MÜLANGPÜ 8:14 - DAÜLANGPÜ LAIHING (BSI)

¹⁴ Ijip ami loukmahng thaiyei shüngteke hatü kahdok peü kü shie büteke.

MÜLANGPÜ 8:14 Referans Kwoze

JOEL 2:20

Ngei am toueipü apsha kübü vepa taishi changtükphahen; Jom hanei bhih kahdokei changtükhen. Shelei shaongpüthü Dipü Yungchingei, hatü ngaümpheilei müpüthü peü Mediterranean Yungchingei hüngtükhen. Jomei büm peü shehen hatü shie büei aonghen. Hingmei büpai dou longpü dükteke.

EZEKIEL 39:11

Hapa nyih Israel kahdokei Dipü Yungching heong philemei Yendaiouham Kahji touei ngei Gog vühen mahngchong hük shuohhen. Gog hatü büpalei veshanthülei mahng vüpü nangkü yendaiouham lem küpdaihen, hatü hapa kahji kü, “Gog-ei Veshanthülei Kahji” shei nyükhen.

ISAIAH 34:2

Mehenangkü Shembüpai jatthü peü kü mongshih-ei nyüke; büpalei mongpuk jomei veshanthü mü nyüke. Büpai jom peü mahtükhen, büpai jom jühen lanei shuohtükhen.

MÜLANGPÜ 8:24

Shembüpai epükei dük, hatü hoithüng maanha longi Pharaohlei ongshemei, büpalei lakchongbüthülei shemei nyuteke, hatü hoithüng maanha-i Ijip kahdok kemei lomohhüteke.

MÜLANGPÜ 7:21

Nile yungyen kübü nyah kemei di, hatü Ijip ami neyingaoki yung kü shie büteke. Ijip kahdok peü iy mon maei nyu.

MÜLANGPÜ 8:13

hatü Shembüpai Mosai phoppükei dükteke, hatü shemong, chingshe hatü kahnga kü nyupü loukthü peü didaikem.

MÜLANGPÜ 8:15

Shejao mechem Pharaoh-i loukthü didaipü eepa, Shembüpai epü keiha büpa shao mong vaanei lei, hatü Mosa hi Aaron nyi-i epü nebang.

MÜLANGPÜ 9:11

Nganbüthü Mosa touei nepeiaok; mehenangkü nganbüthü hatü Ijip am peü kü hihüma vamteke.

1 ONGPATHÜ 18:26

Hanangkü jom shuohpü mohohbaong yah-ei hapakei ling, hatü jomphongi Baal kahvangei men kü dhom kübü om dhüshi, “Oh Baal kahvang, hami phoppü kü jangshih!” shei phop. Shejao meheyao jangpü neshiü; üpaiyao nejangshuoh. Jomi linghahpü moidü shinei phauktei.

1 ONGPATHÜ 18:29

Hamhah hepak peihdaijao jomi nedoh-i om kü moila shuohpü hepak thahshi teteivanei, leneiwongei phop, shejao jangpü nepei; ngeü hükao nedan.

ISAIAH 19:11

Zoan am mübüthüyü ngapathü mon, Pharaoh kü shahnying eteipüthü kemei ngashah mon enyüke. Mekei etü ammi Pharaoh kü, “Ngeiyü nyingpühingpü hük, longli ongli shei eaokhen?”