MÜLANGPÜ 8:15 - DAÜLANGPÜ LAIHING (BSI)

¹⁵ Shejao mechem Pharaoh-i loukthü didaipü eepa, Shembüpai epü keiha büpa shao mong vaanei lei, hatü Mosa hi Aaron nyi-i epü nebang.

MÜLANGPÜ 8:15 Referans Kwoze

ISAIAH 26:10

Nemeipüthü kü phahji hushuohjao jomi jiüpü dükhen nenyingnyu; daülangpüthü nyupü kahdokei dangkao jomi ten düknyüke, hatü Shembüpalei nganhilong kü ne-ienelemnyu.

HEBREW 3:15

Hapakei eyei nyüke: “Shinnyih ammi büpalei ngeü danjema, ammei bühipathüi khüei yaongpükei am mong vaanei tenyu.”

HEBREW 3:8

jahpanei dokpü nyih kü ammi ammei mong vaanei khüei dükpükei tedük.

CHONGVENBÜ 8:11

Mechem hangku sho mahtükpü kü lomi hanghi neshuohhenshang, hangkuthülei mongkü ten dükhen temnyüpeih.

MÜLANGPÜ 7:4

büpai nüngi epü nebangkahen. Hahepak kü Ijip kü lak nohen hatü mangshi shahphenhen hatü ngei ngelei nanglak Israel am khongmü khongmü mülanghen.

MÜLANGPÜ 14:5

Mechem Ijip ongpa kü nanglakthü nyaidaiteke shei eshuohpa, Pharaoh hatü büpalei lakchongbüthüi nanglakthü nangkü jomei mong yeiyateke hatü, “Jenei dou dükteipü jenei aa Israel am nyaidaihen mü jeni mehe dükhahpa?” shei etei.

MÜLANGPÜ 4:21

Shao Shembüpai Mosa kü, “Nüng mechem Ijiplei nyokei leihenshang, ngei nüng kü Pharaoh touei dükhen shuohpü yashanpü dou peü düktuh; shejao büpai nanglakthü neleishihhen shingvaishi ngei büpalei mong vaanhühen” shei e.

SHAKEI VAMPÜ 16:9

Jomphongü ahshi-üng nyahshi shaamhü, shejao hathü cham kü wong nyupü Kahvangei men thaüvaü, hatü jomi mong lepei büpa kü müknyinshekhang neshuoh.

HOSEA 6:4

Shejao Shembüpai enyüke, Oh Ephraim hatü Judah, ngei am kü mehe dükhen? Ammi bampeyü dhom hepak kü nyaü hatü nyien kei lomi mahdainyüke.

KANDOK 29:1

Longi lohhah pheikü üpai mong vaanei nyuhenshang, yanglem neshiüi topshi mahhen.

MÜLANGPÜ 8:8

Hahepak kü Pharaoh-i Mosa hatü Aaron nyi kü nyükei, “Ngei hatü ngelei nanglakthü toueipü louk yahlangshih shei Shembüpa kü phopeishuoh hatü Shembüpa kü jakpü moila shuohhen ngei nüngei nanglakthü leishihhen” shei eteke.

MÜLANGPÜ 8:14

Ijip ami loukmahng thaiyei shüngteke hatü kahdok peü kü shie büteke.

MÜLANGPÜ 8:16

Hahepak kü Shembüpai Mosa kü, “Aaron kü nüngei lenshuoh noei antü bhihla kü bheituh, hatü Ijip kahdok kempü kü bhihla-i tet leikahen shei eyeishuoh” shei eteke.

MÜLANGPÜ 8:28

Hanangkü Pharaoh-i, “Jahpanei Shembüpa, ammei Kahvang kü jakpü moila shuohhen ngei am leishihhen, shejao am longi taishi nedaihen vongbong. Shaang ngei shingvaishi phopshih” shei e.

MÜLANGPÜ 8:29

Hahepak kü Mosai, “Ngei leihinüng Shembüpa kü phopshuohhen hatü ngenyih nüng, nüngei lakchongbüthü hatü nanglakthü toueipü hoithüng maanha lüdaikemphahen; shejao Shembüpa kü jakpü moila shuohhen neleishih-i shao ham kü lueilemei tedükma” shei eteke.

MÜLANGPÜ 8:32

Shejao hahepak kao Pharaoh mong vaanei lei, hatü nanglakthü neleishih.

1 SAMUEL 6:6

Mehekei ammi Ijip am hatü Pharaoh-i kei mong vaannya? Büpai jom ngapa kei leihütükpheikü jomi Israel am yanei neleishih-angpü je?

KANDOK 26:11

Shi hüki laophüi bhaipü hahnüng leipükei, ngapa hüki laophülei ngadou leiyei leiyei düknyüpeih.

1 SAMUEL 6:3

Jomi, “Ammi Israel Kahvangei Vangpüshuwpü Pela shomei leishihjema, hapa mon kongmü teleishih, shejao mehe vaihenshang vaijao büpa kü pungpü moila-ao shomtuh. Shejüang am meihen, hatü mehekei büpalei lak am toueipü neyahlangpa, ha ammi nyinghen” shei e.

1 SAMUEL 6:9

shejao ammi ha kü veishi nyutuh. Hapa laophü nyingi laophülei kahdok yemei Beth-Shemesh lemei leidaiphüjema, jen kü shanghah shuohpeyü Israel Kahvang khih shei nyinghen; shejao hapakei nevaijema, jen kü shanghah shuohpeyü büpa nevai, shejao hapayü jen kü hei-üng ngangahük kü peipü shanghah shei nyinghen” shei e.

1 SAMUEL 6:12

Hahepak kü mohoh nyiyü kangshangi Beth-Shemesh lemei lemnyüshong phungei vaüyaki lei; jiji laknyong nevaijü lakdah lemei neleplük, hatü Philistia am vanglem lembüthü Beth-Shemesh viongbaong thahshi müei heihteke.