NEHEMIAH 1:6 - DAÜLANGPÜ LAIHING (BSI)

⁶ shaang ngei nyakhingai thüngei nüngei chongphopüthüi Israel nanglakthü shing, nüng khüei Israel ami thahpü mang lah-ei phopnyüpeih; nüngei dhaong shaangshih, nüngei müki veishih hatü ngei phoppü danlangshih. Ngei hatü ham shemi mang thahteke.

NEHEMIAH 1:6 Referans Kwoze

DANIEL 9:20

Mechem ngei shah eyei, phopei, ngelei mang hatü ngelei nanglakthülei mang lah-ei, hatü Shembüpa, ngelei Kahvang kü büpalei daülangpü Phopshem nangkü ngei phopei nyupa,

DANIEL 9:4

Ngei, Shembüpa ngelei Kahvang kü phopei hatü mang lahteke: “Oh Shembüpa, longpü hatü nyempühanpü Kahvang. Üami nüng kü bamnya hatü nüngei shahkungnyü ven bangnya, nüngi hathü kü vangpüshuwpü hatü bampü nedoh-i nyunyüke;

MENVIH KESHO 34:15

Shembüpalei mük daülangpüthü kü veishi nyüke, hatü jomi lenpü kü büpalei dhaong shaangshi nyüke.

MENVIH KESHO 106:6

Ham hatü hamei bühipathüi mang thahteke, ham pungteke, nemei-i dükteke.

2 SHÜPPÜKENGPÜ 29:6

Jenei bühipathüi hingnelem; jomi Shembüpa, jenei Kahvang touei mang dük, hatü büpa yaktük. Jomi Shembüpa nyushing phopshem leipü dhe yaakdai, hatü büpa kübü dok lepdaipeih.

2 SHÜPPÜKENGPÜ 6:40

Shaang, Oh ngelei Kahvang, hapa shingei phoppü kü nüngei müki veituh, hatü nüngei dhaong shaangtuh.

ISAIAH 6:5

Ngei, “Onyükei!” shei lenteke. “Ngeiyü yahlak neshiü! Mehenangkü ngeiyü jubenyeijaang nedaüpü shennyak, hatü ngeiyü jubenyeijaang nedaüpü shennyakthü mü nyunyüpeih; shejao ngelei müki Ongpa, Jeiyong Shembüpa eeteke.”

1 JOHAN 1:9

Jeni jenei mangthü lahjema, jenei mang peü tükphahen hatü nedaüpü lemphü kübü daüphahen büpayü monglemaokpü hatü shahhing nyüke.

LUK SHAHSHA APPÜ 18:7

Kahvangi jelangpüthü büpa kü nyakhingai thüngei lenjü büpai shahhing shahphen neshuohhen je? Büpai jom kü sheühhen kaaei nyudaihen je?

2 TIMOTI 1:3

Mechem ngei nyakhingai thüngei phoppü kü ngei nüng deihei danghenshang, bühipai khümpükei ngelei chudeih mongdang daülangpai khümpü Kahvang kü ngei menvih shuohnyeih.

YOUNG LAI 5:7

Hamei bühipai mang thah, shejao shaang jom neshiü, hatü shaang hami jomei mang lat ponghahnyeih.

1 TIMOTI 5:5

Vaümnyü, üpa monha nyu, Kahvang kü monglemnyüke hatü nyakhingai thüngei yüpü hatü phoppü kü nedoh-i nyunyüke;

MENVIH KESHO 130:2

Shembüpa, ngelei ngeü bangtuh! Ngei phoppü ngeü kü nüngei dhaong meeshih!

MENVIH KESHO 55:17

Dhom, om hatü nyihnüng ngei thepei lennyeih, hatü büpai ngelei ngeü dannyeih.

MENVIH KESHO 32:5

Hapheikü ngelei mang nüng kü nyinghü, hatü ngelei mang nejolang; Ngei, “Shembüpa kü ngelei mang lahhen” shei e, hatü nüngi ngei pungpü mang tüktükpeih.

EZRA 10:1

Mechem Ezra-i phopei, mang lah-ei, thepei Kahvangei phopshem chingshelei shükshi nyupa, Israel am khong longinyüha, baha hatü hashihthü büpa shonei thai, hatü jomao shahyaki thep.

EPHESIA 2:3

Chem jen peüi phai-i mongpü aimü jom mü nyuei, phai hatü mongi vaüpü phei müei nyu, hatü jenphongü nyingnyoi kü-üng Kahvang mongshih ponghahhen hapeüthü nyuteke.

LUK SHAHSHA APPÜ 2:37

hatü pinnyü bong büalipüali ngoipü thahshi vaümnyü nyuteke. Pinnyüi mechemao phopshem leipü nedai shejao halei nyakhingai thüngei shüaeiyungleyei phopei khümei nyu.

MENVIH KESHO 88:1

Oh Shembüpa, ngei yemleipü Kahvang, nyakhingai thüngei ngei nüng nyushingei lennyüpeih.

EZRA 10:11

Hanangkü shaang Shembüpa, ammei bühipalei Kahvang kü mang lahtuh hatü büpai mongpü düktuh. Am shonei nyupü nanglakthü hatü ammei nyühathü mü yantuh” shei e.

2 SHÜPPÜKENGPÜ 28:10

Shaang ammi Judah hatü Jerusalem am nyüha hashihthü ammei aa leihühen deihshi nyüke. Shejao amao Shembüpa, ammei Kahvang touei mang nethahnyih shei deihnyu je?

1 SAMUEL 15:11

“Saul ong vaihüpü nangkü ngei mong bhagei deihnyüke, mehenangkü büpai ngei epükei nedüki ngei toueipü lepdaiteke” shei e. Samuel longi mongshih, hatü vangnyak büpai Shembüpa kü len.

1 ONGPATHÜ 8:30

Hapa shing philei meetü nüngei chongphobü ngei hatü nüngei Israel nanglakthüi phoppü danlangshih. Nüng nyushing vangsho leipü hami phoppü danei mang tükshih.

1 ONGPATHÜ 8:47

jomi jom wüpküpei nyushi mong yeiyaei mong lepei vepa kahdokei nüng kü phopei, “Ham mang thahteke, nejiüi dükteke; hami nemei-i dükteke” shei ejema;

NEHEMIAH 1:11

Oh Shembüpa, nüngei chongphobüi phoppü kü, hatü nüngei men kü dhüm shuohpü kü mongongpü chongphobüi phoppü kü nüngei dhaong shaangshih. Shinnyih nüngei chongphobü aokpü danghütuh, hatü ongpai ngei kü bamhütuh!” Hahepak kü ngeiyü ongpalei yungshong nobü nyupeih.

MENVIH KESHO 102:17

Nehahneyingpüthüi phoppü kü büpai banghen, hatü jomi phoppü neyaktükhen.

DANIEL 9:5

hami mang thahteke hatü nejiüpü düktükteke. Ham ahshi-üng nemei hatü nüng kü khüteke; nüngi kangpü douthü yakphongtü ham lemnyong kü lüdaiteke.

DANIEL 9:8

Oh Shembüpa, hamei ongthü, hamei longthü hatü hamei bühipathü veüi jümtü nyüke; mehenangkü hami nüng khüei mang thahteke.

DANIEL 9:15

“Shaang, Oh Shembüpa, nüngei laklu wong longpai ham Ijip leipü mülangpü hatü shinnyih thahshi nüngei men nemahnechah-i tuhpü Kahvang, hami mang thahteke, hatü hami nejiüpü dükteke.