MÜLANGPÜ 34:7 - DAÜLANGPÜ LAIHING (BSI)

⁷ Denshem haja haja kü bampü lakshing nyupü; Mang hatü pungpü shaipü mang tükpü, shejao nejiüpü am kü hanghi neshuoh-i netuhpü; Büpai hapeüthü hatü jomei hüpeüthü kü chebü chepai thahpü mang shingvaishi denshem jem ali thahshi hanghihünyeih” shei lenei peiteke.

MÜLANGPÜ 34:7 Referans Kwoze

MENVIH KESHO 103:3

Büpai nüngei mang kemei tüknyeih, nüngei din kemei meitüknyeih.

EPHESIA 1:7

Büpai jen kü shuohpü büpalei phahji mop shangshi büpalei iy homei büpa kü jen angei leipü hatü mang tükpü nyüpeih.

JEREMIAH 32:18

Nüngi haja longi kü bamnyeih, shejao nyühipalei mang nangkü jomei hapeüthü kü nüngi hanghi shuohnyeih, Oh longpü hatü wong kohpü Kahvang, nüngei menü Jeiyong Shembüpa,

1 JOHAN 1:9

Jeni jenei mangthü lahjema, jenei mang peü tükphahen hatü nedaüpü lemphü kübü daüphahen büpayü monglemaokpü hatü shahhing nyüke.

DANIEL 9:9

Hami büpa khülangmao Shembüpa, hamei Kahvangü phahjipü hatü mang tükpü nyüke;

MENVIH KESHO 130:4

Shejao nüng mü mang tükpü nyüke, hanangkü nüng kü dhüm shuohnyeih.

JOB SHAHSHA APPÜ 10:14

Ngei mang thahjema nüngi ha kü veishi nyüke, hatü nüngi ngei kü hanghi neshuoh-i netuhnyu.

MÜLANGPÜ 23:7

Ammi shahshemi mih tevüshih; ammi mang neshiüpü nevaijü daülangpü shennyak tejü; mehenangkü ngei henüng mang netükpih.

NAHUM 1:6

Büpa mongshihjü üpa yaongaokhenang? Büpa nemei-i mongshihpü üpai nenaokhenang? Büpa mongshihpü awlom kei vamnyüke; büpa tou kü yaongnyüthüao bhihla kei nihdainyeih.

DANIEL 9:4

Ngei, Shembüpa ngelei Kahvang kü phopei hatü mang lahteke: “Oh Shembüpa, longpü hatü nyempühanpü Kahvang. Üami nüng kü bamnya hatü nüngei shahkungnyü ven bangnya, nüngi hathü kü vangpüshuwpü hatü bampü nedoh-i nyunyüke;

HEBREW 12:29

mehenangkü jenei Kahvangü laiyeilungei hahpü aw.

EPHESIA 4:32

Am hüki hük mü bamteituh, hatü bamtei-aungtei mongdang jüktuh, hatü Khrista kü Kahvangi ammei mang tükpükei hüki hükei mang tükteituh.

MENVIH KESHO 86:15

Shejao nüngü phahji yahyangpü Kahvang, Oh Shembüpa, mongshihhen youngmü, bampü hatü shahhing epü kü bhashahshi nyüke.

MIKA 7:18

Nüng keiha lebü Kahvang neshiü, Oh Shembüpa, Nüngi aoei nyupü laophülei nanglakthülei mang tüknyüke; Nüng denden mongshih-ei nenyunyu, shejao düngei ham kü bampü huhen mongongnyüke.

NEHEMIAH 9:32

Hanangkü shaang, Oh hamei Kahvang, longpü wong kohpü hatü nyempühanpü Kahvang, nüngi bampü, vangpüshuwpü jiüshi düknyeih; ham kü, hamei ongthü, ngongpathü, thibüthü, bühipathü hatü nanglakthü kü Assyria am ongthülei hepak kübü shinnyih thahshi peipü shanghahthü kü nüngi shangkhah-i tedeih.

NEHEMIAH 1:5

Hahepak kü ngei, “Oh Shembüpa, vangpüshuwpü jiüshangi nopü hatü üami nüng kü bam hatü nüngei shahkung jiüshi düknya, hathü kü bampü hupü longpü hatü nyempühanpü vangsho Kahvang;

PHONGSHANTHÜ DOU 13:38

Hanangkü jeihinaüthü, am kü ha nyinghünyeih, Jisu homei mon mang tükpü nyüpeih shei am kü chongvennyeih.

PHONGSHANTHÜ DOU 5:31

Israel kü mong leppü shuohhen, hatü mang tükpü danghühen shingvaishi Kahvangi laophülei lakdah philei Mübü hatü Yemleipüba kei longei anshihteke.

JOSHUA 24:19

Shejao Joshua-i nanglakthü kü, “Ammi Shembüpa chongphoei neaokpih. Büpayü daülangpü Kahvang; büpayü mükhühpü Kahvang. Büpai ammei mang netükphapih.

SHAHKÜP 32:35

Bhüh yempeyü ngelei, ngei hapa bhüh yemhen, Jom dodaihen hepak ngoikahen; Mehenangkü jom shangponghen nyih ngoikünyüke, jom dihen lomi peikünyüke.

MÜLANGPÜ 23:21

Ammi kenhingei büpai epü kü bangtuh; ammi büpa khüei teyaong; mehenangkü “Ngelei Men” büpa kü nyupü nangkü büpai henüng keipü mang netükphahen.

SHAKEI VAMPÜ 21:8

Shejao mong nelongpü, hingnelempü, sheihdaipü, shennyak jüpüthü, mükbongjuyungpüthü, phongyompüthü, lajei khümpüthü, hatü shahshem epüthülei shingü awkaong meli kü aw bahpü shemyungei nyuhen; hapayü nyipabü dipü.”

SHAKEI VAMPÜ 20:15

Hapa yangnyu laitap kü men nyangei nenyupüthü hapa aw shemyungei shüktükteke.

LUK SHAHSHA APPÜ 7:48

Hapheikü Jisui pinnyü kü, “Nüngei mang tükteke” shei e.

LUK SHAHSHA APPÜ 7:42

Jijipheni hapa lop shemhen neshiüi nyu; hanangkü shembüi hapa lop neshemhah-i hapa hang shotük. Henyi khongkü üpai nyeishi büpa kü bamhen?”

MATHI 12:31

Hanangkü ngei am kü enyeih, shennyakthü kü mang hatü eelaei epü mang peü tükhen, shejao Laangha Daülangpü khüei thahpü mang netükhen.

MIKA 6:11

Güh-ei lüng shetpü hatü dok gühpü shennyakthü kü ngei mekei etü mang tükaokhen?

ISAIAH 45:21

Shahphen shingei peiyei ammei nang etuh: jom chemi shahnying meipü yemtuh! Hapa vamkahen shei üpai shelei mebü teteivanpa? Peihdaipü hepak kübü-üng üpai hapa ehampa? Hapayü ngei, Shembüpai ephei nevaipü je? Ngei mü lenei daülangpü hatü lebü yemleipü Kahvang neshiüpih; Ngei mü lenei lebü üpaao neshiü.

MENVIH KESHO 136:15

shejao Pharaoh hatü büpalei veshanthü Hakla yungchingei langtük, büpa bampü den kü nyunyeih;

MENVIH KESHO 136:10

Büpai Ijip am hashongthü jütük, büpa bampü den kü nyunyeih;

MATHI 6:12

Hami mih kü mang dükshuohpükei hamei mangao tükshihma.

KAHBHAO 19:16

Büpa jü-üei nyushingkü hapa shennyak nyi-i büpa, chenyüha hatü yiükha nyilei lak kü düktü hapa chingnyü peih-ei müei ngailang; mehenangkü Shembüpai jom kü phahji.

MÜLANGPÜ 33:19

hatü Shembüpai, “Ngei nüng touei ngei meipü peü peih-ei deiphahen, hatü nüng touei ngelei menü, ‘Shembüpa’ shei baonghen, hatü ngei am kü phahjihen hatü shinshanghen.

MÜLANGPÜ 34:9

“Oh Shembüpa, nüngi ngei kü monghahjema, Shembüpa, nüng ham mü daikütuh shei khümnyüpeih. Hayü mong vaanpü nanglakthü vailangmao ham pungpü shaipü hatü hamei mang tükshih, hatü nüngei mükjüp yahhen nanglak leihüshih” shei büpai e.

SHAHKÜP 7:9

Shembüpa, ammei Kahvangü Kahvang nyüke; büpayü hingshangpü Kahvang; büpa kü bampüthü hatü büpalei shah bangpüthü kü denshem haja haja kü büpai lahpü bampü hunyüpeih.

SHAHKÜP 7:10

Shejao büpa kü jiühitpüthü kü pheiyei nenyui hanghi shuohhen.

1 ONGPATHÜ 8:30

Hapa shing philei meetü nüngei chongphobü ngei hatü nüngei Israel nanglakthüi phoppü danlangshih. Nüng nyushing vangsho leipü hami phoppü danei mang tükshih.

2 SHÜPPÜKENGPÜ 30:9

Ammi Shembüpa touei mong lepjema ammei vepathüi yah-ei lüdaipü ammei jeihinaü hatü hapeüthü kü phahji huhen hatü hapa kahdokei müei leikahen; mehenangkü Shembüpa, ammei Kahvangü phahji yahyangpü Kahvang nyüke. Am-üng büpa touei mong lepjema büpalei dhe am toueipü nelepdaipih” shei e.

JEREMIAH 9:24

shejao üami changmeinya, jomi Shembüpa nyingpü nangkü maühehütuh; ngei monghahpü douthüyü bampai, shahhingi hatü daülangpai hapa kahdoknyü kü dou düknyeih shei Shembüpai enyüke.

1 ONGPATHÜ 8:32

nüngi vangsho leipü hapa bangtuh, hatü düktuh hatü pungpüba nyonghüei büpai dükpü büpalei shangjing kü kohütuh, hatü jiüpüba kü jiüpü shangshi thintho shuoh-ei dah shakhütuh.

MENVIH KESHO 25:11

Ngelei mang ahshi longshi nyujao nüngei men kü ngelei mang tükshih, Oh Shembüpa.

MENVIH KESHO 99:8

Oh Shembüpa, hamei Kahvang, nüngi jom kü jangteke; nüngü jom kü mang tükpü Kahvang nyuteke, shejao ten dükpü amkü bhüh yembü nyuteke.

MENVIH KESHO 109:14

Shembüpai chebü chepa amei mang deih-ei nyemdang, hatü chenyülei mang thitei teyaktük.

JEREMIAH 30:11

Ngei nüng mü nyüpeih, hatü nüng yanghen shei Shembüpai enyüke. Ngei am yanei deishihpü jatthü peü mahtükjao, Ngei am chemjalak kü nemahtükpih. Ngei am kü hanghi neshuoh-i netuhpih, shejao hayü shahhingi dükhen; Am kü hanghi neshuoh-i neleishihpih.”