MÜLANGPÜ 34:28 - DAÜLANGPÜ LAIHING (BSI)

²⁸ Mosai nehahneyingi hatouei Shembüpa mü nyih pinyi ya pinyi nyu, hatü büpai yaongshung kü vangpüshuwpü shahthü, Shahkungnyü An nyangteke.

MÜLANGPÜ 34:28 Referans Kwoze

MÜLANGPÜ 34:1

Shembüpai Mosa kü, “Sheleipü yaongshung nyi kei nüngi yaongba nyi lokei yahtuh, hatü nüngi bhaotükpü sheleipü yaongshung nyi kü nyupükei ngei shah nyangphahen.

SHAHKÜP 4:13

Ammi dükhen shingvaishi büpai vangpüshuwpü shahkungnyüthü an yaongshung nyi kü nyangtü am kü shuohteke.

MÜLANGPÜ 24:18

Mosai phum yingkü shüei kahshangei aong; halei büpa nyih pinyi ya pinyi nyuteke.

SHAHKÜP 9:25

Shembüpai am mahtükhen shei epü nangkü nyih pinyi ya pinyi thahshi ngei Shembüpa tou kü aümei khümpeih,

SHAHKÜP 9:18

Shao amphongi Shembüpa tou mü mehe ten ha dükei mang thah-ei büpa mongshihhüpü nangkü ngei meheyao nehahneyingi nyih pinyi ya pinyi Shembüpa tou kü aümei khüm.

MÜLANGPÜ 32:16

Hapa yaongshungü Kahvangi lingpü nyuteke, hatü laknyangü Kahvangei laknyang yaong kukei nyangpü nyuteke.

MÜLANGPÜ 31:18

Mechem Kahvangi Sinai Kahshangei Mosa mü shah eteiyei tempa, büpai büpa kü Kahvangei lakjaangi shüngei nyangpü Shahkungnyü Yaongshung nyi shuohteke.

2 KORINT 3:7

Shaang dipü koei peipü chongphopü dousho mepa yaong kü kukei nyangtepa, hapa müknyinshekhang kü peishingkü hapalei müknyinshekhang shaang yimdaiyaki Israel ami Mosalei dhe kü ngangei neveiaokjema,

SHAHKÜP 9:9

Shembüpai am mü lingpü vangpüshuwpü shahkungnyü yaongshung yahhen shingvaishi ngei kahshangei aongei meheyao nehahneyingi nyih pinyi ya pinyi halei nyuteke.

MATHI 4:2

Büpa nyih pinyi ya pinyi shüaeiyungle pheikü büpa aeiyei pei.

LUK SHAHSHA APPÜ 4:2

Halei büpa nyih pinyi kahshih-i büpa kü dok. Büpai hathü nyihyang kü meheyao nehah, hatü mechem hathü nyih peihpa, büpa aeiteke.

MÜLANGPÜ 34:10

Hahepak kü Shembüpai, “Ngei am mü vangpüshuwpü hük lingnyüpeih. Kahdok shak kü hatü mepa jat kao chemao mangdükpü yashanyale dou hük ngei nüngei nanglakthü tou kü dükhen, hatü am mü chemi shennyakthü peüi ngei, Shembüpalei dou eehen; mehenangkü ngei am kü nyembenüng dou dükhen.

SHAHKÜP 10:10

Sheleipükei ngei nyih pinyi ya pinyi nyuteke, hatü Shembüpai hahepak kao ngei epü kü bangei am nemahtükpih shei ephüteke.

1 ONGPATHÜ 19:8

Büpa paoei hahyingtü hapa hahpü wongi Kahvang Kahshang, Sinai thahshi nyih pinyi ya pinyi dai.

SHAHKÜP 10:5

hatü ngei kahshang leipü nyokei leiyei Shembüpai ngei kü epü keiha ngei lingpü pela kü ha hüpeih, hatü hathü shaangao halei nyüpeih.