MÜLANGPÜ 8:26 - DAÜLANGPÜ LAIHING (BSI)

²⁶ Shejao Mosai, “Hammü hapakei dükhenü jiüpü nevaikahen; mehenangkü Shembüpa, hamei Kahvang kü shuohpü jakpü moilayü Ijip am shingvaishi huluh shuohbenüng nyüke. Hami Ijip am touei jomi huluh shuohbenüng jakpü moila shuohjema, jomi ham kü yaongi neshükphahen je?

MÜLANGPÜ 8:26 Referans Kwoze

KAHBHAO 46:34

amphongi, ‘Hamü hashih mebü obü opa am kei yemhimak haümpü am hih’ shei etuh. Shejüang amphong kü Goshen shinpülei nyuhen hanphahen; mehenangkü Ijip am shingvaishi mi yompü amü jiühitbenüng dou hih” shei eteke.

KAHBHAO 43:32

Joseph hayaoha, jomphongao hayaoha, hatü Ijip am büpa mü hahyingpüthü hayaoha shing hükei hahying; mehenangkü Ijip ami Hebrew am mü hahyinghenü Ijip am keyü chaibenüng nyuteke.

ISAIAH 44:19

“Hapa pü hükkeishing ngei aw kü jakpeih; hapalei awtao kü ngei aan lingei nyahhiphai cheüei hahpeih; shaang ngei hapa hükkeishing aopü yah-ei jiühitnalaipü lajei linghen je? Hapa pübhaok hanei aopü kü ngei aümei khümhen je?” shei ehen üpa kao nelenyu, nevaijü üpa kao hapa yaoei ehen nedeihnyu.

EZRA 9:1

Hathü dou peü dükpheikü, mübüthü ngei touei peiyei, “Israel nanglakthü mü ngongpa hatü Levi am omshi jom mü chingyow yowpü Kanan, Hit, Perizz, Jebus, Ammon, Moab, Ijip hatü Amor am hatü jomei jiühitnalai dükhiling kübü hayaoha yanei nenyunyu” shei ephüteke.

2 ONGPATHÜ 23:13

Israel amei ongpa Solomoni Sidon amei jiühitnalaipü Astartes nyüha kahvang, Moab amei jiühitnalaipü Kemosh kahvang, Ammon amei Molekh kahvang, hathü kü khümhen shingvaishi Jerusalem heongphi kü hatü Olive Kahshang pehephi kü vepü moidüthü peü sheihtük.

MÜLANGPÜ 3:18

Nüngi mehe enya ngelei nanglakthüi ha bangkahen; nüng hatü Israel behethü Ijip ongpa touei peiyei büpa kü, “Shembüpa, Hebrew amei Kahvang ham touei shakei vamküteke. Shembüpa, hamei Kahvang kü jahpanei nyih jem lem kü daiyei jakpü moila shuohhen ham kü mongshih” shei eyeishuoh.

MÜLANGPÜ 8:8

Hahepak kü Pharaoh-i Mosa hatü Aaron nyi kü nyükei, “Ngei hatü ngelei nanglakthü toueipü louk yahlangshih shei Shembüpa kü phopeishuoh hatü Shembüpa kü jakpü moila shuohhen ngei nüngei nanglakthü leishihhen” shei eteke.