MÜLANGPÜ 34:6 - DAÜLANGPÜ LAIHING (BSI)

⁶ Hatü Shembüpai büpa shekü, “Shembüpa, Shembüpa, phahjipü hatü shinshangpü Kahvang, mongshih youngmü anpü, hatü bampü hatü monglempü kü den ngoipü.

MÜLANGPÜ 34:6 Referans Kwoze

MENVIH KESHO 86:15

Shejao nüngü phahji yahyangpü Kahvang, Oh Shembüpa, mongshihhen youngmü, bampü hatü shahhing epü kü bhashahshi nyüke.

JOEL 2:13

Ammei ashakviha nevai, ammei mongdang shaaktuh. Shembüpa, ammei Kahvang touei mong leptuh; mehenangkü büpayü phahjipü hatü bampü nyüke; Mongshih anhen youngmü, hatü bampü kü changpüshapü nyüke, hatü büpai hanghi shuohhen kübüao mong leidainyeih.

MENVIH KESHO 145:8

Shembüpai phahjinyeih, hatü shinshangei deihnyeih; mongshihhen yung mü, hatü bampü kü changshishashi nyüke.

NEHEMIAH 9:17

jomi ven nedan, hatü jom touei yashanpü douthü dükpü peü betük, shejao jomei ngaümvang vaanei aa laphen kü Ijiplei nyokei leihen tem. Shejao nüngü mang tükpü, phahji yahyangpü, mongshih youngmü vampü, hatü bampü kü changshishashi nyupü Kahvang, hatü nüngi jom netuhphong.

JONAH 4:2

Büpai Shembüpa kü, “Oh Shembüpa, ngei shem leipü layaonghinüng hapakei dükküshasha hih shei ngei epü ha nevaiang je? Hanangkü ngei shüshülangi Tarshish lemei lüdaipeih. Nüngü phahjipü hatü yahyang shinshangpü Kahvang, mongshihhen youngmü, hatü bampü kü bhashahshi, shangpong yakying shomhen kübüao mang tükpü Kahvang shei ngei nying.

MENVIH KESHO 86:5

Mehenangkü nüngü meipü, hatü mang tükpü, Oh Shembüpa, nüng kü nyükpüthü peükü bampü bhashahshi shuohnyüke.

2 SHÜPPÜKENGPÜ 30:9

Ammi Shembüpa touei mong lepjema ammei vepathüi yah-ei lüdaipü ammei jeihinaü hatü hapeüthü kü phahji huhen hatü hapa kahdokei müei leikahen; mehenangkü Shembüpa, ammei Kahvangü phahji yahyangpü Kahvang nyüke. Am-üng büpa touei mong lepjema büpalei dhe am toueipü nelepdaipih” shei e.

MIKA 7:18

Nüng keiha lebü Kahvang neshiü, Oh Shembüpa, Nüngi aoei nyupü laophülei nanglakthülei mang tüknyüke; Nüng denden mongshih-ei nenyunyu, shejao düngei ham kü bampü huhen mongongnyüke.

SHAHKÜP 5:10

shejao üami ngei kü bam, hatü ngei epü bangnya, jom kü denshem haja haja ngei bampü hunyüpeih.

MENVIH KESHO 138:2

Ngei nüngei daülangpü phopshem philei aümei shanyeih, hatü nüngi bampü, hatü shahhing epü shingvaishi menvih shuohnyeih; mehenangkü nüngi nüngei men, hatü nüngei shah lemphü shak kü longei anshihteke.

MENVIH KESHO 116:5

Phahjipü hatü daülangpeyü Shembüpa; jenei Kahvangü phahjinyeih.

MENVIH KESHO 108:4

Nüngi bampü vangshothü mao shaoshi, hatü nüng shahhing epü vangshang ngoishi nyüke.

ROM SHAHSHA APPÜ 2:4

Nevaijü büpai am kü phahjipü mop, büpa munenpü hatü nenteiaokpü kü ne-ienelemnyu je? Kahvang phahjiyü am mong leppü touei mühen shingvaishi shei deihei nedangnyu je?

MENVIH KESHO 111:4

Büpayü büpalei thamapü douthü homei men-e leiteke; Shembüpayü phahji yahyangpü nyüke.

MENVIH KESHO 112:4

Kangshangpüthü shingvaishi vangnyak kao vangngai kei vamnyeih. Büpayü phahjipü, shinshangpü, hatü daülangpü nyüke.

MENVIH KESHO 57:10

Mehenangkü nüngi bampeyü vangshothü kei shaoshi; nüng monglemaokpü vangshang ngoishi nyüke.

MÜLANGPÜ 22:27

mehenangkü büpa büm kü jümhahhen ashak hapa mon vaihen aok; hei nevaijema mepa ümei büpa shihen? Büpai ngei kü leneiwongjema, ngei büpa kü janghen; mehenangkü ngeiyü bampü nyüke.

MIKA 7:20

Nüngi aivang den mü hamei bühipathü kü lahpü keiha, nüngi Jakob kü shahhing dükhen, hatü Abraham kü phahji yahyang huhen.”

YOUNG LAI 3:23

Jomphongü nepjeih ja kei khanha; nüng monglempü longpü nyüke.

JOHAN 1:17

Mehenangkü shahkungü Mosa homei shuoh, shejao phahji hatü shahhingü Jisu Khrista homei peipeih.

MENVIH KESHO 91:4

Büpalei yangkaoki nüng unglanghen, büpa jungpai nüng yanglanghen; büpa shahhing epeyü nüngei inyüshung hatü penyüsha.

MENVIH KESHO 31:19

Nüng kü nyempüthü shing nüngi jaoei tuhpü meipü, hatü nüng kü loipüthü kü nüngi shuohpü doumeithü meshük thamapüang?

ISAIAH 12:4

Hapa nyih ammi hapakei ehen: “Shembüpa men vihtuh, büpalei men kü nyüktuh; büpai mehe douthü dük, ha jatthü kü nyinghütuh; büpalei men peü mü shopüba shei baongtuh.

MENVIH KESHO 111:8

Hinglempai hatü hingshangpai dükhen shingvaishi hathüyü shuoh-ei nyüke.

1 ONGPATHÜ 19:11

Shembüpai büpa kü, “Vamtuh hatü Shembüpalei Kahshangei yaongtuh; mehenangkü Shembüpa hatou peih-ei daikahen” shei e. Hahepak kü longi wong kohshi vanglük lükei kahshangthü bhaoei yaongnyüthü khih mü bhaokteke, shejao hapa vanglükei Shembüpa nenyu. Vanglük lükpheikü shao pedi vük, shejao haleiyao Shembüpa nenyu.

MENVIH KESHO 146:6

Büpai vangsho hatü kahdok, yungching hatü haleipü lemphü lingpeih; büpa den kü shahhing nyunyeih.

JAKOB 5:11

Hingmei nenteiaokpü hupüthü kü hami moihimanpü shei nyüknyeih. Jobi munenpü ammi danphei hatü mekei Shembüpai phahji hatü shinshang, ammi Shembüpalei mükhong eeteke.

MÜLANGPÜ 20:5

Ammi hathü kü aümei tesha nevaijü ha kü tekhüm; mehenangkü ngeiyü Shembüpa, ammei Kahvangü mükhühpü Kahvang. Ngei yaktükpü nyühipathülei hühihathü kü denshem jem, ali thahshi ngei hanghi shuohnyüpeih,

MÜLANGPÜ 33:19

hatü Shembüpai, “Ngei nüng touei ngei meipü peü peih-ei deiphahen, hatü nüng touei ngelei menü, ‘Shembüpa’ shei baonghen, hatü ngei am kü phahjihen hatü shinshanghen.

SHAHKÜP 4:31

Mehenangkü Shembüpa, ammei Kahvangü phahjipü Kahvang nyüke; büpai am netuhphonghen nevaijü nemahtükhen, hatü büpai ammei bühipa mü vangtükpü nebetükhen.

SHAHKÜP 32:3

Ngei Shembüpalei men baonghen, Oh jenei Kahvang longpü nang men longtuh.

1 ONGPATHÜ 8:30

Hapa shing philei meetü nüngei chongphobü ngei hatü nüngei Israel nanglakthüi phoppü danlangshih. Nüng nyushing vangsho leipü hami phoppü danei mang tükshih.

CHONGVENBÜ 8:11

Mechem hangku sho mahtükpü kü lomi hanghi neshuohhenshang, hangkuthülei mongkü ten dükhen temnyüpeih.

ISAIAH 65:16

Üami hapa kahdokei moihiman yühen, shahhing Kahvangi ha moihimanhen; Üami hapa kahdokei vangeishuwhen, shahhing Kahvangei men kü mon vangeishuwhen. Mehenangkü peihdaipü shanghahthü bedaihen, hatü ngelei müksho kübü ha jodaihen.

JEREMIAH 9:24

shejao üami changmeinya, jomi Shembüpa nyingpü nangkü maühehütuh; ngei monghahpü douthüyü bampai, shahhingi hatü daülangpai hapa kahdoknyü kü dou düknyeih shei Shembüpai enyüke.

JEREMIAH 32:18

Nüngi haja longi kü bamnyeih, shejao nyühipalei mang nangkü jomei hapeüthü kü nüngi hanghi shuohnyeih, Oh longpü hatü wong kohpü Kahvang, nüngei menü Jeiyong Shembüpa,

NAHUM 1:3

Shembüpayü mongshihhen youngmü, hatü nganhiwong kü longpü nyüpeih; Shembüpai nemeipü am kü hanghi neshuoh-i hei-üng netuhphongnyih. Büpalei lemü alüngleple kü nyüke; yinglükleisho hatü phumthüyü büpalei la kübü bhihla nyüke.

KAHBHAO 24:27

hatü, “Shembüpa, ngelei shembü Abrahamei Kahvang men longtuh. Büpai ngelei shembü kü bampü lakshing hatü lahtükpü jiüshi dükteke. Shembüpai shinnyih ngelei yendaiyü ngelei shembü amei jeihinaü shemei ngoihüteke” shei e.

BHEI-IE 12:8

Büpa meyü ngei dhe dhe gongei lekei eteinyüpeih, shejao dokei, nyieneinyangei nevaijü shahlapei ne-eteinyih, hatü büpai ngei mekei nyu ha eeteke. Ngei chongphobü Mosa khüei ehen anji mehekei nyemei nedeihpa?”

2 SAMUEL 24:14

Davidi Gad kü, “Ngei mongshang longpü kü nyüpeih. Hangkulei lak kü dolei meyü Shembüpalei lak kü doshah; mehenangkü büpalei phahji yahyangü longshi nyüpeih” shei e.

KANDOK 3:3

Bampü hatü hinglempü nüng toueipü teyantük; Hathü nüngei üng kü yüklangtuh, hatü nüngei mongdang yaongshung kü nyanglangtuh.