NAHUM 2:13 - DAÜLANGPÜ LAIHING (BSI)

¹³ “Ngeiyü nüngei vepa hih shei Jeiyong Shembüpai enyüke. Ngei ammei vehok koyeithü jütükhen; ammei veshanthü vehok kü mahtükhen, hatü ammi mih leipü aetpüshepü dou peü ngei yahlanghen, hatü ammei phongmokbüthülei ngeü hajük kü nedanhen.”

NAHUM 2:13 Referans Kwoze

NAHUM 3:5

“Ngei nüng khüei nyüpeih” shei Jeiyong Shembüpai enyüke. “Ngei nüngei dhe kü shüng ashak nyiukei jümhühen; Ngei jatlithü kü nüngei bümkong, hatü nüngei veü hushuohhen.

JEREMIAH 21:13

Veituh, am Jerusalem amü kahji dok kü yaongvak aongpükei, kahjithü shak kü shaoshi uoshi nyüke. Shejao ngei am khüei nyüpeih shei Shembüpai enyüke.” Ammi, “Ham khüei üpa peiküaokhen? nevaijü ham nyushingei üpa shüaokhen?” shei enyüke.

MENVIH KESHO 46:9

Büpai kahdoknyü dohpü thahshi vehok dohtükhünyeih; büpai lahhilaong bhagtüknyeih, phunghilang mangtüknyeih, hatü inyüshungthü aw kü jaktüknyeih.

2 ONGPATHÜ 19:23

Nüngei phongmokbüthü homei Shembüpa kü eelateke, hatü nüngi, ‘Ngelei koyei kharithü mü ngei kahshangthü shaopülei aongtepih, Lebanon shangchingthülei aongtepih; Ngei haleipü peü mü shaopü cedar püthü, hatü awkaongpüthü agtepih; Ngei hapa phaüjung ngoitepih, hatü yinghilong chi thahtepih.

NAHUM 3:1

Iythüng anpai, shahshemi maei, aetpüshepai maei nyupü; Mechemao jüteishangteipü nedohpü chingnyü, Onyükei!

EZEKIEL 5:8

Jeiyong Shembüpai hapakei enyüke: Ngei, am khüei peikünyeih, hatü mih jatthüi eeshi ngei am kü shahphenhen.

2 ONGPATHÜ 19:9

Shaang Sennakeribi Kush am Ijip ongpa Tirhakah büpa mü hokhen aongkünyükeja shei danei büpai shao Hezekiah touei phongmokbüthü shomei,

JOSHUA 11:9

Shembüpai epükei Joshua-i jom kü dük; büpai vehok koyeithülei laphei chah langtük hatü koyei kharithü aw kü jaktük.

NAHUM 3:12

Ammei veyomdü kemei bhukjükpü leipü bhukjükshüm keiha, Mechem pü kü jenhenshang, hahhen amei jusha kü jiüshi vüpükei nyuhen.

EZEKIEL 39:1

“Shennyak ha, ‘Shembüpa Kahvangi hapakei enyüke’ shei Gog khüei teteivanei etuh: Ngei nüng khüei nyüpeih, Oh Gog, Meshekh hatü Tubal amei ongpa.

EZEKIEL 38:3

Shembüpa Kahvangi hapakei enyüke shei teteivanei etuh: Ngei nüng khüei nyüpeih, Oh Gog, Meshekh hatü Tubal leipü longpü ongpa.

EZEKIEL 35:3

hatü Shembüpa Kahvangi hapakei enyüke shei teteivanei etuh: Edom am, ngeiyü nüng khüei nyüpeih, ngei am lavüngtoiyei leitükhem ngelei lak nohen,

EZEKIEL 29:10

hanangkü ngei nüng hatü nüngei yungyen khüei nyüpeih, hatü ngei Ijip kahdokü chemjalak kü Migdol kübü Syene, hatü Ethiopia thahshi lavüngtoiyei leitükhen.

EZEKIEL 29:3

“Shembüpa Kahvangi hapakei enyüke” shei büpa kü etuh: “Ngei nüng khüei nyüpeih, Ijip ongpa Pharaoh, yungyenei lemshi nyupü Dragon nüngi, Nile yungyenü ngelei; ngei laophü shing linghahpeih” shei enyüke.

EZEKIEL 28:22

hatü Shembüpa Kahvangi hapakei enyüke” shei etuh: “Ngei nüng khüei nyüpeih, Oh Sidon, nüng kü ngei dükpü dou eeyei nanglakthüi ngei kü vihhen. Mechem ngei halei shahphenpü eehen, hatü ngei daülangshemshepü halei shakei vamhühenshang, jomi ngeiyü Shembüpa khih shei nyinghen.

EZEKIEL 26:3

Hanangkü Shembüpa Kahvangi hapakei enyüke: Ngei nüng khüei nyüpeih, Oh Tyre, hatü yungchingi laophülei yung lahao deishihpükei ngei nüng khüei jatthü longi müei leikahen.

JEREMIAH 51:25

“Ngei nüng khüei nyüpeih, Oh kahdoknyü kemei mangteipü kahshang” shei Shembüpai enyüke. “Ngei nüng khüei ngelei lak haonghen, ammei kahshangthü kahji mü hükkei düei shantükhen, hatü am awmi leitükhen.

JEREMIAH 50:31

“Ngei nüng khüei nyüpeih, Oh changmeipü Babylon! Nüng hanghihen nyih hatü hepak ngoiteke” shei Shembüpai enyüke.

2 SHÜPPÜKENGPÜ 32:19

Hangkulei laki lingpü lebü nanglakthülei kahvangthü jung epü keiha jomi Jerusalem Kahvang jungao e.

2 ONGPATHÜ 18:19

Rabshakeh-i jomphong kü, “Longpü Assyria ongpai hapakei enyüke: Nüngü mehe kü mongnyangshi nyunya?

2 ONGPATHÜ 18:17

Assyria ongpai Tartan, Rabsaris, hatü Rabshakeh hathüi mütü veshan longi Lakhish leipü Jerusalemei Hezekiah ongpa touei shom. Jomi Jerusalemei peiyei Dokpa Yungkuk leipü yunghow touei ashak dhopüthülei lemei yaong.

JOSHUA 11:6

Shembüpai Joshua kü, “Ammi jom kü tenyem, ngenyih shaang kei jom kemei jüei Israel am kü shuohhen; ammi jomei vehok koyeithülei laphei chah langtüktuh hatü koyei kharithü aw kü jaktüktuh” shei e.

JEREMIAH 46:14

Hapayü Ijip am kü etuh, hapayü Migdolei baongeishuoh. Hapayü Memphis hatü Tahpanhes leiyao baongeishuoh. Show lingei temtuh, mehenangkü am shinei nyupüthü peü yanlui lühtükkemhen.

EZEKIEL 13:8

Hanangkü Shembüpai hapakei enyüke: Ammi nejiüpü manghkhang eyei, hatü shahshemi tetpüvanpü epü nangkü ngei am khüei nyüpeih shei Shembüpa Kahvangi enyüke.

EZEKIEL 21:3

hatü pinnyü kü Shembüpai hapakei enyüke shei etuh: Ngei am khüei nyüpeih. Ngei ngelei yanlu nohen hatü am peü nemeipü meipü nyiphen jühen.

NAHUM 2:12

Mailangi cheha shing yemhimak changshi jünyüpeih, hatü chenyü shing yemhimak shüknyüpeih. Büpai laophülei dungei heti, hatü laophülei jep phaithüngi mahünyeih.

NAHUM 3:15

Ammi mehe mehe shangkü dükjao am aw kü jaktükshasha; vepalei yani am mahshasha, hatü shoukhanbaongi sheili jangtükpükei am thitei yaktükhen. Shoukhanbaong kei am longi daei nyujao neyangaokpih.