peüi laophülei sheühbü omtü yanüngü Jerusalem mongei nyutuh; hathüi yanüng jen yomhen hatü nyihnüng dou dükhen” shei e.

MENVIH KESHO 122:6

Jerusalem kü chingmeivangmei shingvaishi phoptuh. Nüng kü bampüthü daeishehen.