Biblia Todo Logo
Bib sou entènèt

- Piblisite -




MÜLANGPÜ 4:1 - DAÜLANGPÜ LAIHING (BSI)

1 Hahepak kü Mosai Shembüpa kü, “Shejao nyingshah-i jomi ngei epü kü hingnelem nevaijü nebangi ‘Shembüpai nüng touei shakei vamei ne-eangpih’ shei ephüjema, ngei mehe eshuohhen?” shei eteke.

Gade chapit la Kopi




MÜLANGPÜ 4:1
14 Referans Kwoze  

Nüngi mehe enya ngelei nanglakthüi ha bangkahen; nüng hatü Israel behethü Ijip ongpa touei peiyei büpa kü, “Shembüpa, Hebrew amei Kahvang ham touei shakei vamküteke. Shembüpa, hamei Kahvang kü jahpanei nyih jem lem kü daiyei jakpü moila shuohhen ham kü mongshih” shei eyeishuoh.


Jom yanghen shingvaishi Kahvangi büpa noteinyu khih shei laophülei nanglakthüi deihkahen shei Mosai deih, shejao jomi ha nenying.


Laanghai ngei shangei an hatü ngei müei dai, hatü Shembüpalei ngan ngei touei wongmü pei, hatü ngei shahyaki mongshih-ei deihteke.


“Ah, Shembüpa Kahvang! Hingmei ngei shah mekei ehen nenyingnyih; mehenangkü ngeiyü longi hashih hih” shei ngei eteke.


Shejao Mosai Shembüpa kü, “Ngeiyü shah üngpü shennyak Pharaoh-i mekei ngei epü kü bangkahen ang?” shei eteke.


Nanglakthüi hinglem; hatü mechem jomi Shembüpai jom ponghahpü eeyei junghen peipeih shei danpa, jom aümei shaei khümteke.


Hapa shennyaki Mosa kü, “Üpai nüngi ham shak kü vanglem lembü hatü shahphenbü vaihen jepa? Nüngi Ijip naüha jütükpükei ngeiyao jühen deihnyu je?” shei e. Hahepak kü Mosa nyem hatü ngei mehe dükpa, hayü mih-i nyinglangteke shei deih.


Kahvangi Mosa kü, “Nüngi Israel am kü hapakei etuh, Shembüpa, ammei Kahvang, Abraham Kahvang, Isak Kahvang, Jakob Kahvangi am touei ngei shompü khih shei eyeishuoh” shei eteke. Hapayü denden shing ngelei men; hüdenhalenshi ngei deih-ei danghen men nyüke.


Layaongtuh hatü Israel am behethü nyükei thaihütü jom kü, “Shembüpa, ammei bühipa Kahvang, Abraham Kahvang, Isak Kahvang, hatü Jakob Kahvang ngei touei vamei ephopeih shei eyeishuoh: Ngei am kü veishi nyüpeih hatü am kü Ijip ami mehe dükpa ngei nyingei nyüpeih.


Shejao Mosai Shembüpa kü, “Peihdaipü nyih kü nevaijü shaang nüngi nüng chongphobü kü shah elangmao ngei shah mechemao meishi ne-eaok; mehenangkü ngeiyü shah üngpü hatü youngmü epü shennyak hih” shei e.


Shembüpai Mosa kü eshuohpü shahthü peü Aaroni ejateke hatü nanglakthü tou kü yashanpü douthü dükteke.


Shejao Mosai Shembüpa kü, “Israel ami dangkao ngei epü kü nebangjü, ngei keipü shah üngpü shennyaki epü kü Pharaoh-i mekei bangkahen ang?” shei e.


Ha nyih-üng hapa Kahvang shennyaki nyangeihepü hük shuoh: “Shembüpai epü nyangeihepeyü hapa khih: Hapa moidü nyi anei kadaihen, hatü haleipü depla peü haidaihen” shei e.


Gideoni jangei, “Nüngi ngei kü bamei deihjema, ngei mü shah eteipeyü nüng khih shei nyinghen shingvaishi nyangeihepü hük hushih.


Swiv nou:

Piblisite


Piblisite