MÜLANGPÜ 6:1 - DAÜLANGPÜ LAIHING (BSI)

¹ Hahepak kü Shembüpai Mosa kü, “Shaang ngei Pharaoh kü mehe dükshuohhen ha nüngi eehen. Ngei ngelei laklu wong longpai jom leishihtükhen; hingmei-üng ngei ngelei laklu wong longpai jom büpalei kahmük kübü deishihtükhen” shei e.

MÜLANGPÜ 6:1 Referans Kwoze

MÜLANGPÜ 12:33

Ijip ami nanglakthü kü kahdok kübü lomi layaongdaishih shei nyeanteke; jomi, “Am neleidaijema ham peü dishasha khih” shei e.

MENVIH KESHO 136:12

büpalei laklu wong longpai, büpa bampü den kü nyunyeih;

MÜLANGPÜ 12:39

Jomi Ijip leipü koei daipü aanthüngi daw neshihpü aan oukteke; mehenangkü jomü Ijip leipü ngangahük kü changei deitükpü nangkü bhaonghow yunglakhen nevaijü daw shihpü aan oukhen hepak nedang.

MÜLANGPÜ 12:31

Nyak kü Pharaoh-i Mosa hi Aaron nyi kü nyükei, “Anjiphen hatü Israel am kemei ngelei nanglakthü toueipü layaongei leidaishih! Anjinyi-i epükei leiyei Shembüpa kü khümtuh.

SHAHKÜP 32:39

Ngei monha Kahvang, ngei mü lenei lebü kahvangthü neshiü. Ngei jütüknyüpeih, hatü ngei yangei leinyeih. Ngei ma shahünyeih, hatü ngei ha meitüknyeih, hatü ngelei lakmong leipü üpaiyao neyangaokpih.

MÜLANGPÜ 11:1

Shaang Shembüpai Mosa kü, “Ngei shao cham hük mon Pharaoh hatü Ijip am kü shomhen hih; mechem büpai am leishihhenshang, büpai am kü changphahen.

ISAIAH 63:12

Mosalei lakdah philei laophülei müknyinshekhang laki ngan shompü, hatü nedohnetenpü menmei danghen nangkü jom toueiyungching hantükpü,

MENVIH KESHO 89:13

Nüngei lak wong kohshi nyüke, nüng meshük wong kohpüang? Nüngei lakdah shangei annyüke.

MENVIH KESHO 12:5

“Taopathü kü shüveipü nangkü, hatü nehahneyingpüthü theppüyoungpü nangkü ngei shaang peikahen; Jomi ongyangpü yanghen shing kü ngei jomi shingnüngei tuhphonghen” shei Shembüpai enyüke.

2 SHÜPPÜKENGPÜ 20:17

Ammi hapa vehok hokhen nevai. Ami show lingtuh, hatü Shembüpai am kü aokpü shuohpü kü yaongshi veituh, Oh Judah hatü Jerusalem. Am tenyem nevaijü mongtemaan. Ngenyih am thepjulei heihtuh, hatü Shembüpa am mü nyukahen.’ ”

2 ONGPATHÜ 7:19

hapa lakchongbüi Kahvang shennyak kü, “Shembüpai vangsho shaden aptü khüpeilangei hahying shomlangmao ha nevamküpih” shei jangei epeih. Kahvang shennyaki jangei, “Nüngi hapa vampü laophülei müki eehen, shejao nüngi hapa nehah-aokpih” shei e.

2 ONGPATHÜ 7:2

Hahepak kü ongpai mongnyangpü lakchongbü hüki Kahvang shennyak kü, “Shembüpai vangsho shaden aptü khüpeilangei hahying shomlangmao ha nevamküpih” shei e. Elisha-i, “Nüngi hapa vampü laophülei müki eehen hih, shejao nüngi hapa nehah-aokpih” shei e.

SHAHKÜP 4:34

Shembüpa, ammei Kahvangi ammei müki eeshi Ijiplei am kü dükpü douthü kei dokei, yashanyalepü hatü thamapü douthü huei, cham peihüei, hokei, büpalei laklu wong longpai longpü hatü nyempühanpü dou dükphongtü laophü shingvaishi jat hük leipü jat hük yangei mülangpükei lebü üpa kahvangiyao hapakei dükla?

BHEI-IE 23:23

Jakob khüei mehe phongyomhen; Israel am khüei meheyao tetpüvanpü nenoaokpih.” Shaang Israel am nangkü, “Kahvangi mehe dükpa veituh!” shei eteihen.

MÜLANGPÜ 14:13

Mosai nanglakthü kü, “Am tenyemkei, wong kohshi yaongtuh, hatü shinnyih Shembüpai am yanghen mehe dükkahen veishi nyutuh; mehenangkü ammi shinnyih eepü Ijip am sheyü ne-eepih.

MÜLANGPÜ 13:3

Mosai nanglakthü kü, “Am Ijip leipü aa vaipü kahdok leipü vamei daipü nyih, shinnyih deih-ei dangtuh; mehenangkü Shembüpai büpalei wonghingani am müei ngailangteke. Daw shihpü aan tehah.

PHONGSHANTHÜ DOU 13:17

Israel nanglakthülei Kahvangi jenei bühipa je, hatü Ijiplei nyushingkü nanglak dahüpeih. Wong longpai büpai hapa kahmük leipü müei lüdaipeih.

MÜLANGPÜ 7:4

büpai nüngi epü nebangkahen. Hahepak kü Ijip kü lak nohen hatü mangshi shahphenhen hatü ngei ngelei nanglak Israel am khongmü khongmü mülanghen.

MÜLANGPÜ 7:5

Hatü mechem ngei Ijip am khüei ngelei lak noei Israel am mülanghen, hahepak kü Ijip ami ngeiyü Shembüpa shei nyinghen” shei eteke.

MÜLANGPÜ 15:6

Nüngei lakdah kü, Oh Shembüpa, müknyinshekhang wong nyüke; Nüngei lakdah-i, Oh Shembüpa, vepathü nihtüknyüke.

MÜLANGPÜ 13:9

Hapa mo homei am shingvaishi lak kü nyangeihepü hatü ammei shangba kü deihhenlehen nyangeihepü shapükei nyukahen; hapai Shembüpalei shahkungnyü ammei jubenyeijaang kü nyuhen; mehenangkü Shembüpalei wonghingani am Ijip leipü mülangpeih.

MÜLANGPÜ 13:14

Mechem ngoikahen hepak kü ammei hapeüthüi, “Hapa mehe lappüang? shei phephahenshang, ammi, ‘Shembüpai büpalei wonghingani aa vaiyei nyupü Ijip kahdok leipü jen müei leilangpeih’ shei etuh.

MÜLANGPÜ 13:16

Shembüpai büpalei wonghingani ham Ijip leipü mülangpeih shei ammei lak kü nyangeihepü hatü ammei shangba kü deihhenlehen nyangeihepü shapü chongkahen.”

BHEI-IE 11:23

Shembüpai Mosa kü, “Shembüpalei nganhiwong maani mon nyüpü hiang? Ngei epü jiüshi nevamkahen hi vamkahenshang nüngi shaang eehen” shei e.

MENVIH KESHO 12:6

Shembüpai lahpeyü hingshangpü, hapayü awbhaong kü nyetpa jakei daütükpü hon hi ngin kei nyüke.