NAHUM 2:8 - DAÜLANGPÜ LAIHING (BSI)

⁸ Nineveh-ü yung ngamdaipü yungkuk kei nyuhen, Yaongtuh, yaongtuh shei jomi lenhen, shejao üpayao nyokei neleihen.

NAHUM 2:8 Referans Kwoze

SHAKEI VAMPÜ 17:15

Hapheikü hapa vangsho phongshani ngei kü eteke, “Nüngi eepü hapa büm yupü nyühai uopü yungthüyü nanglakthü, khongnyü, jatthü hatü shahlemthü;

SHAKEI VAMPÜ 17:1

Hapheikü nükshung nyet nopü vangsho phongshanthü nyet khongkü hük peiyei ngei kü eteke, “Heihkei, ngei yung longpüthü yopailei nyupü chingnyü kübü büm yupü nyüha kü mekei shahphenhen nüng kü huphüshah.

NAHUM 3:17

Ammei yombüthü hatü mübüthü wohong hepak kü shoukthü bhamei bakshi nyutü, mechem vanghela shathenshang pidaitü melei daipa nenyingpükei nyüke.

JEREMIAH 51:30

Babylon am veshanthü nehoki dohdaiteke; jomü veyomdülei nyüke. Jomei wong kemdai; jom nyüha kei leidaiteke. Pinnyülei bükhishem awi haptük; jomei penyü shalat bhagdaiteke.

JEREMIAH 50:16

Babylon kü sheili sheipüthü hatü hahvetpü amei hahvet longkhoih dohtükhütuh. Veshanthülei yanlu kü nyempai peüi laophülei kahdokei nyokei leikemhen.

JEREMIAH 46:5

“Ngei mehe eenya?” shei Shembüpai phenyüke. Jomphong nyempai nyokei leidainyüke; Jomei veshanthü mih-i neühahtü nyüke. Jomphongi yaakei nevei-i mokdainyüke, hatü shing peü lemei nyempü mon nyüke shei Shembüpai enyüke.

ISAIAH 48:20

Babylon leipü leidaituh, haleipü nyaidaituh! Mongongpai hapa shahjang leneishuoh; peü lemei ha baongtuh. Kahdok dohpü ngoishi ha shomtuh; “Shembüpai büpalei chongphobü Jakob yangteke” shei etuh.

ISAIAH 47:13

Ammi longi phongyomthiphepai am tengdaiteke; Üami vangsho lithathü kü veitü nih-ei khonya, hatü lenja kü veitü teteivanei enya, Jomi am touei mehe vongshüh peikünya, ha kübü nyemyangpha.

ISAIAH 13:14

Kaw sheütükpü mei keiha, müei leihen shembü neshiüpü mi keiha, peüi laophülei nanglak yemei, hatü laophülei kahmük yemei leidaikemhen.

KAHBHAO 10:11

Hapa kahdok leipü büpai Assyrialei heih. Halei uotü büpai Nineveh, Rehoboth-Ir, Kalah,

JEREMIAH 51:13

Yungnyü yungha longi nyupü, hatü mop longi angpü kahmük; Am kü dohpütenpü hatü am mahhen hepak ngoiteke.

JEREMIAH 47:3

koyeithü ladhaoki shouppü ngeü, koyei kharithülei la ngeü, kharila shinpü ngeü kü nyemei, nyühipathüi laophülei hapeüthü baong yemei neleihen hatü jomei lak juwdaihen.

NAHUM 1:1

Hapayü Nineveh am nangkü Elkosh am Nahum thibüi eepü manghkhang jung nyangpü nyüke.

ISAIAH 38:14

Khihmang hatü yungou keiha ngei vaüteke, athubai keiha ngei mahng thepteke. Shang philei veihampai ngelei mükyang yungdaiteke. Oh Shembüpa, ngei ponghahnyeih, ngei yangshih!

ISAIAH 59:11

Sheptao keiha ham peü shomteinyüke, athuba keiha mahng thepnyüke, Hamü shahhing om dannyüke, shejao nedangnyu, yemleipü yemnyüke, shejao hapayao ham toueipü taishi nyüke.