MÜLANGPÜ 9:29 - DAÜLANGPÜ LAIHING (BSI)

²⁹ Mosai büpa kü, “Ngei hapa chingnyü kübü leidaihinüng, Shembüpa kü ngelei lak haongei phophen, hatü vangmuk khungpü dohdaiphahen, hatü shüyaong hajük kü nevükahen shei e.

MÜLANGPÜ 9:29 Referans Kwoze

1 KORINT 10:26

mehenangkü, “Kahdoknyü hatü halei nyupü lemphü Shembüpalei.”

ISAIAH 1:15

Mechem ammi lak haongei phophenshang ngei am toueipü ngelei dhe jolanghen; Ngei am phoppü kü nebanghen; ammei lak iy mon maei nyüke.

MENVIH KESHO 143:6

Ngei nüng kü ngelei lak haongnyeih; kahvan keiha ngelei laanghai nüng yunglenyeih.

1 ONGPATHÜ 8:38

hatü mechem nüngei Israel nanglakthüi laophülei mongdang kü tüngei deihtü hapa Phopshem philei jomei lak haongshi phophen, nevaijü phehenshang,

1 ONGPATHÜ 8:22

Hahepak kü Solomoni Shembüpalei moidü touei heih-ei Israel nanglakthü touei yaongtü vangsho philei lak haongtü,

SHAHKÜP 10:14

Vangshothü hatü peü mü shaopü vangshothü, kahdoknyü hatü haleipü lemphüli Shembüpa, ammei Kahvangei nyüke.

1 KORINT 10:28

Shejao hanei ami am kü, “Hapayü lajei kü jeetükpeih” shei ephüjema, am kü ha epü shennyakei men kü hatü ammei mongdeih men kü ammi ha tehah.

MENVIH KESHO 135:6

Shembüpai mehe mong, büpai ha kahdok, vangsho, hatü yungching ilangmong peü kü düknyeih.

MENVIH KESHO 50:12

Ngei paoh aeiyei nyujao nüng kü ha ne-ehen, kahdoknyü hatü halei nyupüthü peü ngelei.

JOB SHAHSHA APPÜ 11:13

Nüngi nüngei mongdang jiüshangi büpa kü shuohjema, hatü nüngei lak laülüki büpa philei haongjema,

EZRA 9:5

Mechem om kü moila shuohhen hepak ngoipa, ngei shüaeiyungleyei shaaktükpü ashakviha owtü nyupü kübü pao, hatü Shembüpa, ngelei Kahvang kü lashüh-i shüngei lak haongtü,

MÜLANGPÜ 19:5

Hanangkü shaang, ammi ngelei ven bangei ngei mü vangteishuwteipü dükjema hangkuli peü shak kü amphongü ngelei thushong douvang vaihen. Kahdoknyü kemei ngelei,

MÜLANGPÜ 9:33

Mosai Pharaoh tuhtü chingnyü kübü yanei daiyei, Shembüpa kü büpalei lak haongei phop; hahepak kü vangmuk hatü shüyaong dohdai, hatü hajük kü vang nekei.

MÜLANGPÜ 8:22

Shejao hapa nyih kü nüngi ngeiyü Shembüpa khih shei nyinghen shangmü ngei ngelei nanglakthü nyupü Goshen kahmük hoithüng maanha nevamhü-i hayaoha banei tuhhen.

MÜLANGPÜ 20:11

Mehenangkü nyih vok kü Shembüpai vangsho hatü kahdok, yungching hatü halei nyupü peü lingpeih, shejao nyih nyetpabü kü nyiumeiyei thempeih; hanangkü Shembüpai Sabbath moihimanhüpeih hatü ha daütükpeih.

MÜLANGPÜ 8:6

Hanangkü Aaroni Ijip amei yungthü shangkü büpalei lak haong, hatü louk vamei Ijip kahdok mateke.