MÜLANGPÜ 38:21 - DAÜLANGPÜ LAIHING (BSI)

²¹ Shembüpalei ashakshem kü shihpü nyiamthü kengei nyangpü hapakei nyüke: Halei Shahkungnyü An nyangpü yaongshung nyi tuh-ei nyüke; hayü Mosai eshuohpü nangkü Ithamarlei cheha Aaron phangkü dou dükpü Levi ami lingpü nyüke.

MÜLANGPÜ 38:21 Referans Kwoze

PHONGSHANTHÜ DOU 7:44

Mechem büpai Mosa mü eteipa, Kahvangi lingtuh shei ngeükhüam shuohpü düklem büpai eepü aimü jahpanei jenei bühipathüi ashakshem angteke.

2 SHÜPPÜKENGPÜ 24:6

Hanangkü ongpai Jehoiada, jomei mübü kü nyüktü, “Mosai ashakshem shingvaishi Israel am kü thaipü lat Levi ami thaiyei leikahen mehekei nüngi ne-eshuohnya?” shei e.

BHEI-IE 10:11

Vangbong nyi mü len nyi mü nyih kukhapabü kü ashakshem shak kübü phum anlang.

BHEI-IE 9:15

Ashakshem yaongpü nyih ha kü phumi jümteke. Om kübü dhom thahshi phumi ashakshem shak kü aw keiha jümteke.

BHEI-IE 1:53

Shejao ngei mongshihpü Israel am khongkü nehethen shingvaishi Levi amü ashakshem shinei baümtap vehen. Ashakshem kü junghenü Levi amei dousho vaihen” shei eteke.

BHEI-IE 1:50

Ha nangjeiyei Levi amü ngelei ashakshem hatü haleipü douhinangthü kü veihütuh. Jomi hapa ashakshem hatü haleipü douhinangthü kohen, hathü kü junghen hatü ha shinei baümtap vehen.

BHEI-IE 18:2

Ashakshemei chongpho shingkü nüng hatü anhapeüthü kü sheühphahen shingvaishi nüngei jeihinaü Levi am müei deituh.

MÜLANGPÜ 6:23

Aaroni Amminadabei yiükha hatü Nahshonei chenaü Elisheba mü shem yem, hatü Nadab, Abihu, Eleazar, hatü Ithamar angteke.

SHAKEI VAMPÜ 21:3

hatü ngei ong uoshing leipü ngeü longpü hük hapakei epü dan: “Veituh, shaang Kahvangei shemü hangku mü nyüke; Büpa jomphong mü jomei Kahvang vaishi nyuhen, hatü jomphongü büpalei nanglakthü vaihen, hatü Kahvangü jom mü nyuhen;

SHAKEI VAMPÜ 11:19

Hahepak kü vangsho leipü Kahvangei phopshem apteke, hatü büpa Vangpüshuwpü Pela phopshem mongei ee, hatü halei klang nyeppü, klungpü hatü vangmuk khungpü, pedi vükpü hatü vihpü shüyaong nyuteke.

2 PETER 1:13

Ngelei hapa büm yem nyupü thahshi am kü ha douthü deihhühenü jiüpü khih shei ngei deihnyüke.

HEBREW 9:11

Shejao mechem Khristayü peiyei nyupü doumeithülei ngongchong kei peipa, laki nelingpü, lappai, hapa lingpü kahdoknyü kü neompü longpü hatü den ngoipü ashakshem mongei büpa shüteke.

HEBREW 8:2

shennyaki nevai, shejao Shembüpai lingpü daülangpü hatü hingshangpü ashakshemei chongphobü hük nyüpeih.

2 KORINT 5:1

Jen nyupü kahdoknyü leipü ashakshem tendaijema, laki nevepü Kahvang leipü shem hük vangsholei den kü nyüpeih shei jeni nyingei nyüke.

MATHI 17:4

Hahepak kü Peteri Jisu kü, “Shembüpa, jenphongü hamü nyudaijü meihen khih; nüngi mongjema ngei tap jem vephüshah; hük nüng shing, hük Mosa shing hatü hük Elijah shing” shei e.

MENVIH KESHO 15:1

Oh Shembüpa, nüngei daülangpü shemei üpa nyuhen? Nüngei daülangpü shangjingei üpa nyuhen?

JOB SHAHSHA APPÜ 26:1

Hapheikü Jobi jangei e:

JOB SHAHSHA APPÜ 22:23

Nüng Jeiyong Kahvang touei nyokei leijema nüng meihen; nüngei shem leipü nedaünelangpü daütükjema,

JOB SHAHSHA APPÜ 11:4

“Ngei vaipü kü daülangi nyüpeih, hatü Kahvang touei daülangi nyüpeih” shei nüngi eteke.

1 SHÜPPÜKENGPÜ 6:3

Amramei hapeüthü: Aaron, Mosa, hatü Mariam. Aaronei hapeüthü: Nadab, Abihu, Eleazar hatü Ithamar.

BHEI-IE 24:5

Nüngei ashakshem mekei nethe meipa, Oh Jakob; am nyushing mekei nethe meipa, Oh Israel!

MÜLANGPÜ 40:3

Hapa mongei Vangpüshuwpü Pela haütuh, hatü nüngi ha kü ashaki haentüktuh.

MÜLANGPÜ 26:33

Ashakshem mongei ashakü bakshang kü shenei tuhtuh, hatü hapa ashak mongei Vangpüshuwpü Pela shüei tuhtuh, hatü hapa ashaki am shingvaishi Daülangpü Shing hatü Nyeinya Daülangpü Shing baong hanphahen.

MÜLANGPÜ 25:16

Ammi hapa pela kü ngei am kü yahphahen shahkungnyü yaongshung hütuh.

SHAKEI VAMPÜ 15:5

Hapa pheikü ngei veishuohjü vangsho leipü ashakshem apshi ee,

MÜLANGPÜ 38:20

Ashakshem hatü chingshe shinei haongpü hanhaungü melangnyiam mon nyuteke.

MÜLANGPÜ 38:22

Judah am phang kübü Hurlei cheha Uri, Urilei cheha Bezaleli Mosa homei Shembüpai eshuohpü peü ling;