NAHUM 2:2 - DAÜLANGPÜ LAIHING (BSI)

² Vepathüi mangtüktü lavüngtoiyei tuhphongjao, hatü jomei nyalingngupai kah mangtükjao, Shembüpai Jakob kü keiha, hatü Israel am kü keiha müknyinshekhang nyokei shuohhen.

NAHUM 2:2 Referans Kwoze

ZEPHANIAH 3:11

Hapa nyih, ammi ngei kü nejiüpü dükpü nangkü amneveühüpih; mehenangkü amphong khong kübü changmeipüthü ngei changtükhen. Hajük kü am ngelei daülangpü kahshangei nechangmeihen.

EZEKIEL 37:23

Sheyü jom nyingi jomei lajeithü, hatü jiühitnalaipü douthü nevaijü lebü pungpüshaipü homei mang nethahhen; mehenangkü ngei jomphong vüpü mang kübü yanghen, hatü ngei jom daütükhen. Shejüang jomphongü ngelei nanglak, hatü ngeiyü jomei Kahvang vaihen.’ ”

ISAIAH 60:15

Üpaiyao am peih-ei nekamtei-i peüi am yaktük hatü jiühitteke, shejao ngei am den kü müknyinshekhangpü hatü denshem peü kü mongongmonglepü leihühen.

HOSEA 10:1

Israel amü banei daipü nyalingngupai kei nyüke. Meshükpa betjük jüknya, hajükpa moidü lingnyüke; Meshükpa angeideiyei leinya, hajükpa jom khümhen yaong shemnyü lingnyüke.

JEREMIAH 49:9

Nyalingngupai vaümpüthü peijü dhei aoei netuhnyu je? Yanüng gühpa peiyei jomi napü dou mon yahtü netuhnyu je?

JEREMIAH 25:29

Veituh, ngelei men kü nyükpü hapa chingnyü kü shanghah koei peikünyeih, hatü am nehanghi-i nyuaokhen je? Am hangnehi-i nenyupih; mehenangkü ngei kahdoknyülei nyupüthü peü touei yan kü nyüknyüpeih shei Jeiyong Shembüpai enyüke.

MENVIH KESHO 47:4

Büpai jen shing kahdoknyü mükjüp jeyei shuoh; büpai bampü laophülei nanglakthü nangkü büpai maühenyeih.

JEREMIAH 48:11

Moab amü panghinüng nyiushemmei kü nyuhampeih; Dük hük kübü hük shei necheitei-i dükshongei nyupü yiü keiha, chemao wüpküpei mangdai. Hanangkü büpa kü ngü meipü nemangdai, nevaijü hapalei vong büpü neyeiya-i nyüke.

EZEKIEL 37:21

hatü Shembüpa Kahvangi hapakei enyüke shei hathü kü etuh: Ngei Israel am jatthü touei yandaipü peü leihen, ngei jomphong peü lemeipü thaihen, hatü jomei kahdokei müei leihen.

NAHUM 2:10

Nineveh-ü mahtükteke, yaktükteke, hatü lavüngtoiyei tuhphongteke! Nyempai jomei mong laaidaiteke; nenei wong neshiü, dhe haidaiteke.

NAHUM 3:14

Ching shümlang shekü yung sholangtuh, penyüsha wongei linglangtuh, Ashem thukei kahdok nyeütuh, hatü itayaong lingei temtuh!