NAHUM 1:15 - DAÜLANGPÜ LAIHING (BSI)

¹⁵ Antolei kahshangthülei chingmeivangmei shahjangmei kotü peiküpü shahjang kobü kü veihümao! Oh Judah nanglakthü, ammei monyü moha motuh, hatü ammi lahtükpü düktuh. Hajük kü nemeipü ami am shak kü neaokhüpih; Jomü chemjalak kü mahdaiteke.

NAHUM 1:15 Referans Kwoze

ISAIAH 52:7

Phongmokbü hüki kahshangthü homei chingmeivangmei baongei, shahjangmei kotü yemleipü baongei Zion am kü, “Ammei Kahvangü Ongpa” shei peipü la meshük nethe meipa!

ROM SHAHSHA APPÜ 10:15

Ha nyangei nyüke: “Hatü jom neshom pheikü mekei etü jomi büpa jung baonghen? “Shahjangmei kopüthülei la mekei nethe meipüang!”

PHONGSHANTHÜ DOU 10:36

Büpai Israel nanglakthü touei Jisu Khrista homei chingmei chongvenei shompü shahjangmei ammi nyingei nyüke– büpayü peüei Shembüpa.

LUK SHAHSHA APPÜ 2:10

Shejao vangsho phongshani jomphong kü, “Amphong tenyem; mehenangkü veituh, ngei am touei nanglak peü shingvaishi mongong longpü shahjang meipü koei peikünyeih:

LUK SHAHSHA APPÜ 2:14

“Shaopüba vangsho leipü Kahvang müknyinshekhangtuh, hatü kahdoknyü kü büpalei phahji nyupü shennyakthü touei chingmei nyutuh.”

JOEL 3:17

Hanangkü ngeiyü Shembüpa, ammei Kahvang, Zion, ngelei daülangpü kahshangei nyunyeih shei ammi nyinghen, hatü Jerusalemü daülangpü shing vaihen, hatü kong ami hajük kü ha ching nehahhen.

ISAIAH 52:1

Paotuh, Paotuh, Oh Zion, Wong kohtuh! Nethe meipü owhiai owtuh, Oh daülangpü chingnyü, Jerusalem. Mehenangkü nejaptükpü hatü nedaünelangpüthüi hajük kü ammei penyüshamongei neshüküpih.

MENVIH KESHO 107:15

Shembüpai bampü shingvaishi, hatü hangku kü büpalei thamapü douthü shing jomi menvih shuohhütuh.

MENVIH KESHO 107:8

Shembüpai bampü shingvaishi, hatü hangku kü büpalei thamapü douthü shing jomi menvih shuohhütuh.

LEVI 23:4

Hathüyü Shembüpai jepü mohitap, hathü mohen itpü hepak kü thaiyei mohen nyüke.

LEVI 23:2

“Israel am kü hapakei eyeishuoh: Hathüyü ngei jepü mohitap nyüke; hapayü Shembüpai jepü mohitap ammi daülangpüthü thaipüyupü shei baonghen nyüke.”

NAHUM 1:14

Shembüpai am nangkü shahkungnyü hük shuohteke, Oh Nineveh am: “Ammei men nyuhen mü ammei hühiha nenyuhen. Ngei ammei kahvangthü khümshemei nyupü lajeithü mangtükhen, hatü yaktükhen. Am nemeipü nangkü ngei am shing mahngchong temnyüpeih.”

ISAIAH 41:27

Zion kü hapa jung shongei epü, hatü Jerusalem kü shahjangmei shuohpeyü ngei hih.

ISAIAH 42:11

Bhih kahdok hatü haleipü jilathüi; hatü Kedar am nyupü chingthüi Kahvang men vihtuh. Sela chingnyülei nyupüthüi mongong kesho loktuh; jomi kahshang shaopülei aongei lentuh.