MÜLANGPÜ 6:8 - DAÜLANGPÜ LAIHING (BSI)

⁸ Ngei Abraham, Isak, hatü Jakob kü shuohhen shei lahpü kahdokei am müei leihen, hatü denden shing am lompü vaihen ngei am kü shuohhen. Ngeiyü Shembüpa” shei etuh.

MÜLANGPÜ 6:8 Referans Kwoze

KAHBHAO 26:3

Hapa kahdokei kanja nyutuh, hatü ngei nüng mü nyuhen hatü moihimanphahen. Nüng hatü nüngei hühihathü shing hapa kahdok kemei shuohhen, hatü ngei ampa Abraham kü lahpü ha jiühühen.

KAHBHAO 15:18

Ha nyih Shembüpai Abraham mü vangpüshuwpü hük ling, hatü büpa kü, “Nüngei hühihathü kü hapa kahdok Ijip yungyen kübü Euphrates yung thahshi,

EZEKIEL 20:42

Mechem ngei ambü ampa kü shuohhen shei epü Israel kahdokei müei leihenshang, amphongi ngeiyü Shembüpa shei nyinghen.

KAHBHAO 14:22

Shejao Abrami, “Shembüpa Jaipüba Kahvang, kahdok vangsho Lingbü kü ngei lahtüktih.

EZEKIEL 47:14

Ammi ha hükkei hanhen; ngei hayü ambü ampa kü shuohhen shei lahpeih, hatü hapa kahdokü am shing mükjüp nyuhen.

SHAHKÜP 32:40

Hingmei, ngeiyü yangnyuyem Kahvang, ngei vangsho lemei ngelei lak haongei lahhen.

MÜLANGPÜ 32:13

Nüng chongphopü Abraham, Isak hatü Jakob hathü kü mekei nüngi lah-ei, ‘Ngei ammei hühihathü vangsho lithilen kei dahühen, hatü ngei lahpü kahdok peü ammei hühihathü kü shuohhen hatü jomi denden kü hapa jomei mükjüp vaihen shei epü deih-ei dangtuh’ ” shei eteke.

KAHBHAO 35:12

Ngei Abraham hatü Isak kü shuohpü kahdok ngei nüng kü shuohhen hatü nüng pheikü nüngei hühihathü kü shuohhen” shei e.

KAHBHAO 28:13

Hatoumü Shembüpai büpa touei yaongtü, “Ngeiyü Shembüpa, ambü Abrahamei Kahvang, hatü Isak Kahvang; nüng lempü kahdokü ngei nüng hatü nüngei lihilathü kü shuohhen;

EZEKIEL 36:7

Hanangkü Shembüpa Kahvangi hapakei enyüke: Am shinei nyupü jatthü peü jomao yaüeilunghahpü ponghen.

EZEKIEL 20:28

Ngei jom kü shuohhen shei lahpü kahdokei mechem ngei jom müei leipa, jomi melemei shangtao hatü phenlak ngetpü püthü eepa, hatouei jomi jakpü moila shuohhampeih; halei jomi vong meipü ngü bühüei, yiü moila shuohhampeih.

EZEKIEL 20:23

Nyeinya vaishi ngei jom kü jahpanei nyushi ngei jomü jatthü touei, hatü kahmük laolao kü haitükhen shei lah-ei epeih;

EZEKIEL 20:15

Anyei vaishi amma hatü nyahjiü mon yenpü kahdok, kahdokthü peü mü müknyinshekhangpü kahdokei ngei jom müei nedaipih shei jahpanei nyushi ngei jom kü lahpeih,

1 SAMUEL 15:29

Büpa üpa Israel amei Müknyinshekhang, büpai shahshem ne-enyih, nevaijü büpai mong nejeinyih; mehenangkü büpa mong leihen mü büpayü shennyak nevaipih” shei e.

BHEI-IE 23:19

Büpai shahshem ehen mü, Kahvangü shennyak nevai, nevaijü büpa mong yeiyahen mü shennyak ha nevai. Büpai etüktü ha nedüknyu je? Büpai lahtüktü ha nejiühünyu je?

MÜLANGPÜ 6:6

Hanangkü Israel am kü, “Ngeiyü Shembüpa, hatü ngei am yanghen hatü Ijip amei aa vaipü laphen kübü bümei leihühen. Ngei jom kü shahphenpü yah-ei peihen nangkü ngelei nyempühanpü lak nohen hatü ngei am angei leihen.

MÜLANGPÜ 6:2

Kahvangi Mosa kü nyüktü, “Ngeiyü Shembüpa” shei e.

SHAKEI VAMPÜ 10:6

den den kü nyupüba üpai vangsho hatü halei nyupü, kahdok hatü halei nyupü hatü yungching hatü halei nyupü ling, büpalei men kü vangteke: “Pheiyei nenyupih,

MÜLANGPÜ 13:5

Mechem Shembüpai am Kanan, Hit, Amor, Hiv, hatü Jebus amei kahdok, amma hatü nyahjiü yenpü kahdok, mepa ammei bühipa kü shuohhen shei büpai lahpa, hapa kahdokei leishingkü ammi hapa shongpü len kü ha mo motuh.

BHEI-IE 14:30

üpayao Jephunnehlei cheha Kaleb hatü Nunei cheha Joshua nyi mü lenei ngei am kü chingyah kahshenei bükhishem lingei anghen shei lahpü kahdokei neshüaokhen.

JOSHUA 24:13

Ammi mechemao lem-ow netükpü kahdok hatü nyüei nelingpü chingnyüthü ngei am kü shuohpeih, hatü shaang amphong halei nyunyüke; ammi nesheipü kü haleipü nyalingngupai hatü olive betjük ammi hahnyüke.

NEHEMIAH 9:15

Jom aeipü kü nüngi vangsho leipü hahying shuoh, hatü jom yung lepü kü yaong leipü yung shuoh, hatü nüngi jom kü shuohhen shei lahpü kahdok yahnüng daihen eteke.

MÜLANGPÜ 6:4

Ngei jom mü Kanan kahdok melei jom benha kei nyupa, hapa kahdok shuohhen shingvaishi vangpüshuwpü lingpeih.

BHEI-IE 10:29

Mosai Midian am cheko Jethrolei cheha Hobab kü, “Shembüpai ham kü shuohhen shei lahpü shingei layaongei lüdainyüpeih. Shembüpai Israel am dahüshehühen shei lahpeih; hanangkü ham mü daishah hatü hami nüng kü lemphüli hanphahen” shei e.

BHEI-IE 11:12

Ngei jom neling, nevaijü nebüh. Mehekei nüngi ngei kü kainaipü nyüi aküngnaüha lakei paümtü daipükei nüngi chebü chepa am kü lahpü kahdokei ngei jomphong poh-ei daihenang?

SHAHKÜP 4:31

Mehenangkü Shembüpa, ammei Kahvangü phahjipü Kahvang nyüke; büpai am netuhphonghen nevaijü nemahtükhen, hatü büpai ammei bühipa mü vangtükpü nebetükhen.