NAHUM 1:2 - DAÜLANGPÜ LAIHING (BSI)

² Shembüpayü mükhakpü, bhüh yempü Kahvang nyüke; Shembüpai bhüh yemnyüpeih, hatü mongshih maei nyüpeih. Shembüpai büpalei vepathü khüei bhüh yemnyeih, hatü büpalei vepathü khüei mongshih jaoei tuhnyeih.

NAHUM 1:2 Referans Kwoze

ZEKHARIAH 8:2

Jeiyong Shembüpai ha enyüke: “Ngei Zion kü longi mükhühnyeih, hatü ngei pinnyü kü longi vaünyüpeih.”

MÜLANGPÜ 20:5

Ammi hathü kü aümei tesha nevaijü ha kü tekhüm; mehenangkü ngeiyü Shembüpa, ammei Kahvangü mükhühpü Kahvang. Ngei yaktükpü nyühipathülei hühihathü kü denshem jem, ali thahshi ngei hanghi shuohnyüpeih,

MENVIH KESHO 94:1

Oh Shembüpa, nüngü bhühyempü Kahvang, nüngü bhüh yempü Kahvang, nüngei müknyinshekhang nyahütuh.

MÜLANGPÜ 34:14

“Ammi lebü kahvang mehe kao tekhüm; mehenangkü Shembüpa ngei, üpalei men Mükhühpü nyüpa, hayü mükhühpü Kahvang nyüke.

JOSHUA 24:19

Shejao Joshua-i nanglakthü kü, “Ammi Shembüpa chongphoei neaokpih. Büpayü daülangpü Kahvang; büpayü mükhühpü Kahvang. Büpai ammei mang netükphapih.

HEBREW 10:30

Mehenangkü, “Bhüh yempeyü ngelei, ngei ha kü shemhen.” Hatü shao, “Shembüpai laophülei nanglakthü shahphenhen” shei üpai e, ha jeni nyingei nyüke.

ISAIAH 42:13

Shembüpayü hampa hük kei dainyüke, veshan hük keiha büpai hokhen temnyüke; Büpai lenei thep nyüknyüke; Büpai laophülei vepathü kü laophülei wong hunyüke.

SHAHKÜP 4:24

Mehenangkü Shembüpa, ammei Kahvangü laiyeilungei hahpü aw, hatü mükhühpü Kahvang.

2 PETER 2:9

shejema, Shembüpai mekei etü Kahvang nyingpüthü dokpü kübü yanglanghen nyingei nyüke, hatü shahphenpü nyih mangngoi thahshi nedaünelangpüthü hanghi kü tuhhen,

ROM SHAHSHA APPÜ 12:19

Ngelei küphüthü, am nyingi bhüh teyem, shejao Kahvang mongshihpü kü shing tuhphongtuh; mehenangkü ha nyangei nyüke, “Bhüh yempeyü ngelei; ngei ha kü shemhen shei Shembüpai enyüke.”

MIKA 5:15

Ngei mongshih anpai ngei epü venlepü jatlithü kü bhüh yemhen.”

JOEL 2:18

Hahepak kü Shembüpai büpalei kahdok kü phahjiei, hatü büpalei nanglakthü kü shinshangei deihteke.

EZEKIEL 39:25

Hanangkü Shembüpa Kahvangi hapakei enyüke: Ngei shaang wüpküp leipü Jakob müei leihen, hatü Israel nanglak peü kü ngei shinshanghen, hatü ngei ngelei daülangpü men kü nyakeikenhen.

EZEKIEL 6:12

Tailuei nyupüthü chami dihen, yopailei nyupüthü yani mahhen, hatü nedi-i yangpüthü shaühile homei dikemhen. Hapakei ngei mongshihpü jom shangkü nyuhen.

JEREMIAH 4:4

Shembüpa touei am shuw japtüktuh, ammei mongdang kübü shuw japtüktuh, Oh Judah nanglak hatü Jerusalemei nyupüthü, hei nevaijema ammi dükpü mang nangkü, ngelei mongshih aw kei vamhen, hatü ha üpaiyao nemetaokhen.”

ISAIAH 51:20

Ammei hapeüthü peü chingyangshongei shoukhinuk kemei kü shaok tailok kü manpükei yüh-eiyangei lemlemleyei nyüke; Jomü Shembüpalei mongshih-i, hatü ammei Kahvang lohpai maei nyüke.

ISAIAH 51:17

Thaeimatuh, thaeimatuh, paotuh, Oh Jerusalem, Am Shembüpalei lak leipü mongshih yungshong yingpüthü; Ammi ha hienei yingteke, hatü tüngtüngmüngi kamnyüke.

JOB SHAHSHA APPÜ 20:23

Büpai hahhüpü kemei moh-ei hahpheikü, Kahvangi büpa khüei nemei-i mongshihhen, hatü vang keipükei büpa kü hanghi shomhen.

LEVI 26:28

ngei mongshih anei am khüei yaonghen, hatü ammei mang shingvaishi shao shing nyet nyeinya hanghi shuohhen.

ROM SHAHSHA APPÜ 13:4

Mehenangkü büpayü am meihen shingvaishi Kahvang chongphobü nyüke. Shejao ammi nejiüpü dükjema, ammi nyemtuh; mehenangkü vanglem lempü ami angsha kü yanlu nenonyih. Nejiüpü dükpü am kü mongshih vamei hanghi shuohhen Kahvangei chongphobü nyüke.

ZEKHARIAH 1:14

Ngei mü shah eteipü vangsho phongshani ephüteke, “Hapa shahjang baongtuh: Jeiyong Shembüpai ha enyüke: Ngei Jerusalem hatü Zion kü longi phahjinyeih.

MIKA 7:18

Nüng keiha lebü Kahvang neshiü, Oh Shembüpa, Nüngi aoei nyupü laophülei nanglakthülei mang tüknyüke; Nüng denden mongshih-ei nenyunyu, shejao düngei ham kü bampü huhen mongongnyüke.

EZEKIEL 38:18

Hapa nyih ha vamkahen: Mechem Gog-i Israel kahdok hahhen, ngelei mongshih vamhen shei Shembüpa Kahvangi enyüke.

EZEKIEL 36:6

Hanangkü Israel kahdok nangkü teteivantuh, hatü kahshang, kahji, shanghishong, shohingathü kü Shembüpai hapakei enyüke shei etuh: Am kü lebü jatthüi yaüeilungpü ponghahpü nangkü ngei mongshih wong kemei enyeih.

EZEKIEL 8:18

Hanangkü ngei mongshih wong kempai jom kü dou dükhen; ngei jom kü yahyangei nevaijü shinshangei neveihen. Jomi ngelei dhaong tüngei heih-ei lenjao ngei jomi epü nebanghen” shei eteke.

EZEKIEL 5:13

Ngei hü mangshem thahshi ngei mongshihpü hatü lohpü nyukahen. Hathü peü vamphei küang, ngei Shembüpai hathü ham kü ephütepih shei nyingei peihen.

YOUNG LAI 4:11

Shembüpai mongshih wong kempai mongshih anei büpai Zion kü aw bahhü, hatü hapalei chongnyiam hahtük.

JEREMIAH 36:7

Üpai nyingpa, Shembüpalei mongshih longpü hapa nanglak khüei shuohhen shei baongpü nangkü jomi Shembüpa touei mang lah-ei jom mang lem kübü mong lepei leikahen aokpeih” shei e.

JEREMIAH 25:15

Shembüpa, Israel Kahvangi ngei kü ha eteke: “Ngelei lak leipü ngei mongshihpü hapa yiüshong yahtuh, hatü ngei nüng üam jatthü touei shom, hathü kü ha yingeishuoh.

JEREMIAH 3:5

nüng düngei mongshihhen je? Nüngei mongshih den kü nyuhen je? shei nenyükangpü je? Ammi hapakei eteke, shejao ammi aokpü thahshi mang lemphü dükteke.”

ISAIAH 66:15

Mehenangkü Shembüpayü aw mü peikahen, hatü büpalei koyei khariyü alüngleple keiha heihkahen; Büpa mongshihpai laophülei mongshih, hatü lohpümangpü awlom keiha peikahen.

SHAHKÜP 7:10

Shejao büpa kü jiühitpüthü kü pheiyei nenyui hanghi shuohhen.

JEREMIAH 28:8

Ji shekü nyupü thibüthüi ongchingthü, kahmük longi khüei vehok vamhen, shanghah hatü chamhilem peihen teteivanei nyuhampeih.

EZEKIEL 38:19

Hapa nyih kü ngei mongshihpai Israel kahdok kü pedi vükpü longpü hük nyukahen;

MÜLANGPÜ 34:7

Denshem haja haja kü bampü lakshing nyupü; Mang hatü pungpü shaipü mang tükpü, shejao nejiüpü am kü hanghi neshuoh-i netuhpü; Büpai hapeüthü hatü jomei hüpeüthü kü chebü chepai thahpü mang shingvaishi denshem jem ali thahshi hanghihünyeih” shei lenei peiteke.

BHEI-IE 25:11

“Eleazarlei cheha Phinehas, Aaron ngongpalei chehüi ngei Israel am kü mongshihpü meihütükteke; Ngei deihpü keiha jomphong touei ngelei men kü dhüm shuohhen shingvaishi büpai nyakpükenpü eeteke, hanangkü ngei mongshihpai shei jom nemahtükpeih.

JEREMIAH 50:15

Shing peü lemei thep nyüktuh! Pinnyü vepathü touei shakei vamhen, jomei shangdü hatü bham dodaihen. Hapayü Shembüpai bhüh yempü vaipü nangkü pinnyü kü bhüh yemtuh; pinnyüi mih kü dükshuohpü keiha pinnyü kao dükeishuoh.