MÜLANGPÜ 40:38 - DAÜLANGPÜ LAIHING (BSI)

³⁸ Mehenangkü jom longteipü yenlem yang kemei Israel am phang peüei müki eeshi ashakshemei nyihnüngü Shembüpalei phum hatü yanüngü phum kü aw kohtü nyuteke.

MÜLANGPÜ 40:38 Referans Kwoze

MENVIH KESHO 78:14

Nyihnüng büpai jom phumi mühü, hatü yanüng vangngai awi mühüteke.

BHEI-IE 9:15

Ashakshem yaongpü nyih ha kü phumi jümteke. Om kübü dhom thahshi phumi ashakshem shak kü aw keiha jümteke.

MÜLANGPÜ 13:21

Jom nyakhingai thüngei kamhen shingvaishi Shembüpai nyihnüngü jom mühen phum shemnyü, hatü yanüng jom kü vangngai shuohhen shingvaishi aw shemnyü jom shekü daiteke.

MENVIH KESHO 105:39

Büpai jom kü dhümhen phum yaüei deishih, hatü nyak kü vangngai shuohhen aw shuoh.

BHEI-IE 9:12

Jomi nepphei dhom thahshi meheyao aoei netuhhen nevaijü yemhimakei vang ajükao nemanghen. Mechem jomi Hompü Mo mohenshang, hapalei shahkungnyü aimü dükhen.

MÜLANGPÜ 13:22

Nyihnüng phum shemnyü nevaijü yanüng nanglakthü nyupü shing kübü aw shemnyü neyandai.

BHEI-IE 9:16

Hapa keiha nedoh-i nyuteke; nyihnüng hapa kü phumi jüm, hatü yanüng hapayü veiheni aw kei nyuteke.

BHEI-IE 10:34

Jom mechem baümtap leipü layaongei daipa, Shembüpalei phum nyihnüng jom shak kü nyu.

2 SAMUEL 7:6

Ijip leipü Israel am müei daipü nyih kübü pangei shinnyih thahshi shem hük kao nenyuangpih, shejao ashakshem hük kü nyuei shing hük kübü hük shei longteihampeih.