MÜLANGPÜ 9:27 - DAÜLANGPÜ LAIHING (BSI)

²⁷ Hahepak kü Pharaoh-i Mosa hi Aaron nyi nyükei, “Shinnyih-ü ngei mang thahteke; Shembüpayü jiüshangpü nyüke, shejao ngei hatü ngelei nanglakthü nejiüpü khih.

MÜLANGPÜ 9:27 Referans Kwoze

YOUNG LAI 1:18

Shembüpayü shahhing, shejao ngei büpai epü khüei yaong; Banghümao, am nanglakthü, ngei ponghahpü kü veihümao; Ngelei thehilathü kemei wüpküpei deilangteke.

MENVIH KESHO 129:4

Shejao Shembüpayü daülangpü; büpai nemeipü amei vü phentükpeih.

2 SHÜPPÜKENGPÜ 12:6

Hahepak kü Israel am lakchongbüthü hatü ongpa jom peü maanpü leitü, “Shembüpai dükpeyü jiüpeih” shei e.

MÜLANGPÜ 10:16

Hahepak kü Pharaoh-i shüshülangi Mosa hatü Aaron nyi kü nyükei, “Ngei Shembüpa, ammei Kahvang hatü anji khüei mang thahteke.

MENVIH KESHO 145:17

Shembüpai büpalei lemthü peü kü shahhing enyeih, hatü büpai dükpü lemphü kü bampü kohshi düknyeih.

ROM SHAHSHA APPÜ 3:19

Shahkungnyüi mehe enya, hayü shahkung phangkü nyupüthü kü enyeih shei jeni nyingnyüke, shejüang peüei ju nentükhen, hatü kahdoknyü kempü Kahvang touei shahphenhen.

ROM SHAHSHA APPÜ 2:5

Shejao mechem Kahvangei shahhing shahphenpü shakei vamhen, vaanpü hatü mong neleppü mongdangi mongshihpü nyih shingvaishi ammi laophü shing mongshih jaoei tuhhahnyüke.

MATHI 27:4

Büpai, “Ngei daülangpü shennyak jühen luhahpai mang thahteke” shei e. Shejao jomphongi, “Hami ha mehe vaihen? Hayü nüng mong khihma” shei e.

DANIEL 9:14

Hanangkü Shembüpai ham kü hanghi shuohteke; mehenangkü Shembüpa Kahvangi dükpü lemphüli jiüpü nyüke; shejao hami büpalei ven nebang.

BHEI-IE 22:34

Balaami vangsho phongshan kü, “Ngei mang thahteke. Ngelei yendai lem banghen nüng lemei yaongshi nyüpeih shei ngei nenyingangpih. Nüngi ngelei yendai nejiüang shei deihjema, ngei nyokei leidaihen” shei e.

1 SAMUEL 26:21

Hahepak kü Sauli, “Ngei pungei dükteke; nyokei leikei, ngelei hapeü David; hajük kü ngei nüng kü meheyao ne-epih; nüngi ngelei yangnyu shinnyih yangei tuhteke; ngei ngapü khih; ngei longi pungteke” shei e.

1 SAMUEL 15:24

Sauli Samuel kü, “Ngei mang thahteke; mehenangkü ngei Shembüpalei shahkung shaiteke hatü nüngei shah nebang; mehenangkü ngei nanglakthü kü nyempai jomei shah bangpeih.

MENVIH KESHO 9:16

Shembüpayü büpalei shahhingi nyingnyüpeih; hatü nemeipüthüyü laophülei laki linghahpü kü mannyüpeih.

1 SAMUEL 15:30

Hahepak kü Sauli, “Ngei mang thahteke, shejao Israel am behethü hatü nanglakthü touei ngei kü dhüm huei ngei Shembüpa nüngei Kahvang kü khümhen chemi leishah” shei e.

MÜLANGPÜ 8:8

Hahepak kü Pharaoh-i Mosa hatü Aaron nyi kü nyükei, “Ngei hatü ngelei nanglakthü toueipü louk yahlangshih shei Shembüpa kü phopeishuoh hatü Shembüpa kü jakpü moila shuohhen ngei nüngei nanglakthü leishihhen” shei eteke.

MÜLANGPÜ 8:25

Hahepak kü Pharaoh-i Mosa hatü Aaron nyi nyükei, “Daituh, hatü hapa kahdokei-üng ammei Kahvang kü jakpü moila shuohtuh” shei eteke.

MÜLANGPÜ 10:17

Shao-üng chem ngelei mang tükshih, hatü Shembüpa, ammei Kahvang kü ngei toueipü hapa dibenüng hanghi yahlangeishuoh shei phopshih” shei eteke.

BHEI-IE 21:7

Nanglakthüi Mosa touei peiyei, “Hami Shembüpa hatü nüng khüei eela shingkü mang thahteke. Shembüpai ham toueipü biü yahlanghen phopeishuoh” shei e. Hanangkü Mosai nanglakthü shingvaishi phop.

JOSHUA 7:20

“Hayü hingmei-üng! Ngei Shembüpa, Israel amei Kahvang khüei mang thahteke. Ngei hapa dükpeih:

2 SAMUEL 12:13

Hahepak kü Davidi Nathan kü, “Ngei Shembüpa khüei mang thahteke” shei e. Nathani jangei, “Shembüpai nüngei mang yahlangteke. Nüng nedipih.