MÜLANGPÜ 7:11 - DAÜLANGPÜ LAIHING (BSI)

¹¹ Pharaoh-i Ijip am nganbüthü hatü phongyompüthü nyükei jomphongiyao aihük mü dük.

MÜLANGPÜ 7:11 Referans Kwoze

MÜLANGPÜ 7:22

Shejao Ijip amei nganbüthüi aihük mü dükaokteke; hanangkü Pharaohlei mong vaanteke, hatü Shembüpai epükei büpai Mosa hi Aaron nyi-i epü kü nebang.

2 TIMOTI 3:8

Jannes hi Jambres nyi-i Mosa khüei yaongpükei sholi mongdang tendaipü hatü shahshemi vainyeih shei epüthüi shahhing khüei yaongnyüke.

MÜLANGPÜ 8:18

Nganbüthüi jomei ngani tet vamhününg khe, shejao jomi neaok. Shennyak hatü yemhimakthü kü büm lüpei tet vam.

MÜLANGPÜ 8:7

Shejao nganbüthüiyao aihük mü dükaok, hatü Ijip kahdok kü louk vamteke.

2 THESALONIKA 2:9

Shahkung benpü hükü Satanei ngan notü lemphüli shahshemi yashanyale, nyangeihepü hatü thamapü douthü dükkahen,

DANIEL 2:2

Hanangkü büpai thibüthü, lashüh dokpüthü, phongyompüthü, hatü lithilen kü veiyei tetpüthü kü büpai mehe mangh manghpa, ha eshih shei nyükteke. Mechem jomphong peiyei ongpa touei yaongpa,

KAHBHAO 41:8

Nepnüng paoei büpa longi mongshang, hanangkü büpai Ijip kahdok kübü tetpüvanpü hatü nahpülangpüthü peü nyükhen shom. Pharaoh-i jomphong kü mangh ejajao üpaiyao hapa mangh tetei büpa kü ne-eaok.

EPHESIA 4:14

Jen hajük kü hashih keiha shennyakthüi mih lueilemhen küpjan ten tempü kon kü yungmok kü phongteipükei nenyuhen hatü nyuhpüvenpü aplük pelük kü nepipohen khih.

DANIEL 5:7

Ongpai thibüthü, lashüh tetpüthü, lithilen tetpüthü hatü phongyompüthü müei deikei shei len. Mechem jomphong peijapa, ongpai jomphong kü, “Üpai ha nyangpü ieyei aokhen hatü hapa lappü ngei kü tetei ephahenshang, büpa kü ongow owhühen, hatü büpalei üng kü honyük üngkam baongei yükhühen hatü büpa ngelei ongching kü jempabü uoshing kü uohühen” shei eteke.

GALATIA 3:1

Am Galatia am ngapathü! Üpai am nganlangpa? Jisu Khrista shophang kü appü ammei müki lekei eeshi huteke.

MATHI 24:24

Mehenangkü shahshem khristathü hatü shahshem thibüthü vamkahen hatü nyangeihepü hatü yashanyale douthü dükei longshi shing lemnyongei mülanghen; aokjema jelangpüthüao lemnyongei mülanghen.

DANIEL 5:11

Nüngei ongching kü daülangpü kahvangthülei laangha kohpü shennyak hük nyüpeih. Ampa hepak kao kahvangthülei kihikon keiha büpa kü yao-aokpü, danaokpü hatü kihikon kohshi nyuhampeih. Nüngei pa Nebukadnezzar ongpai büpalei thibüthü, lashüh tetpüthü, lithilen veiyei tetpüthü, hatü phongyompüthü shak kü longpü vaishi büpa tuhhampeih.

DANIEL 2:27

Üpa nahpülangpü shennyakiyao, lashüh tetpü amiyao, thibüthü nevaijü phongyompüthüiyao ongpai phepü shahjo nih-ei ne-ephaaokpeih,

SHAKEI VAMPÜ 19:20

Shejao hapa yemha hatü hapalei shahshem thibü üpai nyangeihepü dou dükpü homei yemhalei füoshang shüngpüthü hatü hapalei lajei kü khümpüthü luhahpa, yeplangteke. Henyiphen awkaong meli kü bahpü aw shemyungei yemmü yepei shüktükteke.

2 TIMOTI 3:9

Shejao jom ahshi daei nedaiküpih; mehenangkü hapa shennyak nyi keiha jomei ngadou peüi nyingdaikemhen.

MÜLANGPÜ 7:12

Jom peüi laophülei lenshuoh shük, hatü biü lei, shejao Aaronei lenshuoh-i leipü biüi jomei lenshuoh-i leipü biü peü lühtük.

1 SAMUEL 6:2

Hahepak kü Philistia ami ngongpathü hatü phongyombüthü nyükei, “Shembüpalei Vangpüshuwpü Pelayü mekei vaihenang? Mekei hami hapa shingei mehe mü nyokei leishihhen eshih” shei e.

DANIEL 4:6

Hanangkü ngei Babylon am tetpüvanpü shennyakthü peü ngei touei peiyei ngei kü mangh lappü tetei nyem-epha shei ngeükhüam shuohteke.

MÜLANGPÜ 8:3

Nile yungyen louki mahühen, hatü hathüi nüngei ongshem, dungnuk, shinshing, nüngei lakchongbüthülei shemei hatü nanglakthü touei hatü ammei nükdük haodük peü kü shükahen.