NEHEMIAH 1:9 - DAÜLANGPÜ LAIHING (BSI)

⁹ shejao amphong mong lepei ngelei shahkung bangei hathü dükjema, amphong kahdoknyü junghijang peü lemei haishi nyujao ngei am thaiyei leiyei ngei kü khümhen jepü shingei tuhhen shei epü shah deih-ei dangnyüke.’

NEHEMIAH 1:9 Referans Kwoze

JEREMIAH 32:37

Ngei mongshihpai ngei jom changei deishihpü kahmükthü leipü jom thaiyei leilanghen; hapa shingei ngei jom müei leiyei nyiushemmei kü jom chingchingei nyuhühen.

MATHI 24:31

hatü büpai laophülei vangsho phongshanthü amit ngeü longpü mü shomei büpai jelangpüthü kahdok vaungjung aliphen kübü, hatü vangsho jung hük kübü hük dohpü thahshi thailanghen.

JEREMIAH 12:15

hatü ngei jom yah-ei daipheikü ngei jom kü phahjihen, hatü ngei shao jomei mükjüp kahdokei jom peü müei leihen,

ISAIAH 56:8

Israel am wüpküp leipü müei leipü, “Thaiyei tuhpüthü mü lenei ngei shao thaihen” shei enyüke.

MENVIH KESHO 147:2

Shembüpai Jerusalem lingnyeih; büpai Israel am wüpküp leipü müei leinyeih.

EZRA 6:12

Üpa shennyaki hapa shahkung nebanghen, hatü Jerusalem leipü phopshem mangtükhenshang, büpa kü khümhen shingvaishi Jerusalem jepü Kahvangi ong nevaijü nanglak büpai yaktükhen. Ngei, Darius-i hapa ngeükhüam shuohnyeih. Hapayü kenhingshi düktuh.

SHAHKÜP 12:5

Am jatthülei kahmük peü khongkü Shembüpai büpalei men tuhhen shingvaishi shing hük jehen; halei nanglakthü peü peiyei büpa kü khümhen.

EZEKIEL 36:24

Ngei am jatthü peü toueipü, kahmükthü peü lemeipü thailanghen, hatü ammei kahdokei müei leihen.

JEREMIAH 31:10

Shembüpalei shah bangtuh, Oh jatthü; hapayü tailu yungkung kahdok thahshi baongtuh; “Üpai Israel am haitük, büpai jom thailanghen, hatü mi yombüi keiha büpai laophülei mi yomhen.

ISAIAH 11:12

Büpai jatthü kü khüamlung hük huhen, hatü wüpküpei nyupü Israel am thailanghen, hatü Judah am kahmük vaungjung ali kü haidaipü peü leilanghen.

MENVIH KESHO 106:47

Ham yangtuh, Oh Shembüpa, hamei Kahvang, hatü jatthü toueipü ham thailangtuh, shejüang hami nüngei daülangpü men kü menvih shuohhen, hatü nüng kü menvih-ei müknyinshekhanghen.

1 ONGPATHÜ 9:3

Shembüpai büpa kü, “Nüngi ngei kü phoppü hatü phepü ngei dantepih; düngei ngelei men kü khümhen shingvaishi nüngi vepü Phopshem ngei daütüktepih. Ngelei mükhimong düngei halei nyuhen.

JEREMIAH 3:14

Ngei touei leikei, Oh hingnelempü hapeüthü; mehenangkü ngeiyü nüngei shembü; Ngei nüng yahhen, hük chingnyü leipü, hatü nyi shemong leipü, hatü ngei nüng Zionlei müei leihen, shei Shembüpai enyüke.

1 SHÜPPÜKENGPÜ 16:35

“Ham yangtuh, Oh Kahvang ham yemleipüba; hami nüngei daülangpü men menvih, hatü hami nüng men vih-ei müknyinshekhanghen nangkü jatthü toueipü ham thaiyei leitü yangshih” shei lentuh.

SHAHKÜP 12:21

Shembüpa, ammei Kahvangi büpa kü khümhen jepü shing am nyushing kübü taishi nyujema, Shembüpai am kü shuohpü mohoh hatü mithü jüei am nyushingei ammi hahhüpüshük hahhen aok.

1 ONGPATHÜ 8:48

hatü jom wüpküpei deipü vepa kahdokei jomei mong hatü laangha kempai lepjema, hatü nüngi chebü chepa kü shuohpü kahdok, nüngi jepü chingnyü, hatü nüngei men kü ngei vepü shem philei meetü phopjema,

MENVIH KESHO 107:3

kung kahdokthüheong, heshü, apsha pehe kübü leilangpüthüi hapakei etuh.

ISAIAH 27:12

Hapa nyih kü Shembüpai Euphrates yungyen kübü Ijip viong thahshi am Israel am hük pheikü hük thailanghen,

JEREMIAH 6:22

Shembüpai hapakei enyüke: Veituh, apshaphi kahdok leipü shennyakthü peikünyüke; tailu kahdok leipü longpü jat hük layaongkünyüke.

EZEKIEL 14:6

Hanangkü Shembüpai hapakei enyüke shei Israel am phang kü eyeishuoh: “Mong leptuh hatü lajeithü leipü lepei leidaikei; jiühitnalaipü douthü peü yakphongtuh!”

LEVI 26:3

Ammi ngelei shahkungnyü aimü nyujema, hatü ngei epü ven bangjema,

SHAHKÜP 30:1

Shaang ngei am kü moihiman hük nevaijü thaüvaü hük jehen shuohnyüpeih. Mechem hathü douthü kemei am kü vamkahen hatü Shembüpa, ammei Kahvangi mih jatthü touei am haitüktü am jom mü nyuhenshangkü, ngei am kü jehen shuohpü deih-ei dangtuh.

ZEKHARIAH 8:7

Jeiyong Shembüpai hapakei enyüke: Ngei ngelei nanglakthü heong heshü kahmükthü peü kübü yanglanghen;