NAHUM 1:4 - DAÜLANGPÜ LAIHING (BSI)

⁴ Büpai yungching kü lohnyeih, hatü ha ütüknyeih; büpai yungnyüthü ütüknyeih. Bashan hatü Karmel leipü kahthü vantüknyeih, hatü Lebanon chüthü kautüknyeih.

NAHUM 1:4 Referans Kwoze

ISAIAH 33:9

Kahdok vandai, hatü lavüngtoiyei leidai, Lebanonü veüshi vandaiteke. Sharonü bhih kahdok leidai, Bashan hatü Karmel Kahshang kübü phenlakvungpha peü kaongdaiteke.

MENVIH KESHO 106:9

Büpai Hakla Yungching kü loh, hatü ha jepdai; büpai jom kahvan kü kamei müteke.

ISAIAH 51:10

Yungching chüpü ilangmong jeptükpü, hatü laophüi yanglangpüthü homei daihen shingvaishi ilangmong homei lemnyüshong lingpeyü nüng nevaipü je?

ISAIAH 44:27

Ngei shah phahük mon ejü yungchingao jepdainyeih.

MENVIH KESHO 114:5

Oh yungching, nüng nyaidaihen mü, Oh Jordan, nüng nyokei leihen mü mehe vampa?

MENVIH KESHO 114:3

Yungchingao veitü nyaidai, Jordan yungyenao neyeni yaongdai.

MENVIH KESHO 104:7

Mechem nüngi yung kü lohshuohpa, jom nyaidaikem; nüngei vangmuk ngeü kü jom mokdainyüke.

MENVIH KESHO 74:15

Nüngi yunglok bhaoei yenhünyeih, nüngi yungnyüao cheptüknyeih.

MATHI 8:26

Büpai jomphong kü, “Mehekei amphong nyemnya, am maani mon vaipüthü?” shei e. Hapheikü büpa paoei vanglük hatü yungching kü loh, hatü ha nendai.

AMOS 5:8

Üpai lithathü, Pleiades hatü Orion lingpa, hatü shangmangi nepnüng leitüknya, hatü nyihnüngi vangnyak leitüknya, üpai yungching yung kü nyüknya, hatü kahdok kü vang keihünya, hayü Shembüpa, büpalei men nyüke.

AMOS 1:2

Amos-i e: Shembüpai Zion Kahshang leipü ngüngnyüke, hatü Jerusalem kübü büpalei ngeü annyüke; mi yombüthülei het ühshing phenha kaudaiteke, Karmel kahshang leipü thüng vandaiteke.

EZEKIEL 30:12

Ngei Nile yungyen ütükhen, hatü nemeipü shennyakthü kü kahdok yutükhen. Kungpalei lak homei kahdok hatü haleipü lemphü kü lavüngtoipü koei peihen shei ngei Shembüpai etepih.

JOB SHAHSHA APPÜ 38:11

‘Hajük thahshi mon nüng heihhen, ha mü lenei neheihkahen, hajük thahshi mon nüngei changmeipü yungmok heihhen’ shei eshingkü nüng melei nyuhampa?”

KAHBHAO 8:1

Shejao Kahvangi Noah hatü büpa mü jahas mongei nyupü yemhimakthü deih-ei dang, hatü Kahvangi vanglük lükhüei yung jepei leishih.

JOSHUA 3:16

yungsho phileipü yung nesha-i longi taishi Zarethan toueipü Adam chingnyü thahshi düei leiyei shüngdai, hatü Dipü Yungching philei yenpü yungü phenei shadai hatü nanglakthü Jeriko yopailei yungdang homteke.

2 SAMUEL 22:16

Shembüpai lohpü nangkü büpalei shongsha leipü ngü laopai, yungching ilangmongao shakei vam, kahdoknyü chongnyiam shingao kong leihü.

ISAIAH 42:15

Ngei kahshang hatü shangtaothü lavüngtoiyei tuhphonghen, hatü jomei jahpan vantükhen; Ngei yungnyüthü peü shübaongthü leitükkemhen hatü yungkukthü ütükhen.

EZEKIEL 38:20

Yungching kübü nyahthü, shangouthü, kahdoknyü kübü yemhimakthü hatü kahdok kü lüei daipü yemhimakthü, hatü kahdok shak kü nyupü hangkuthü peü ngei touei nyemei kheühen, hatü kahshangthü laamdaihen, yaongvakthü bhaokei vühen, hatü bham kemei kahdokei laamei shadaihen.

MENVIH KESHO 18:16

Shembüpa shang phileipü yiüei ngei kü shongteke; büpai ngei yungching ilangmong leipü shüei an.