MÜLANGPÜ 5:3 - DAÜLANGPÜ LAIHING (BSI)

³ “Hebrew amei Kahvang ham touei shakei vamküteke. Shaang ham nyih jem lem kü jahpanei daiyei Shembüpa, hamei Kahvang kü jakpü moila shuohhen deishihtuh, hei nevaijema büpai ham dinlemi nevaijü vehok homei jütükhen khih” shei jijinyi-i eteke.

MÜLANGPÜ 5:3 Referans Kwoze

MÜLANGPÜ 3:18

Nüngi mehe enya ngelei nanglakthüi ha bangkahen; nüng hatü Israel behethü Ijip ongpa touei peiyei büpa kü, “Shembüpa, Hebrew amei Kahvang ham touei shakei vamküteke. Shembüpa, hamei Kahvang kü jahpanei nyih jem lem kü daiyei jakpü moila shuohhen ham kü mongshih” shei eyeishuoh.

EZEKIEL 6:11

Jeiyong Shembüpai hapakei enyüke; Lak aptuh, la shouptuh hatü “Onyükei!” shei lentuh. Mehenangkü Israel am phangi nemeipü mang hatü jiühitbenüng dou lemphü dükteke. Hanangkü jomphongi yan, shaühile hatü chamhilemi mahkemhen.

EZRA 7:23

Mepa vangsho Kahvangi dükhen etepa, vangsho Kahvangei phopshem shingvaishi kenhingei ha düktuh. Hei nevaijema ongpa hatü hapeüthü kü mongshih peikahen khih.

2 SHÜPPÜKENGPÜ 30:8

Ambü ampa keiha am mong tevaan; Shembüpa touei maanpü leituh. Büpai den shing daüei tuhpü phopshemei peikei. Am toueipü büpalei mongshih yahlangphahen nangkü Shembüpa, ammei Kahvang chongphotuh.

2 ONGPATHÜ 17:25

Mechem jomi shongei halei nyupa, jomi Shembüpa kü nekhüm; hanangkü Shembüpai mailang shomei jom hanei hahtük.

SHAHKÜP 28:21

Am peiyei nyuhen kahdokei amphong peü dinlemi mangdikem thahshi Shembüpai cham peihühen.

MÜLANGPÜ 7:16

Büpa kü hapakei eyeishuoh, ‘Shembüpa, Hebrew amei Kahvangi ngei nüng touei shompeyü, jahpanei jomi ngei kü khümhen shingvaishi ngelei nanglakthü leishihtuh’ shei ehen shompü khih. Shejao shaang thahshi nüngi nebangnyu.”

MÜLANGPÜ 8:1

Hahepak kü Shembüpai Mosa kü, “Pharaoh touei peiyei büpa kü, ‘Ngei kü khümhen shingvaishi ngelei nanglakthü leishihtuh shei Shembüpai enyüke’ shei eyeishuoh.

MÜLANGPÜ 8:20

Shembüpai Mosa kü, “Dhom mü lomi paotuh hatü Pharaoh yungei yiüküjü pongteiyei büpa kü Shembüpai hapakei enyüke shei etuh: Jomphong ngei kü khümhen shingvaishi ngelei nanglakthü leishihtuh.

MÜLANGPÜ 8:27

Hami jahpanei nyih jem lem kü daiyei mon Shembüpa, hamei Kahvang kü büpai epükei jakpü moila shuohhen vongbong” shei e.

LEVI 26:25

Vangpüshuwpü mangtükpü shingvaishi bhüh hahhen ngei vehok koei peikahen, hatü ammei chingnyüthü mongei yanglem yemei thaiyei küpshi nyulangmao ngei am touei nemeiaokbenüng dinten shuohhen, hatü ammei vepathülei lak kü lanei shuohtükhen.