NAHUM 2:4 - DAÜLANGPÜ LAIHING (BSI)

⁴ Chingyangshong kü vehok koyeithü, chingnyü shoukhinuk peü kü daitü lei, daitü lei mokteinyüke. Jomphongü bahpü awlom kei nyüke; jomi klang kei lahhan kapnyüke.

NAHUM 2:4 Referans Kwoze

JEREMIAH 4:13

Veituh! Büpa phum kei peikünyüke, büpalei koyei khari alüngleple kei; büpalei koyeithü alang mao shülangpüba peikünyüke– onyükei, jenü mahdainyu khih!

EZEKIEL 26:10

Büpalei koyeithü longi nyupü nangkü hathüi kübhihla pungpai nüng jümlanghen. Bendaipü chingnyü penyüsha benei shüshingkü jomei vehok koyeithü, khari hatü koyei kharithülei ngeüi ammei bhamthü jenhen.

ISAIAH 66:15

Mehenangkü Shembüpayü aw mü peikahen, hatü büpalei koyei khariyü alüngleple keiha heihkahen; Büpa mongshihpai laophülei mongshih, hatü lohpümangpü awlom keiha peikahen.

DANIEL 11:40

Dohpü hepak kü Ijip ongpai büpa mü hokhen, shejao Syria ongpai büpa mü khüei alüngleple kei vehok koyeithü, koyei veshanthü hatü jahasthü müei peiyei hokhen. Büpai kahmükthü longi hahtükhen hatü bünghiyangi kei maotükhen.

ISAIAH 37:24

Nüngei phongmokbüthü homei nüngi Shembüpa kü yaüei eteke, hatü nüngi, ‘Ngei koyei khari mü Lebanon kahshang shaopü thahshi aongtepih. Haleipü shaopü cedar, hatü meipü cypress püthü agtepih; hapa shangching teppü hatü hapa yingnyü yingnyak thahshi shütepih.

JEREMIAH 46:9

Sheshalei daituh, Oh koyeithü, ngapükei moktuh, Oh koyei kharithü! Moktuh, Oh vehokbüthü, Ethiopia hatü Put am inyüshung nopüthü, hatü pülah nopü Lud shennyakthü.

EZEKIEL 23:24

Jomphongi nüng khüei lahhilaong noshi, koyei khari hatü kharithü halei shennyak khongnyü omshi inyüshung hatü nyiam athen longpü maanpü notü lem peü philei nüng khüei peikahen. Hanghihühen shingvaishi ngei jom kü nüng shuohhen, hatü jomi jomei laphen aimü nüng kü hanghi shuohhen.

EZEKIEL 26:7

Shembüpa Kahvangi hapakei enyüke: “Ngei Tyre am khüei apshaphi leipü Babylon am Nebukadnezzar ongpa, ongthü khong kü ong, büpa mü koyeithü, koyei kharithü, koyei veshanthü hatü longpü, wong kohpü veshanthü müei peihen.

KANDOK 31:21

Jomshemi shü vühen kü nenyemnyu; mehenangkü jomshem kemei shaamlukpü ashak ümshi nyüke.