MÜLANGPÜ 7:17 - DAÜLANGPÜ LAIHING (BSI)

¹⁷ Veituh, ngelei lak leipü lenshuoh-i Nile yung kü bheihen, hatü hapayü iy leidaihen. Hapai “Ngeiyü, Shembüpa” shei nüngi nyinghen shei Shembüpai enyüke.

MÜLANGPÜ 7:17 Referans Kwoze

MÜLANGPÜ 4:9

Jomi hapa yashanpü dou lemnyi kao hingnelemjema nevaijü nüngi epü kü nebangjema, nüngi Nile yungyen leipü yung maani yah-ei kahdok van kü haiyeishuoh; hatü nüngi yahpü yungi kahvan shangkü iy leikahen” shei e.

MÜLANGPÜ 7:5

Hatü mechem ngei Ijip am khüei ngelei lak noei Israel am mülanghen, hahepak kü Ijip ami ngeiyü Shembüpa shei nyinghen” shei eteke.

MÜLANGPÜ 5:2

“Ngei büpalei ven bangei Israel am leishihhenü üpa Shembüpa ang? Shembüpa, üpa shangkü ngei nenying hatü ngei Israel am neleishihpih” shei Pharaoh-i e.

EZEKIEL 39:28

Shejüang jomi ngeiyü Shembüpa, jomei Kahvang shei nyinghen; mehenangkü ngei jom wüpküpei deishih, hatü hükao ne-aophongi jomei kahdokei müei leipeih shei nyinghen.

EZEKIEL 38:23

Hapa keiha ngelei wong hi ngan, daülangshemshepü huhen, hatü jatthü longi tou kü ngei nyinghühen. Shejüang jomi ngeiyü Shembüpa khih shei nyinghen.

MENVIH KESHO 9:16

Shembüpayü büpalei shahhingi nyingnyüpeih; hatü nemeipüthüyü laophülei laki linghahpü kü mannyüpeih.

SHAKEI VAMPÜ 11:6

Jomi tetpüvanpü nyihthü kü vang nekeihen mü phumshang küptükhen wong nyüke, hatü jomi yungthü iy leitükhen, hatü jomi napükei kahdoknyü kü cham peihühen wong nyüke.

SHAKEI VAMPÜ 8:8

Nyipabü vangsho phongshani büpalei amit vüng, hatü kahshang longpü hük leshi aw bahtü yungchingei shük.

DANIEL 5:23

Ha nang jeiyei, nüngi laophü nyingi vangsho Kahvang khüei yaongnyüke. Nüngi büpalei Phopshem leipü yungshongthü yah-ei nüng hatü nüngei chinglong chingvangthü, nüngei nyühathü hatü nüngei yiükphüthüi hathü kü yiü yingteke. Nüngi hon hatü ngin, melangnyiam, nyiam, pü hatü yaongi lingpü mük ne-eepü, nevaijü nedanpü nevaijü nenyingaokpü kahvangthü men longteke. Shejao Kahvang, üpalei laki nüngei yangnyu hatü nüngei lemthü shümshi nyüpa, büpa kü nüngi dhüm neshuoh.

DANIEL 5:21

Büpa hangku noknyü khong kübü changtük, hatü büpa kü yemhimakei thentoimongdang shuoh; büpa phaü gaduthü mü nyu, hatü mohoh kei phenha hah, hatü büpalei büm vangsho nyien kü haaishi, Jaipüba Kahvangü hangku ongching kü Jeiyong hatü büpai jepüthü kü hapa ongching shuohnyeih shei nyingei mangpei thahshi hapakei nyuhampeih.

DANIEL 4:37

Hanangkü shaang, ngei, Nebukadnezzari vangsho ongpa kü men long, vihpülüpü hatü dhüm shuohnyüpeih; mehenangkü büpai dükpü lemphüli jiüshangi hatü büpalei lem shahhing nyüke, hatü büpai changmeipüthü maanpü leitüknyüke.

DANIEL 4:32

Nüngü hangku noknyü khong kübü changtükhen hatü phaüyemthü mü nyuhen; nüngü mohoh kei phenha hahhen. Nüngi Jaipüba Kahvangü kahdoknyü hangku ongching kü Jeiyongpa, hatü büpai jepüthü kü hapa shuohnyeih shei nüngi nyingei mangpei thahshi bong nyet nüng hapakei nyuhen.”

DANIEL 4:17

Hapa baong hanpeyü phongshanthü, hatü hapa shahphenü Daülangpü Hüki shuohpeih. Shejüang hangku yem nyunyui Jaipüba Kahvangü hangku ongching peü kü Jeiyong; Büpai büpa jepüthü kü shuohnyeih, hatü peü mü maanpü hangkuthü kü shuohnyüpeih shei nyinghen.”

EZEKIEL 32:15

Mechem ngei Ijip am lavüngtoiyei tuhphonghen, hatü hapa kahdok leipü lemphü thitei yaktükhen; mechem ngei halei nyupüthü peü mahtükhen, shejüang jomi ngeiyü Shembüpa khih shei nyinghen.

EZEKIEL 30:19

Hapa keiha ngei Ijip am kü hanghi shuohhen. Shejüang jomi ngeiyü Shembüpa khih shei nyinghen.”

EZEKIEL 30:8

Mechem ngei Ijip kü awi haphen, hatü pinnyü kü khüambakpüthü mangtükhen, shejüang jomi ngeiyü Shembüpa shei nyinghen.”

EZEKIEL 29:9

hatü Ijip kahdokü lavüngtoiyei yakphonghen. Shejüang jomi ngeiyü Shembüpa shei nyinghen. Mehenangkü nüngi, “Nile yungyenü ngelei, ngei ha linghahpeih” shei eteke;

MENVIH KESHO 105:29

Büpai jomei yung iy leitük, hatü nyahthü ditükkem.

MENVIH KESHO 83:18

Shembüpalei men monha kahdoknyü kü peü mü Jaipüba shei jomi nyinghütuh.

MENVIH KESHO 78:44

Jomi yung neyingaokhen mü jomei yungyenthü iy leihütük.

2 ONGPATHÜ 19:19

Hanangkü shaang, Oh Shembüpa, hamei Kahvang, kahdoknyü ongchingthü peüi Oh Shembüpa, nüng monha Kahvang shei nyinghen shingvaishi nüngi ham büpalei lak kübü yangshih shei phopnyüpeih” shei phopei e.

1 ONGPATHÜ 20:28

Israel ongpa Ahab touei thibü hük peiyei, “Aram ami ngeiyü kahjilei Kahvang nevai, shejao shangchingthülei kahvangthü khih shei epü nangkü ngei hapa veshan khongnyü longpü nüngei lak kü shuohhen, hatü ngeiyü Shembüpa shei nüngi nyinghen” shei e.

MÜLANGPÜ 6:7

Ngei amü ngelei nanglak leihühen, hatü ngeiyü ammei Kahvang vaihen. Mechem ngei am Ijip amei aa vaipü laphen kübü bümei leihühen, ammi ngeiyü Shembüpa, ammei Kahvang shei nyinghen.

MÜLANGPÜ 1:22

Hahepak kü Pharaoh-i büpalei nanglak peü kü, “Hebrew shemongsha kü bühpü bahanaü kemei Nile yung kü shüktüktuh, shejao ammi nyühanaü peü yangei tuhtuh” shei ngeükhüam shuoh.

MÜLANGPÜ 7:20

Mosa hatü Aaron nyi-i Shembüpai epükei dük. Pharaoh hatü büpalei lakchongbüthüi veishi Aaroni büpalei lenshuoh noei antü Nile yung kü bheiteke, hatü yung kemei iy leidai.

MÜLANGPÜ 10:2

hatü mekei ngei Ijip am kü nemei-i nopa, hatü jom kü ngei mehe yashanyale douthü dükpa, ha ammi ammei hühihathü kü ejahen, shejüang ammi ngeiyü Shembüpa shei nyinghen shingvaishi ngei büpa hatü büpalei lakchongbüthülei mong vaanhüpeih” shei eteke.

EZEKIEL 25:17

Ngei jom kü longpü bhüh yemhen, hatü ngei mongshihpai jom kü hanghi shuohhen. Mechem ngei jom kü bhüh yemhenshang, jomi ngeiyü Shembüpa khih shei nyinghen.”

EZEKIEL 32:6

Ammei iy yenpai yungyen leiyei kahshangthü thahshi shanshihhen, hatü ammei iy-i shohathü mahühen.