MÜLANGPÜ 34:21 - DAÜLANGPÜ LAIHING (BSI)

²¹ Nyih vok thahshi ammi dou dükhen; nyih nyetpabü kü ammi han hokpü hepak vaijao, hahvet hepak vaijao dou tedük.

MÜLANGPÜ 34:21 Referans Kwoze

MÜLANGPÜ 23:12

Nyih vok ammei dou dükhahtuh, shejao nyih nyetpabü kü ammei mohoh hatü gadu ngü leihen, hatü am shemei bühpü aa hatü benhapa nyiumeihen shingvaishi dou nedüki nyiumeihütuh.

LUK SHAHSHA APPÜ 13:14

Shejao Sinagog mübüi Jisui Sabbath nyih meihüpü nangkü mongshih-ei khongkü, “Dou dükhen nyih vok nyüpeih, hathü nyih kü peiyei meihütuh, shejao Sabbath nyih nevai-i” shei nedoh-i eteke.

1 SAMUEL 8:12

Büpai jom hanei haja shak kü mübü, pinyipüan shak kü mübü, hatü lebüthüyü büpalei kah lingei, hatü hah vethen, hatü nedoh-i haneiyü büpalei vehok phunglang vaihühen hatü büpalei koyei khari kü hadir vaihen.

SHAHKÜP 21:4

yungyen nyupü hatü chemao kah manglingpü hatü chemao sheili mangsheipü kahji hükei müei daiyei hapa mohoh chehalei üng kü vethen.

MÜLANGPÜ 35:2

Nyih vok ammi dou dükhen, shejao nyih nyetpabü kü am peü daülangpü Sabbath nyiumeiyei Shembüpalei men kü themhen. Üpai ha nyih dou dükhenshang jütükhen.

LUK SHAHSHA APPÜ 23:56

Hapheikü jomphong nyokei leiyei nyiohen meli hatü vong büpü meli tem. Shejao shahkung kü nyupükei jomi Sabbath themteke.

ISAIAH 30:24

Han hokpü mohohbaong hatü gaduthüi meishi shüei shaptükpü het hahhen.

KAHBHAO 45:6

Kahdok kü münghishaü peipheikü bong nyi mon dainyüpa, shao bong nga thahshi kah nelinghen, hah nevethen aoei nyüpeih.

MÜLANGPÜ 31:15

Nyih vok ammi dou dükhen, shejao nyih nyetpabü-ü Shembüpa kü daülangshemsheyei themhen Sabbath nyih nyüke; üpai ha Sabbath thempü nyih dou dükhenshang jütükhen.

LEVI 23:3

Ammi nyih vok dou dükhen, shejao nyih nyetpabüyü nyiumeipü Sabbath nyih nyüke. Ha nyih dou nedükhen shejao khümnüng thaihen. Am melei nyuhenshang nyujao dou nedükhen; Sabbath nyih-ü Shembüpalei nyüke.

NEHEMIAH 13:15

Hathü nyih kü ngei Judahlei Sabbath nyih nyalingngupai ngümpü, hah shetei leitü ha mü gadu kü kohühen yiü, nyalingngupai, adhajük, hatü lebü hanggo peü kohütü Jerusalemei leipü eetepih. Sabbath nyih hahying yupü khüei shahvüng shuohtepih.