NAHUM 1:7 - DAÜLANGPÜ LAIHING (BSI)

⁷ Shembüpayü meiangpeih; büpayü shangpong yakying hepak kü jen loishing nyüke. Büpa kü hinglempüthü kü büpai jungnyüpeih.

NAHUM 1:7 Referans Kwoze

2 TIMOTI 2:19

Shejao Kahvangei chongnyiam shing lakshing wongshongi hapa nyangtü yaongshi nyüpeih: “Shembüpai büpa lompüthü nyingei nyüpeih” hatü, “Üami Shembüpalei men kü nyük, nemeipü leipü lepei leituh.”

JOHAN 10:27

Ngelei mithüi ngelei ngeü dannyeih, ngei jom nyingnyeih, hatü hathü ngei phei münyeih.

YOUNG LAI 3:25

Shembüpa kü hinglempüthü peü kü, hatü büpa kü nyempüthü kü büpayü meipü nyüke.

JOHAN 10:14

Ngeiyü mi yombü meipü. Ngei ngelei mithü nying hatü ngelei mithüi ngei nying.

MENVIH KESHO 100:5

Mehenangkü Shembüpayü meiangpeih; büpa bampü hatü shahhing epü denshem peü kü nyunyeih.

MENVIH KESHO 27:5

Mehenangkü ngei shanghahpü nyih kü büpa nyushingei ngei yangei tuhhen. Büpai büpalei ashakshem mongei ngei joshi tuhhen; büpai ngei yaongshang kü chongwongei tuhhen.

KANDOK 18:10

Shembüpalei menü wong kohpü shangdü; daülangpüthü halei mokei shünyeih hatü yangdainyeih.

MENVIH KESHO 1:6

Mehenangkü Shembüpai daülangpüthülei lem kü veishi nyunyeih, shejao nemeipüthülei lemü mahdaihen.

GALATIA 4:9

Shejao shaang ammi Kahvang nyingei peiteke, nevaijü Kahvangi am nyingteke. Shejema mekei etü ammi shao wong nekohpü hatü vanglem lempü laanghathü lemei lepdainya? Amphongi hathü phangkü shao aa vaihüpü je?

ISAIAH 25:4

Nüngü taopathülei loishing meipü, hatü nehahneyingpüthü shanghah shingkü nüng jomei loishing. Baihivang hatü nyahpüshampü kü nüngü loishing hatü dhüm nyuteke. Mechem nemeipüthüi ünyü hepak kübü vang keiha ching hahpa,

1 SHÜPPÜKENGPÜ 16:34

Shembüpa kü menvih shuohtuh, mehenangkü büpa meipü nyüke; büpa bampü hüdenhalenshi nyüke.

JEREMIAH 33:11

mongongmonglepü ngeü, yiükjing mo kü mongongteipü ngeü hatü Shembüpalei shem kü menvih shuohpü, moila koei peipüthülei ngeü hapakei eyei danhen, “Jeiyong Shembüpa kü menvih shuohtuh, mehenangkü büpayü meiangpeih; büpa bampü hüdenhalenshi nyunyeih.” Mehenangkü ngei hapa kahdok kü sheleipü keiha dapüshepü koei peihen shei Shembüpai enyüke.

MENVIH KESHO 86:7

Ngei shanghahpü nyih ngei nüng kü nyüknyeih; mehenangkü nüngi ngei kü jangphahen.

ISAIAH 32:2

Jom peüi vanglük kü joshing keiha, hatü yinglükpalei kü sho joshing keiha, kahngadok kü yung shapü keiha, hatü kahvan kahdok kü yaongnyü dhüm keiha nyukahen.

MENVIH KESHO 25:8

Meipü hatü kangshangpeyü Shembüpa; hanangkü büpalei lemthü kü kamhen büpai nyuhnyeih.

DANIEL 3:28

Nebukadnezzar ongpai, “Shadrakh, Meshakh hatü Abednego hathülei Kahvang men longtuh! Büpai büpalei vangsho phongshan shomei büpa chongphopüthü yangteke! Jomi büpa kü hinglem, hatü jomei Kahvang nevaipheikü, ngelei kahvang chongnephohen hatü nekhümhen shei ngelei shahkungnyü dangkao mangei, jomei yangnyu dihen thahshi lanei shuohteke.

MENVIH KESHO 71:3

Nüngü ngei loishing yaongnyü vaikei, ngei yanghen penyüsha vaikei; mehenangkü nüngü ngelei yaongnyü hatü ngelei penyüsha.

MENVIH KESHO 91:15

Mechem jomi nyükhen, ngei janghen; shanghah shingkü ngei jom mü nyuhen. Ngei jom yanghen, hatü dhüm huhen.

MENVIH KESHO 59:16

Shejao nüngei wong jung ngei kesho lokhen. Nepnüng ngei nüng bampü jung lokhen. Mehenangkü nüngü ngelei penyüsha, hatü ngei shanghahpü nyih ngei loishing nyupeih.

MENVIH KESHO 50:15

Shanghahpü nyih ngei kü nyüktuh; ngei nüng yanghen, hatü nüngi ngei müknyinshekhanghen.

DANIEL 6:23

Hahepak kü ongpa longi mongong hatü mailang khok leipü Daniel yah-ei ngaihen ngeükhüam shuoh. Hanangkü jomphongi Daniel mailang khok leipü ngaiteke; Danieli Kahvang kü hinglempü nangkü meleiyao makaw ne-ee.

ROM SHAHSHA APPÜ 11:22

Shejema Kahvang bampü hatü mongshihpü nyingtuh: dopüthü touei mongshihpü, shejao ammi büpa bampü kü nedoh-i nyujema Kahvang bampü am touei nyüke; hei nevaijema amao bhagtükhen.

2 SHÜPPÜKENGPÜ 32:21

hatü Shembüpai vangsho phongshan hük shomei Assyria ongpalei baümtapei nyupü veshanthü, mübüthü hatü lakchongbüthü peü jütük. Hanangkü büpa mongshangei laophülei kahdok yemei leidai. Mechem büpa laophülei kahvang khümshemei shüpa, chehapeü hanei büpa kü yani bapei jü.

MATHI 27:43

Büpai Kahvang kü hinglemnyüke; shaang Kahvangi mongjema büpa nyemyangshuoh; mehenangkü büpai, ‘Ngeiyü Kahvang Ha’ shei epeih” shei eteke.

MATHI 7:23

Hahepak kü ngei hathü kü, “Ngei amphong nenying, ngei toueipü lüdaituh, amphong ten dükpüthü” shei ehen.

EZRA 3:11

Duei-ouei jomi Shembüpa kü menvih shuoh-ei hapakei jangteiyei lokteke: Shembüpai chongnyiam yaong haüpü nangkü nanglakthü peüi Shembüpa kü menvih shuoh-ei jangteiyei wongmü lenteke: “Mehenangkü büpa meipü nyüke; büpai Israel am kü bampü denden kü nyüke.” Hatü nanglakthü peüi ngeüwong anei Shembüpa kü menvih shuohteke; mehenangkü Shembüpalei shem chongnyiam yaong haüteke.

2 SHÜPPÜKENGPÜ 32:11

Hezekiah-i am kü, ‘Shembüpa, jenei Kahvangi Assyria ongpalei lak kübü jen yangphahen’ shei eshi büpai am pungei aeipülepü lemei münyeih shei nenyingnyu je?

2 SHÜPPÜKENGPÜ 32:8

Büpa keyü hangkulei wong mon nyüke shejao jen meyü jen kü sheühhen hatü jen nangkü hokhen Shembüpa, jenei Kahvang nyüpeih.” Hanangkü nanglakthüi Judah am Hezekiah ongpai epü shah kü mongyangei deih.

1 SHÜPPÜKENGPÜ 5:20

Hathü khüei hokhen shingvaishi Kahvangi jom kü sheüh, hatü Kahvangi Hagar hatü jom kü khüambakpüthü peü jomei lak kü shuoh; mehenangkü jomi vehok shingkao Kahvang kü len, hatü büpai jom kü jang.

MENVIH KESHO 20:1

Nüng shanghahpü nyih kü Shembüpai yangphahen! Jakob Kahvangei men kü nüng yangphahen!

MENVIH KESHO 37:39

Daülangpü am yanghenü SHEMBÜPAleipü peinyeih; Jom shanghahpü hepak kü büpayü jomei penyüsha.

MENVIH KESHO 37:40

Shembüpai jom kü sheühnyeih, hatü yangnyeih; büpai jom nemeipü am toueipü yangnyeih, mehenangkü jomi büpa kü loinyeih.

JEREMIAH 16:19

Oh Shembüpa, ngelei wong, hatü ngelei penyüsha, shanghah hepak kü ngei loishing. Nüng kü kahdok dohpü junghijang peü kübü peiyei, “Hamei bühipathüi meheyao ne-ang, shahshem kahvangthü, yahlak neshiüpü, jom kü meheyao mei nedükpü lajeithü angpü khih” shei ehen.

JEREMIAH 17:17

Nüngü ngei kü nyemshaopü am teleidai; shanghahpü nyih nüngü ngei loishing.

JEREMIAH 24:5

Shembüpa, Israel Kahvangi hapa enyüke: Hathü meipü adhajük keiha, Judah am üam hapa shing kübü Babylon kahdok wüpküpei shomei nyüpa, hathü kü ngei meipü adhajük kü keiha bamshi noteihen.

JOEL 3:16

Shembüpai Zion Kahshang leipü ngüngnyüke, hatü Jerusalem leipü lennyüke; kahdok vangsho kheünyüke. Shejao Shembüpayü laophülei nanglak loishing, hatü Israel nanglakthü sho joshing vaihen.

ZEPHANIAH 3:12

Mehenangkü ngei amphong khongkü nenteiaokpü, hatü inpünyaipü shennyakthü tuhphahen. Jomi Shembüpalei men kü hinglemhen.

2 SHÜPPÜKENGPÜ 13:18

Hapa keiha Judah ami ha shan kü neü; mehenangkü jomi Shembüpa, chebü chepalei Kahvang kü mongnyangteke.

MENVIH KESHO 9:10

Üami nüngei men nying, jomi nüng kü hinglemnyüke. Mehenangkü Oh Shembüpa, nüngi nüng yempüthü neyakphong.

MENVIH KESHO 46:2

Hanangkü kahdoknyü yeiyadaijao, hatü kahshang laamei yungching mongei shüdaijao,

ISAIAH 50:10

Am khongkü üpai Shembüpa kü nyemnya, hatü büpalei chongphobülei shah bangnya, üpai vangngai neshiüi vangnyak kü kamnya, shejao Shembüpalei men kü hinglemnya, hatü büpalei Kahvang kü hinglemnya?