NAHUM 1:3 - DAÜLANGPÜ LAIHING (BSI)

³ Shembüpayü mongshihhen youngmü, hatü nganhiwong kü longpü nyüpeih; Shembüpai nemeipü am kü hanghi neshuoh-i hei-üng netuhphongnyih. Büpalei lemü alüngleple kü nyüke; yinglükleisho hatü phumthüyü büpalei la kübü bhihla nyüke.

NAHUM 1:3 Referans Kwoze

MENVIH KESHO 147:5

Longpübayü jenei Shembüpa, hatü ngan kü changpüshapü nyüke; büpalei kihikonü neshet-aoki nyüke.

NEHEMIAH 9:17

jomi ven nedan, hatü jom touei yashanpü douthü dükpü peü betük, shejao jomei ngaümvang vaanei aa laphen kü Ijiplei nyokei leihen tem. Shejao nüngü mang tükpü, phahji yahyangpü, mongshih youngmü vampü, hatü bampü kü changshishashi nyupü Kahvang, hatü nüngi jom netuhphong.

MENVIH KESHO 145:8

Shembüpai phahjinyeih, hatü shinshangei deihnyeih; mongshihhen yung mü, hatü bampü kü changshishashi nyüke.

MENVIH KESHO 104:3

nüngi yung shangkü laophülei shem veteke, nüngi phumthü koyei khari vaihü, nüngi phumei yang kü uotü longtei;

MENVIH KESHO 103:8

Shembüpayü shinshangpü, hatü phahjipü, mongshihhen youngmü, hatü bampü kü bhashahshi nyüke.

JAKOB 1:19

Ngei bampü jeihinaüthü, ha nyingtuh: Peüi danhen shülangtuh, youngmü etuh, mongshih youngmü vamtuh;

ZEKHARIAH 9:14

Hahepak kü Shembüpa jom shak kü vamhen; büpalei lahhan klang keiha kaphen; Jeiyong Shembüpai amit vünghen, hatü büpa pehephi leipü alüngleple kei mokhen.

ISAIAH 66:15

Mehenangkü Shembüpayü aw mü peikahen, hatü büpalei koyei khariyü alüngleple keiha heihkahen; Büpa mongshihpai laophülei mongshih, hatü lohpümangpü awlom keiha peikahen.

JOB SHAHSHA APPÜ 9:4

Büpayü longi nahshi hatü wong kohshi, üpai büpa khüei yaongaokhen hatü neüaokhen?

BHEI-IE 14:18

“Shembüpayü mongshih anpü youngmü, hatü bampü kü bhashahshi. Mang hatü pungpüshaipü mang tüknyeih. Shejao büpai nemeipüthü kü hanghi neshuoh-i netuhphongnyih. Bühipai thahpü mang nangkü hühiha den jem den ali thahshi büpai hanghihünyeih.”

SHAKEI VAMPÜ 1:7

Veituh, büpa phum mü yiükünyüke; peüei müki büpa eehen; büpa kü phungi hümpüthüi dangkao eehen; hatü büpa tata kü kahdoknyü jatthü peü mahng thephen. Hapa keiha ha nyuhen! Amen.

MATHI 26:64

Jisui büpa kü, “Nüngiang eteke. Shejao ngei nüng kü enyeih, shaang mebü nüngi Shennyak Ha Jeiyongpalei lakdah philei uotü phum shangkü yiüküpü eehen” shei e.

JONAH 4:2

Büpai Shembüpa kü, “Oh Shembüpa, ngei shem leipü layaonghinüng hapakei dükküshasha hih shei ngei epü ha nevaiang je? Hanangkü ngei shüshülangi Tarshish lemei lüdaipeih. Nüngü phahjipü hatü yahyang shinshangpü Kahvang, mongshihhen youngmü, hatü bampü kü bhashahshi, shangpong yakying shomhen kübüao mang tükpü Kahvang shei ngei nying.

DANIEL 7:13

Yanüng manghkhang kü ngei veishi nyushingkü, veiheni shennyak hük leshi phumi ngeihtü vamei Aivangpa touei peiyei yaong.

ISAIAH 19:1

Ijip am nangkü epü shah: “Veituh, Shembüpai phum shangkü uotü shülangi Ijip lemei peikünyüke. Ijip amei lajeithü büpa touei kheühen, hatü Ijip amei mong mahdaihen.

MENVIH KESHO 66:3

Kahvang kü, “Nüngei men mekei thamapüang!” shei etuh. Nüngei ngan longpai nüngei vepathü nüng kü khümnyüke.

MENVIH KESHO 62:11

Kahvangi chem ha eteke; ngei ha nyipa dantepih. “Nganhiwongü Kahvangei,

JOB SHAHSHA APPÜ 38:1

Hapheikü Shembüpai yinglükpalei kübü vamei Job kü eteke:

JOB SHAHSHA APPÜ 10:14

Ngei mang thahjema nüngi ha kü veishi nyüke, hatü nüngi ngei kü hanghi neshuoh-i netuhnyu.

JOEL 2:13

Ammei ashakviha nevai, ammei mongdang shaaktuh. Shembüpa, ammei Kahvang touei mong leptuh; mehenangkü büpayü phahjipü hatü bampü nyüke; Mongshih anhen youngmü, hatü bampü kü changpüshapü nyüke, hatü büpai hanghi shuohhen kübüao mong leidainyeih.

MENVIH KESHO 50:3

Jenei Kahvang peikünyüke, hatü nenmü nenyunyu; büpa touei laiyeilungei hahhen aw, hatü mangpü yinglükpalei shinei nyüke.

2 SAMUEL 22:10

Büpai vangsho yamtüktü yiü; phumnyakthü büpalei labha mongei nyu.

ISAIAH 29:6

Jeiyong Shembüpai vangmuk vangteng mü pedi vükei ngeü longpü mü, hatü alüngleple, yinglükpalei, hatü laiyeilungei hahpü awlom keiha am thümhen.

JEREMIAH 4:13

Veituh! Büpa phum kei peikünyüke, büpalei koyei khari alüngleple kei; büpalei koyeithü alang mao shülangpüba peikünyüke– onyükei, jenü mahdainyu khih!

HOSEA 8:7

Jomi vanglüki keiha ten hainyüke, hatü jomi alüngleple kei ten vetnyüke. Kohpü hah kü betjük nejükhen, hapai hahying nevamhen; Hapa kü jük jüklangmao kung ami lühtükhen.