MÜLANGPÜ 34:20 - DAÜLANGPÜ LAIHING (BSI)

²⁰ Shongei shaanpü gadu chehayü mi jüei moilatü angei leituh. Hapakei angei neleijema, hapalei üng mangtüktuh. Shongei bühpü yeshangthüao angei leituh. Üpaiyao ngei touei moila neko-i lakkong tepei.

MÜLANGPÜ 34:20 Referans Kwoze

SHAHKÜP 16:16

Shembüpa, ammei Kahvangi jepü khümshingei nanglakthü vangbong kü jempa thahshi Hompü Mo, Hahvet Mo hatü Ashakshem Mo hepak kü thaikahen. Üpaiyao Shembüpa touei lakkong nepeihen vongbong.

MÜLANGPÜ 23:15

Ngei am kü epükei am Ijip tuhtü daipü Abib len kü daw neshihpü aan mo motuh; mehenangkü nyih nyet mongkü ammi daw neshihpü aan mo hahtuh. Ngei touei moila neshiüi üpaiyao lakkong tepeikei.

MÜLANGPÜ 13:13

Shejao shongei shaanpü gadu jeiyei mi yah-ei moila shuohtü angei leituh; ammi ha angei neleijema, hapalei ngaümchong mangtüktuh. Ammei shongpü hashongpathü kemei angei leituh.

BHEI-IE 18:15

Shongei angpü hashongpathü, shongei shaanpü yemhimak Israel ami Shembüpa kü shuohpü kemei nüngei hean nyüke. Shejao hashongpa hatü shongei shaanpü yemhimakthü angei leihen shingvaishi shuohpü lop nüngi yahlangshuohhen vongbong.

MÜLANGPÜ 13:15

Mechem Pharaoh mong vaanei neleishihpih shei epa, Shembüpai Ijip kahdok kübü hashongpathü hatü shongei shaanpü yemthü peü jütükpeih. Hanangkü shongei shaanpü yem baongha kemei jeni Shembüpa kü jakpü moila shuohnyüpeih, shejao hashongpa kemei angei leinyüpeih.

2 SAMUEL 24:24

Shejao ongpai Araunah kü, “Tah, ngei nüng kü lop shuohtü-üng shakhen hih. Ngei lat neshuohpü kü ang kübü doui Shembüpa, ngelei Kahvang kü moila neshuohpih” shei e. Hanangkü Davidi hah tenshing hatü mohohbaongthü lop pinyipüan shuohtü shak.

MÜLANGPÜ 13:10

Ammi vangbong ieyei hepak jiüshi hapa mo moteituh.”

MÜLANGPÜ 22:29

Nepheidai-i hepak jiüshi ammei puongmong kübü hahying hatü olive mainga moila shuohtuh. Ngei kü ammei hashongpathü moila shuohtuh.

MÜLANGPÜ 13:12

Ammi shongei angpü lemphüli Shembüpa shing yaongei tuhtuh. Shongei shaanpü yemhimak baongha kemei Shembüpalei.