MÜLANGPÜ 9:14 - DAÜLANGPÜ LAIHING (BSI)

¹⁴ Hei nevaijema hapa kahdoknyü kü ngei kei üpayao neshiü shei nüngi nyinghen shangmü ngei hapa shan keyü nüng hatü lakchongbüthü hatü nüngei nanglakthü kü ngelei hanghi chetshi shomhen.

MÜLANGPÜ 9:14 Referans Kwoze

MÜLANGPÜ 8:10

Pharaoh-i “Ngenyih phopshih” shei e. Hahepak kü Mosai, “Ngei nüngi epükei phopphahen, hatü Shembüpa, hamei Kahvang kei lebü kahvang neshiü shei nüngi nyinghen.

SHAKEI VAMPÜ 22:18

Hapa thihivam lai kübü shah danpüthü peü kü ngei ha shahvüng shuohnyeih: Hanei ami hapa kü üjema, Kahvangi hapa shennyak kü ha lailei eyei nyupü chamthü ühen;

SHAKEI VAMPÜ 18:8

Hanangkü pinnyülei cham nyih cha kü peihen, dipü, theppü hatü shaühile; hatü pinnyü awi hahtükhen, mehenangkü pinnyü kü shahphenpeyü wong kohpü Shembüpa Kahvang.”

MIKA 6:13

Hanangkü ammei mang nangkü ngei am mahtükhen, hatü mahtükhen chongpangtepih.

JEREMIAH 19:8

Ngei hapa chingnyü mangtükhen, hatü mihnyi yangnyai dou leitükhen; hapa shing peih-ei daipüthü peüi ha lomohpü eeyei nyemei deihhen.

JEREMIAH 10:6

Nüng kei üpayao neshiü, Oh Shembüpa, nüngü longpüba, hatü nüngei menü ngan kü wong kohpüba.

ISAIAH 46:9

Peihdaipü douthü deihhümao; Mehenangkü ngeiyü Kahvang, hatü lebü neshiü; Ngeiyü Kahvang, hatü ngei keiha lebü hükao neshiü.

MENVIH KESHO 86:8

Kahvangthü khong kü nüng kei hükao nenyu, Oh Shembüpa, nevaijü nüngei douthü kei lebü meheyao neshiü.

1 SHÜPPÜKENGPÜ 17:20

Nüng keiha üpayao neshiü, Oh Shembüpa, hatü nüng mü lenei lebü Kahvang neshiü; hathü peü hamei dhaongi danei nyüpeih,

1 ONGPATHÜ 8:38

hatü mechem nüngei Israel nanglakthüi laophülei mongdang kü tüngei deihtü hapa Phopshem philei jomei lak haongshi phophen, nevaijü phehenshang,

2 SAMUEL 7:22

Oh Shembüpa Kahvang, nüng meshük longpüang! Nüng kei üpayao neshiü; hatü nüng mü lenei lebü kahvang üpayao neshiü shei hamei dhaongi danei nyüpeih.

1 SAMUEL 4:8

jen lomohhen khih! Hapakei wong kohpü kahvangthülei ngan kübü üpai jen yangphahenang? Jahpanei nyushi Ijip am kü chamhilem lemmü lemmü vamei ponghüpeyü ha kahvangthü hih.

LEVI 26:28

ngei mongshih anei am khüei yaonghen, hatü ammei mang shingvaishi shao shing nyet nyeinya hanghi shuohhen.

LEVI 26:21

Ammi ngei mü ve sheüsheü shei nyujema, hatü ngei epü nebangjema, ngei am kü hanghi shao shing nyet nyeihühen.

LEVI 26:18

Hathü peü dükphei küong, ammi ngei epü nebangjema, ngei ammei mang shingvaishi shao shing nyet nyeinya hanghihühen.

MÜLANGPÜ 9:15

Ngei ngelei lak noei nüng hatü nüngei nanglakthü kü lakhünglangmeyü shaang keiyü am peü kahdoknyü kübü mahdaikemtü nyuhah shepeih.

MÜLANGPÜ 15:11

“Oh Shembüpa, kahvangthü khongkü nüng keipü üpa nyüpa? Daülangshemshepü kü nüng keiha den ngoipü, müknyinshekhang kü nyemshihanshi, yashanyale dükpü üpa nyüpa?

SHAHKÜP 3:24

“Oh Jeiyong Shembüpa, nüngi nüngei chongphobü kü laklu wong longpü huhen chongpangteke. Nüngi dükpükei yashanyale dou dükaokhen mü kahdok hatü vangsho kü lebü kahvang neshiü!

SHAHKÜP 4:35

Shembüpayü Kahvang; büpa kei lebü üpayao neshiü shei am kü nyinghühen shingvaishi Shembüpai am kü hapa hupeih.

ISAIAH 45:5

Ngeiyü Shembüpa, hatü ngei keipü lebü neshiü; ngei mü lenei Kahvang neshiü. Nüngi ngei nenyingjao ngei nüng wong kohhühen;

JEREMIAH 10:7

Üpai nüng kü dhüm neshuohhenang, Oh jatthü kü ongpa? Hapayü nüng kü shuohhen shangpü dhüm. Jatthü kü nahpülangpüthü peü khongkü, hatü ongchingthü peü khongkü nüng kei üpayao neshiü.

DANIEL 5:21

Büpa hangku noknyü khong kübü changtük, hatü büpa kü yemhimakei thentoimongdang shuoh; büpa phaü gaduthü mü nyu, hatü mohoh kei phenha hah, hatü büpalei büm vangsho nyien kü haaishi, Jaipüba Kahvangü hangku ongching kü Jeiyong hatü büpai jepüthü kü hapa ongching shuohnyeih shei nyingei mangpei thahshi hapakei nyuhampeih.

MÜLANGPÜ 8:6

Hanangkü Aaroni Ijip amei yungthü shangkü büpalei lak haong, hatü louk vamei Ijip kahdok mateke.