MÜLANGPÜ 34:31 - DAÜLANGPÜ LAIHING (BSI)

³¹ Shejao Mosai jom kü nyük, hatü Aaron hatü Israel am mübüthü peü büpa touei pei, hatü Mosai jom kü eteke.

MÜLANGPÜ 34:31 Referans Kwoze

MÜLANGPÜ 3:15

Kahvangi Mosa kü, “Nüngi Israel am kü hapakei etuh, Shembüpa, ammei Kahvang, Abraham Kahvang, Isak Kahvang, Jakob Kahvangi am touei ngei shompü khih shei eyeishuoh” shei eteke. Hapayü denden shing ngelei men; hüdenhalenshi ngei deih-ei danghen men nyüke.

KAHBHAO 45:15

hatü büpai cheihinaüthü peü kü om kü jüptü jomphong mü thep. Haphei küang cheihinaüthüi büpa mü shah etei.

KAHBHAO 45:3

Joseph-i chejei chenaüthü kü, “Ngeiyü Joseph hih! Ngelei opa yemmü-üng nyüpa yo?” shei phe. Shejao cheihinaüthüi nyemei büpa kü shah neleiaok.

MÜLANGPÜ 16:22

Nyih vokpabü kü jomi nyingnyoipü mü shingnyi nyeishi shennyak pabüm kü dok ali baong homteke. Mechem khong mübüthü peiyei Mosa kü ha nang eshuohpa,

MÜLANGPÜ 34:30

Mechem Aaron hatü Israel ami Mosalei dhe nyapü eepa, jomi büpa yopailei heihhen nyem.

MÜLANGPÜ 34:32

Hapheikü Israel am peü büpa yopailei pei, hatü Mosai büpa kü Sinai Kahshangei yahshuohpü shahkungnyüthü peü jom kü shuoh.