MÜLANGPÜ 8:20 - DAÜLANGPÜ LAIHING (BSI)

²⁰ Shembüpai Mosa kü, “Dhom mü lomi paotuh hatü Pharaoh yungei yiüküjü pongteiyei büpa kü Shembüpai hapakei enyüke shei etuh: Jomphong ngei kü khümhen shingvaishi ngelei nanglakthü leishihtuh.

MÜLANGPÜ 8:20 Referans Kwoze

MÜLANGPÜ 7:15

Pharaoh nepnüng dhom mü yungei yiüküshingkü büpa touei heihtuh. Büpa mü pongteinüng Nile yungkungei danei nyutuh, hatü biü leiteipü lenshuoh-ao notuh.

MÜLANGPÜ 9:13

Hahepak kü Shembüpai Mosa kü, “Nepnüng dhom mü lomi paoei Pharaoh touei peiyei büpa kü eyeishuoh, ‘Shembüpa, Hebrew amei Kahvangi hapakei enyüke: Ngei kü khümhen shingvaishi ngelei nanglakthü leishihtuh.’

MÜLANGPÜ 8:1

Hahepak kü Shembüpai Mosa kü, “Pharaoh touei peiyei büpa kü, ‘Ngei kü khümhen shingvaishi ngelei nanglakthü leishihtuh shei Shembüpai enyüke’ shei eyeishuoh.

MÜLANGPÜ 3:18

Nüngi mehe enya ngelei nanglakthüi ha bangkahen; nüng hatü Israel behethü Ijip ongpa touei peiyei büpa kü, “Shembüpa, Hebrew amei Kahvang ham touei shakei vamküteke. Shembüpa, hamei Kahvang kü jahpanei nyih jem lem kü daiyei jakpü moila shuohhen ham kü mongshih” shei eyeishuoh.

MÜLANGPÜ 2:5

Hahepak kü Pharaohlei yiükha hangha lakhen yungyenei yiüei nyu, hatü jomei aathü yunghaoei kamteiyei nyu. Pinnyüi hapa mühdow pingu yingei eeyei pinnyülei aa hük deishih-ei ha yah.

MÜLANGPÜ 4:23

“Ngei kü khümhen shingvaishi ngelei hashongpa leishihtuh shei ngei nüng kü etepih. Shejao nüngi büpa neleishihpeih; shaang ngei nüngei hashongpa jütükhen shei Pharaoh kü eyeishuoh.”

MÜLANGPÜ 5:1

Hapheikü Mosa hi Aaron nyi Pharaoh ongpa touei peiyei, “Jahpanei jomi ngei kü mohitap linghen shingvaishi ngelei nanglakthü leishihtuh shei Shembüpa, Israel amei Kahvangi hapakei enyüke” shei e.

MÜLANGPÜ 5:3

“Hebrew amei Kahvang ham touei shakei vamküteke. Shaang ham nyih jem lem kü jahpanei daiyei Shembüpa, hamei Kahvang kü jakpü moila shuohhen deishihtuh, hei nevaijema büpai ham dinlemi nevaijü vehok homei jütükhen khih” shei jijinyi-i eteke.

MÜLANGPÜ 8:21

Nüngi ngelei nanglakthü neleishihjema, ngei nüng, nüngei lakchongbüthü, hatü nüngei nanglakthü, hatü nüngei shemthü, hatü Ijip amei shem kemei kü, hatü jom nyupü kahdok kemei kü hoithüng maanha vamei mahühen.

MENVIH KESHO 78:45

Büpai jom lühtükhen mü maanhathü, hatü jom lomohhühen lukthü shom.

MENVIH KESHO 105:31

Büpai shah e, hatü maanha vam, hatü jomei kahmük kü hoiha mateke.