NAHUM 2:10 - DAÜLANGPÜ LAIHING (BSI)

¹⁰ Nineveh-ü mahtükteke, yaktükteke, hatü lavüngtoiyei tuhphongteke! Nyempai jomei mong laaidaiteke; nenei wong neshiü, dhe haidaiteke.

NAHUM 2:10 Referans Kwoze

MENVIH KESHO 22:14

Ngeiyü yung kei langtük, hatü ngelei vangbaong yandaiteke; ngelei mongdangü püjiü keiha, ngelei mongei nyaüei yennyüke.

JOEL 2:6

Jom eejü jatthüi nyemnyüke; hathü dhe shodainyüke.

DANIEL 5:6

Büpalei dhe haiyei büpa longi nyempai büpalei lashüh kheüei kaongteiteke.

JEREMIAH 30:6

Shaang haongshi deihhümao: Baha hüki hapeü büh-aokhen je? Shejema mehekei wong kohpü bahathü peü nyüha hük hapeü anghen tüngjü vom kü laki paümpükei nyunya, hatü mahngmük mahngshe kei haidaitü nyunya?

ISAIAH 24:1

Veituh, Shembüpai hapa kahdok yakphonghen, hatü lavüngtoiyei tuhphonghen mon nyüke, hatü büpai kahdok shak mangtükhen, hatü haleipü shennyakthü yantükhen.

ISAIAH 21:3

Mehe ngei manghkhang kü ee, hatü dan, hapai ngei nyempai hatü tüngpai mahü, nyühai hapeü anghen tüngpükei tüngteke.

ZEPHANIAH 3:6

Shembüpai enyüke, ngei jatthü peü mahtükkemtepih, jomei veyomdü bentükkemtepih. Üpaiyao nekamteihen mü ngei jomei chingyangshong vüngtüktih; Hangkuli chingchingei nenyuhen mü ngei jomei chingnyüthü vüngmaki yaktüktih.

NAHUM 3:7

Üami nüng kü veihen, peü nüng toueipü nyaidaihen, hatü “Nineveh-ü mahdaiteke! Üpai pinnyü kü mahng thepshuohhen? Pinnyü nyiushem meihühen üpa danghenang?” shei jomi ehen.

JEREMIAH 51:62

hatü, ‘Oh Shembüpa, shennyak nevaijü yemhimak mepayao halei nenyuhen; hapayü den kü lavüngtoiyei tuhphonghen’ shei nüngi epeih” shei etuh.

ISAIAH 14:23

Ngei pinnyü-ü ashühlaongkaong nyushing, hatü yung iishing leitükhen; ngei pinnyü-ü bhangmah lihümbenüng nyüpmaohani maoei yaktükhen shei Jeiyong Shembüpai enyüke.

JOSHUA 2:11

Hami ha jung danhinüng am kü nyempai hamei mong mahdai; mehenangkü Shembüpa, ammei Kahvangü vangsho shangpa kü hatü kahdoknyü kü Kahvang khih.

KAHBHAO 1:2

Kahdoknyü-ü dhaomü mehe deiaeiyao neshiüi kong mü nyuteke hatü yungching ilangmong shak kü vangnyaki jümtü ha shangkü Kahvang laangha kamteiyei nyu.

JOSHUA 7:5

Ai ami jom hapüanpüvok hükshing jütük. Ai ami Israel am chingnyü penyüsha kübü Shebarim thahshi changei shanei kahjidhongei jüteke. Israel am nyempai mong mahdai.

JEREMIAH 8:21

Ngelei nanglakthü ngümtükpü nangkü ngeiyao ngümtükteke. Ngei thep, hatü mongshangi ngei shonglangteke.

JEREMIAH 49:23

Damaska nangkü: “Hamath hatü Arpad nyi mongshangnyüke; mehenangkü jomi shahjang ten danei nyüke. Jom mong mahdaitü nyüke, shing nelingpü yung keiha mongshangnyüke.

EZEKIEL 21:7

Hatü mechem jomphongi nüng kü, “Nüng mehekei thepnya?” shei ephüjü, nüngi jom kü, “Shahjang peiküpü nangkü” shei ehen. Peüha mong maandaihen hatü lak shaokdaihen, peüei laangha kuidaihen hatü peüei lashüh wong nekoh-i yung kei leidaihen. Hapa ngoikünyüke! Hapa hingmei vamküshasha shei Shembüpa Kahvangi enyüke.

EZEKIEL 31:15

Shembüpa Kahvangi hapakei enyüke: Hapa Sheolei shüpü nyih, ngei kahmong yungao mahng thepei jümhüpeih; ngei shohingathü shümlangpeih hatü yungthü jümlangpeih. Hanangkü ngei Lebanon am dhe magei leihü, hatü haleipü püthü peü kaotükhüpeih.

NAHUM 2:2

Vepathüi mangtüktü lavüngtoiyei tuhphongjao, hatü jomei nyalingngupai kah mangtükjao, Shembüpai Jakob kü keiha, hatü Israel am kü keiha müknyinshekhang nyokei shuohhen.