MÜLANGPÜ 34:15 - DAÜLANGPÜ LAIHING (BSI)

¹⁵ Ammi hapa kahdok kü nyupü shennyakthü mü meheyao vangpüshuwpü nelinghen; mehenangkü mechem jomi jomei kahvang kü khümhen hatü ha kahvangthü kü jakpü moila shuohhen, jomi am kü nyükhen hatü ha kü moila shuohpü hahying ammi hahhen khih;

MÜLANGPÜ 34:15 Referans Kwoze

SHAHPHENBÜTHÜ 2:17

Shejao jomi shahphenbüthülei shah-ao nebang, shejao jom nying kü lebü kahvangthü mü mükbongjuyungei hathü kü khümteke. Shembüpalei ven bangei kampü chebü chepalei lem kü nekami lomi lemnyong kü lüdaikem.

1 KORINT 8:4

Lajeithü kü jeetükpü hahying hahpü nang keyü, “Hingmei mü hapa kahdoknyü kü lajei neshiü, hatü Kahvang hük mü lenei lebü neshiü” shei jeni nyingnyüke.

MENVIH KESHO 106:28

Hapheikü jomi Peorlei Baal kahvang kü khüm, hatü mahng kü jeetükpü hahying hah.

SHAHKÜP 31:16

hatü Shembüpai Mosa kü eteke, “Sheyü nüng lomi didaihen, hatü hapa nanglakthüi meshük neangi jom peiyei nyuhen kahdok leipü kahvangthü kü khümhen. Jomi ngei yakphonghen hatü ngei jom mü lingpü vangpüshuwpü mangtükhen.

BHEI-IE 25:2

Ha nyühathüi jomei kahvangthü kü moila shuohpü mohitap kü shennyakthü nyük, hatü Israel ami hapa hahying hah, hatü jomei kahvangthü kü khüm.

1 KORINT 10:27

Nevaipü hanei ami am kü hahyinghen nyükphüjema, hatü am halei daihüjema, ammei mongdeih nang meheyao shah nephe-i mepa temei shuoh, ha hahtuh.

1 KORINT 8:10

Am kihikon kohpüthüi lajeilei phopshemei hahyingpü wong nekohpü shennyaki eejema, büpai lajei kü jeetükpü hahying hahhen büpa mong nelonghen je?

1 KORINT 8:7

Shejao peüi payü ha nyingei neshiü. Shennyak haneiyü shaang thahshi lajei kü khümpü yemya nyupü nangkü mechem jomi henüng hahying hahhenshang lajei kü jeetükpeih shei deihshi hahnyüke, hatü jomei sholi wong nekohpü nangkü jom sheihdainyüke.

JEREMIAH 3:9

Pinnyüi mükbungjuyung dükpü longi maanteke shei kahdok kemei sheihtük, hatü pü hi yaong peü mü mükbungjuyung dükteke.

LEVI 17:7

Jomphongi hajük kü yum lajei kü yem jüei moila shuoh-ei mang dou nedükhen. Hapayü jom shingvaishi hüdenhalenshi noteihen shahkungnyü nyüke.”

MÜLANGPÜ 34:12

Am daipü kahdokei nyupü shennyakthü mü meheyao vangpüshuwpü nelinghen lituh, hei nevaijema hapai am kü aethitai vaikahen.

SHAKEI VAMPÜ 2:20

Shejao ngei am khüei ha nyüpeih: Ammi hapa nyüha Jezebel, üpa pinnyü nyingi thibüla shei etü ngelei chongphobüthü kü mükbongjuyunghen hatü lajeithü kü moila shuohtükpü hahying hahhen nyuh-ei lemnyong kü mülang, ammi pinnyü hei-üng veishi tuhnyüke.

HOSEA 9:1

Mongteong, Oh Israel nanglak, mih jatli kei mo-eitapei mongteongtei. Mehenangkü am büpa toueipü yanei hingnelemi nyuteke. Büm yutü ha kü lat danghen, hatü hahying lemphü danghen kü kennyüke.

HOSEA 4:12

Ngelei nanglakthüi pü lajei hük kü phenyüke, hatü pü lenshuoh-i jangshuohnyüke. Mükbongjuyung laangha hüki jom lemnyong kü mülangteke, hatü jomi mükbongjuyung dükei jomei Kahvang yakphongteke.

MENVIH KESHO 73:27

Nüng mebü yanei nyupüthü peü mahhen; nüng kü shahshem epüthü nüngi dohtükhen.

EZRA 6:9

Vangsho Kahvang kü jakpü moila shuohhen nangkü mohoh baonghathü, mi baonghathü, nevaijü mithü mepa mepa nahen, shao Jerusalem leipü ngongpathüi wheat aung, hüm, yiü nevaijü mainga mepa mepa yühen, neshai-i nyihjeih jom kü hathü shuohtuh.

SHAHKÜP 7:2

Mechem Shembüpa, ammei Kahvangi ammei lak kü hathü lanei shuohhen, hatü neühenshang, amphongi hathü chemjalak kü mahtükhen. Jom mü chingmei teling nevaijü phahji tehu.

BHEI-IE 15:39

Shembüpai am kü shuohpü shahkungthü deih-ei danghen shingvaishi hapa vitem kü veihen, hatü ammi hathü ven bangei dükhen, hatü ammi laophülei mükhimongi lümpülei daiyei ngei toueipü neyanhen.

MÜLANGPÜ 34:10

Hahepak kü Shembüpai, “Ngei am mü vangpüshuwpü hük lingnyüpeih. Kahdok shak kü hatü mepa jat kao chemao mangdükpü yashanyale dou hük ngei nüngei nanglakthü tou kü dükhen, hatü am mü chemi shennyakthü peüi ngei, Shembüpalei dou eehen; mehenangkü ngei am kü nyembenüng dou dükhen.

MÜLANGPÜ 23:32

Ammi jom hatü jomei kahvang mü vangpüshuwpü meheyao nelinghen.

PHONGSHANTHÜ DOU 15:20

shejao jeni jom kü nyangshuohhenü lajei kü jeetükpü hahying nehahhen, mükbongjuyung mang kübü, hatü yüpei jüpü hatü iy hahpü kübü yanei nyuhen ehen khih.

MÜLANGPÜ 22:20

Shembüpa, ngei mü lenei shennyak üpai lebü kahvang kü jakpü moila shuohhenshang, jütüktuh.

MÜLANGPÜ 32:8

Ngei jom kü dükhen eshuohpü peü yakphongtü lembienei lüdaikemteke; jomi jom shingvaishi mohoh cheha lajei hük lingtü ha kü khümei jakpü moila shuoh-ei, ‘Oh Israel am, hapayü am Ijip kahdok leipü müei daipü ammei kahvang khih’ shei enyüke” shei eteke.

BHEI-IE 25:1

Mechem Israel am Kittimei nyupa, bahathüi Moab am nyühathü mü mükbongjuyungei chongpangteke.

SHAHKÜP 7:3

Jom mü yiük tepong. Ammei yiükhathü jomei yeshangthü kü doi tedeishih nevaijü ammei yeshangthü shing jomei yiükhathü teyah.

SHAHKÜP 32:37

Hahepak kü büpai nanglakthü kü, “Jomei kahvangthü melei nyüpa, jom loishing yaong melei nyüpa?” shei phehen.

SHAHKÜP 32:38

Ammi hathü kü ammei moila kübü cheü ühhamteke, hatü yinghen yiü shuohteke. Hathü peiyei nyemsheühpha, hathüi am loishing nyemyahpha.

JOSHUA 23:12

Shejao ammi büpa toueipü yanei daiyei am mü yangei aoei nyupü jatthü mü küeijemei, yiükeilaei nyeteinyangjema,

SHAHPHENBÜTHÜ 3:6

hatü jomi jomei yiük yah, hatü jomei yiükhathü doi deishih hatü jomei kahvangthü kü khümteke.

1 SHÜPPÜKENGPÜ 5:25

Shejao jomi chebü chepalei Kahvang touei mang thah, hatü Kahvangi jom toueipü mangtükpü hapa kahdokei nyupü nanglakthülei kahvangthü kü khümteke.

EZRA 9:12

Hanangkü ammi jom mü yiük teyahtei. Am wong koh-ei leihen hatü kahdok kü vampü meipü ammi hahhen, hatü ammei hapeüthü shing denden mükjüp tuhhen shingvaishi jom mü meheyao chingmeivangmei teling, nevaijü mophimo teyemtei.

MÜLANGPÜ 22:19

Yemhimak mü mükbongjuyungpü shennyak jütüktuh.

SHAHKÜP 31:18

Hatü hingmei hapa nyih jomi lebü kahvangthü touei lepei mang thahpü nangkü ngei ngelei dhe jodaihen.”