MÜLANGPÜ 9:23 - DAÜLANGPÜ LAIHING (BSI)

²³ Hahepak kü Mosai vangsho philei büpalei lenshuoh noei anteke, hatü Shembüpai vangmuk khungei shüyaong vüshih, hatü kahdok kü klang nyep, hatü Shembüpai Ijip kahdok kü shüyaong vüshihteke,

MÜLANGPÜ 9:23 Referans Kwoze

MENVIH KESHO 18:13

Shembüpai vangshothü leipü vangmuk khungnyüke, hatü Jaipübai büpalei ngeü annyüke.

JOSHUA 10:11

Jomphong Israel am kü nyemei Beth-Horon kübü Azekah thahshi nyaihepak kü Shembüpai jom kü shüyaong longi vüshih, hatü Israel ami jüpü meyü shüyaongi nyeishi shükei jüteke.

EZEKIEL 38:22

Ngei büpa kü cham hatü jüteishangteipai shah phenhen; ngei büpa hatü büpalei veshanthü hatü büpa mü nyupü jatthü kü baishih vangmang, shüyaong, hatü awkaongyaong meli shomhen.

ISAIAH 30:30

Shembüpai büpalei müknyinshekhangpü ngeü peü kü danhühen, hatü büpalei lak mongshihpai awlom mü, phumnyak hatü klang vangteng, hatü shü vüpükei yiükünyüke.

SHAKEI VAMPÜ 8:7

Shongpü vangsho phongshani büpalei amit vüng, hatü shüyaong hatü aw mü iy vuktü vam, hatü hathü yah-ei kahdoknyü kü haishuoh; hatü kahdoknyü phaihan jem kü hük awi hahtük, hatü pü phaihan jem kü hük hahtük hatü phenhavunglak kemei hahtük.

MENVIH KESHO 148:8

klang hatü shüyaong, shü hatü phumthüi, hatü yinglükpalei-i büpalei shah bangnyüke.

MENVIH KESHO 77:18

Vangmuk khungei vampeyü alüngleple kü nyuteke; Klang nyeppai kahdoknyü vangngaihünyeih. Kahdoknyü kheünyeih hatü hannyeih.

MENVIH KESHO 29:3

Shembüpalei ngeü yung shangkü nyüke; Kahvang müknyinshekhangi vangmuk khungnyüke; Shembüpai wong kohpü yung shangkü vangmuk khungnyüke.

SHAKEI VAMPÜ 16:21

Longpü shüyaongthü hük kü-üng dokshuohjü dok pinyipüan mü nyeishi hapa shüyaong vüshihpü cham nangkü Kahvang kü mangthaüvaü thahshi shennyakthü kü vangsho leipü hathü vüshihteke; hapa chamü longi nyemshihanshi nyuteke.

MÜLANGPÜ 20:18

Mechem nanglakthü peüi klang vangteng, amit ngeü danpa, hatü kahshangei awshit vampü eepa, jom nyemei kheüteke, hatü tailuei yaongdaikem,

MÜLANGPÜ 19:16

Nyih jempabü dhom kü baümtapei nyupü nanglakthü peü nyemei kheüshi kahshangei klang vangteng hatü phum thihteke, hatü amit ngeü longpai vüngteke.

SHAKEI VAMPÜ 16:18

Halei klang nyepei, vangmuk khungei hatü ahshi mangshi pedi vükei pei; kahdoknyü kü hangku nyuhinüng chemao hapakei nevam; pedi ahshi mangshi vükteke.

KAHBHAO 19:24

Hapheikü Shembüpai Sodom hatü Gomorrah nyi kü vangsho leipü awkaong meli hatü aw shom,

MÜLANGPÜ 9:18

Ngenyih hapa hepak kü ngei am vamhinüng shaang thahshi chemao mangvüpü shüyaong vihpü vüphahen.

MÜLANGPÜ 9:24

hatü shingmü shingmü klang nyepteke. Ijip kahdok jat hük shei leipheikü hapayü peü mü nemeipü yinglükleisho nyuteke.

JOB SHAHSHA APPÜ 37:13

Büpai hangku hanghihühen shingvaishi, nevaijü kahdok kü yung shuohhen, nevaijü bampü huhen shingvaishi hathü shomnyeih.

MENVIH KESHO 147:17

Büpai nük anpükei shüyaong vühünyeih hapa kaongpü sheüpü kü üpa yaongaokhen?